زوجتي تطلب الطلاق
 

السلام عليكم ورحمه وبركاته وكل عام وانتم بخير المهم بدخل بالموضوع على طول وشي من التفصيل . انا ابلغ من العمر 34 سنه وعينت مدير لاحدى المحافضات وانا كنت اعزب وهذي المدينه تبعد عن اهلي 120 كيلو الهم حبيت استقر واتزوج واحصن نفسي . اهل الخير دلوني على وحده معلمه مغتربه مثل حالتي اهلها بمدينه ثانيه تبعد عنها180 يعني هذي جايه بالنص بين اهلها واهلي . بدايه القصه انه اتزوجنا وكل شي تمام مع العلم اني اثثت بيتين عند اهلي بيت مستقل لللاجازات فقط والثاني بمكان شغلي حتى نكون مرتاحين ولا احد يضايقنا . وبعد كذا رحنا شهر عسل ورجعنا وكل شي سمن على عسل وهي كانت تحبني كثير حسب ما حسيت منها وكلامها عني قدام اهلها 0 وبعد كذا بعد اسبوعين من الزواج تبي تحمل تحمل ومن كثر ماتفكر بالجمل حملت من اول اسبوعين قعدت عندي اول شهر بدت عليها ضواهر الوحام وكره الزوج والاشياء الحامضه انا رحمتها قلت خليك عند اهلك حتى ينتهي الوحام 3 شهور وجبت لها اجازه مرضيه لها . بعد كذا صرت اكلمها بالتلفون واطمن عليها . مع العلم انه اخذت اجازه شهر بالصيف كنت مخطط اروح انا وياها بالصيف ولما حملت اجلتها ليعد 3 شهور حتى ينتهي الوحم حقها 0كذا كل شي تمام ومافيه اي مشاكل .................................................. .................................................. ..................... بدايه المشكله انه اكتشفت انها مقدمه نقل لضروف خاصه من غير ماتقولي ولما وافقو على نقلها انقلبت علي وصارت ترسلي رسايل انه يا اني انقل عند اهلها ولا ننفصل ؟؟ انا شفت هالرساله انجنيت من هالرساله ادق عليها ماترد وسكرت جوالها 0انا ماخبرت احد وقلت يمكن هذا من اثر الوحم و. انا اكتشفت سالفه نقلها بعدين بعد البحث والتدقيق وهي ماقالتلي 0وانا مدري وش السالفه وليش متغيره علي.المهم صارت تكررطلبها بالطلاق وانا كنت كل يوم والثاني اطمن عليها واكلم امها 0 المهم جتني منها رساله تقول انت ليش تدق على امي انا ما ابيك ولا زم تطلقني انا مابيك ولا ابي اهلك ولا ديرتك مع العلم اني شايلها على كفوف الراحه واي شي تطلبه انذه لها واهلها يعرفون هالشي وش كثر سويت عشان اسعدها
بعدها انا قلت لازم اخبر اخوانها وخواتها وامها على الكلام الي بدر منها . وانها نقلت وانا مدري عنها وانها تبي تطلق لانه ماكنت حاب انه يطلع الموضوع من بيني وبينها . اهلها واخوانها مبررهم انها متوحمه عليك وكارهتك 0وان شاءالله يصير خير المهم هالحين بالشهر الخامس وكل شوي رسايل انت ماعندك كرامه ماتطلق انا راح افضحك وكل ماجيت ازورهم تنحاش وترسل انت ماتفهم ليش تجي انا ما راح ارجعلك .

يعني انا تبهدلت وتكلفت واخر شي هذي جزاتي .خواتها يقولو مانقدر نكلمها عشان الحمل قلت مو مشكله اشوفها واطمن عليها او اسمع صوتها ز تخيلو لي اكثر من 4 شهور لا شفتها ولا كلمتها ماغير ارسايل الي ترسلها وتبي تتطلق 0


السؤال ايش العمل ادري راح تقولو هذا وحم ومدري ايش بس حتى لو وحم وانتهى ما راح ترجعلي لانها كانت مقدمه نقل وجاها وهي يمكن شافت انها تسرعت بالزواج يعني حتى لو رجعت بتكون بعيده عني
انا بالنسبه لي ققرت اني ارسل على اخوانها انهم يرجعونها لي واذا مارجعت اثبت عليها اثبات نشوز وترك بيت الزوجيه والمحكمه ياترجعها لي او تخلعها هذا خر شي قررته .لانها مافكرت فيني ولا في الي في بطنها وفكرت بنفسها بس حتى اهلي كل شوي وين حرمتك وين حرمتك وانا ساكت واقول وحم وحم
لين صارلي 5 شهور الحين خلاص 0



انا ابس ابي مشاركتم وهل القرار الي اتخذته قرار سليم او لا لانه انا اعاني من صدمه نفسيه بسبب الي سوته فيني واسف على الاطاله وكل عام وانتم بخير

طول بالك وانتظر اربع شهور اضافية حتى موعد ولادتها حتى تنتهي كل حججهم ولا تظلمها

فإن استمرت على عنادها تصرف بما يخدم مصالحك

واللهي مش عارفه شو هالوحم

طيب كلنا توحمنا على كره الزوج ببنتي الصغيره ولكن ما عم نعمل اللي يعملوه

استخر يا اخي الله يصبرك ويعينك والله مش عارفه شو اكتب

هلا شكرا على سرعه ردك بس حتى لو انتضر اخر شي هي نقلت عند اهلها من غير ماتقولي يعني اتعب نفسي على الفاضي .وانا بس قاعد اشوف منها رسايل تبي تتطلق وتبي الطلاق

والله استخرت وكل شي بس مافيه انسان يتحمل الي قاعده هي تسويه فيني من اهانات وانا صابر وساكت بس بعد اكتشاف نقلها قلت ليش اتعب حالي معاها

والله معكِ حق يا أم حسن.

بصراحة أصبحت قصة الوحم هذه في منتهى السخافة .. وكأن الحمل يُفقد المرأة عقلها!!!!!!!!!!!!!

والقهر أن أهلها يسايرونها!!!



والله يا أخي إن لم تعد ترغب في الحياة معك فلتختلع منك وترد لك حقك ..... والله يكون في عون الطفل القادم!!

هلا اشكرك وهذا هو الحل الي توصلت له بالاخير بس انا اطلب بالضرر الي لحقني المادي والمعنوي

انا اذكر بفترة حملي كرهت زوجي ورحت بيت اهلي بس ماكنت انام فيه ابد

غريب امر الوحام هالفتره ذي

انت عليك انك تصبر لين تولد وكمان اصبر لان في حالة اكتئاب مابعد الولاده

والله يعينك

هلا انا صابر موقايل شي بس وش الفايده يوم تنقل وانا اخر من يعلم يعني هي مخططه على كذا وهذا الي مخليها تبي الطلاق تبي تكون عند اهلها

هل زوجتك طلبت النقل قبل الحمل ولا بعده ؟

وبعدين الاربع شهور المتبقية للولادة وبعدها بقليل مدة ليست طويلة اذا ما اخذنا بالاعتبار ان التسرع في قرار الانفصال يترتب عليه تبعات كبيره على مستقبل هذا الطفل وهو المتضرر الاكبر حيث سيحرم من تواجد والديه معا ؟

ولا تدري .. ممكن بعد ان تراه بعينيك سيتغير تفكيرك ونظرتك لمستقبك علاقتك معها بصورة كبيره

في كل الاحوال انصحك بالانتظار ومحاولة ايجاد حل مقبول لكن بعيدا عن الانفصال