زوجي لا يحبني و يفكر بطلاقي
 

تكفون ابي حل لمشكلتي انا متزوجه من 5اشهر تزوجت شاب مطلق ليس لديه اطفالجلس مع زوجته السابقه 5 سنوات صارحني بحبه لزوجته السابقه مع انها هي الي ماتبغاه يقول لي انا حبيتها وهي ماتستاهل الحب وانتي ماقدررت احبك مع انك تستاهلين كل الحب اذا سالته هو يحبني او لا يقول انا مااحبك بس لك غلا بقلبي ويقول لي ان زوجتي الاولى ماحبيتها الا بعد سنه تقريبا لان الحب اللي يجي بسررعه يروح بسرعهوهو من بعد زواجنا باسبوع تقريبا صارت تجيه ضيقه كان يقولي انه بس يتخيلها اذا رقى مع الدرج خصوصا انه ماغير البيت حتى اذا قربت يمه وصرت بجنبه يدزني ويبعدني ويقول مااحب احد يلصق فيني مشكلته انه معترف اني كامله والكامل وجهه الله يقول انتي جوهره ماقدرت افرط فيك من بدايه زواجنا لكن اللحين مااقدر ذبحتني الضيقه يقول وربي ماراح الاقي زيك حاشمتني ومقدرتني انا واهلي المشكله ان اهله واحنا راح نسافر بمشيئه الله لدوله عربيه بهدف السياحه وهو يقول هذي السفره اخر فرصه لنا ان زانت اوضاعنا والا راح اخليك عند اهلك 3 اسابيع ان استمرينا كذا راح ننفصل يعني بالكثير بيكون بشهر 10 الله يفرج همكم عطوني حلول وش اسوي انقذو بيت راح يتهدم نسيت اقولكم ان اهله متمسكين فيني وما يبغون الاولى لانها شايفه نفسها00ودمتم لي ذخرى

حبيبتي انتي المفروض مستعده لي هالاشياء مو بالساهل ينسى الاولى بهالبساطه وزي مايقولون العشرة ماتهون انتي روقي وهدي بالك واذكري الله كثير اللهم اشرح لي صدري ويسر لي امري اللهم يامالك الملك ملكني قلب من احوجتني اليه هدئي من روعك وكوني معه في كل حال سافر سافري معه عوديه عليك وخليه يشتكي لك اذا فيه ضيق قوليله عطني ماعندك وانا بعينك ادخلي قلبه وانتي الحين زوجته واذا شفتي مره ماتقدرين واهو متحسف على طليقته صارحيه قولي انا تعبت معاك ليش طلقتها وانت تحبها وخذتني حرام عليك تبي تطلقني بعد طلق ...
و ان شالله يصحى على حاله اهو طلقها 3 يعني بلا رجعه حتى تتزوج ثاني ويطلقها ؟
الله يفرج همك حبيبتي ومن ضاقت عليه استهدي بالله وعليك بالاستغفار ...

ومثل ماقلت المفروض انك حاطه اسوأ الاحتمالات ربي يفرج همك باين ان اهله محرضينه لين طلقها وانتي معجبين فيك وباخلاقك ربي يوفقك ...

هو طلقها بشهر 12 وزواجنا 28/4 هو طلقها لانها مستحقره اهله وماتطيقه وتحاول تزعله فهو عصب وطلقها المشكله انه في بدايه زواجنا قال اني قلت لها لو مايبقى بالبنات الا انتي ما اخذتك واللحين شكله حاط بباله انه يرجع لها وهو ماطلقها الا طلقه وحده تخيلوا حتى رجولوه ابوسها اقوله لانها هي اللي بتدخلني الجنه ماناقصني لاجمال ولا شي واهله لا والله حرام ماتدخلو بحياته لانهم مايعرفوني من قبل مادرو الا يوم جاء وقالهم تراي طلقتهابس وش رايكم وحده من عماتي قالت لي اسحبي عليه حاولي تغلين عليه لان الرجال يحبون الحرمه الصعبه وهو قد قالي انه يحب البنت قويه الشخصيه وانا طيبتي هي الي دمرتني وش رايكم؟

حبيبتي ثقي بالله ثقه تامه انه سبحانه بيصلح شانكم والله الذي لا اله الا هو اني مريت بظروف صعبه لك مع ذلك والله اني كنت واااااااااااااااااااااااااااثقه بالله انه بييسر امري والدعا والاستغفااااااااااااااااااااااار رااااااااااااااائع ودعاء الوالدين
والله يوفقك ويصلح اموركم ياااااااااااااااارب
وطمنيني عنك

لاحول ولا قوة إلا بالله

اللهم فرج همك ونفس كربتك وحبب زوجك فيك

أختي الكريمة

شيء طبيعي أن يكون فكر زوجك وقلبه يميل لطليقته لأنها أول حب بحياته وبينهم عشرة عمر خمس سنوات لاتقارن بخمسة أشهر

الي ممكن أقوله لك شوفي وش الصفات الي يحبها بطليقته وحاولي تسويها

أيضا ناقشيه وقولي له يعني ما يبنى بيت بدون حب ؟

البيوت تبنى على العشره بالمعروف قبل الحب والحب يأتي مع الوقت

وهل ترضى أن ترميني وأنا وافقت عليك ووهبتك نفسي ومشاعري وقلبي وقلت بنفسي وقتها ولد فلان ماراح يظلمني

حاولي أن تأتيه من جهة شهامته وكرمه ورجولته لعل الله يلين قلبه

أيضا أختي الكريمه لاتنسي سهام الليل فهي لاتخطئ

عليك بالدعاء في هذا الشهر الفضيل والتضرع لله سبحانه وتعالى ولاتنسي الثلث الأخير من الليل

أتمنى إني أكون قدمت لك مساعده

ولاتنسين أخوك من دعوه في ظهر الغيب وإن الله يرزقه الزوجه الصالحه ذات الدين والخلق والجمال ويجعلها قرة عين له :)

عليك بالدعاء


-أكثري من الاستغفار



-واظبي على قلراءة سورة البقرة كل يوم قراءة كاملة حتى يزول مابك من اذى فلربما انك محسودة او معمول لزوجك سحر -ربط