|
لم أعد أرغب في الزواج ... ماهو السبب ؟؟
السلام عليكم ورحمة الله وبركاته : أتمنى من الاعضاء المحترمين يفسرون لي وضعي ويجاوبوني على أسألتي ..( رجاءاً اللي يبي يستهزأ يضف وجهه من الحين .. ماأريد أي استهزاء .. واللي مو عاجبه مو ضوعي يطلع منه ) السالفة باختصار .....أنا كنت أيام الجامعة دايماً أتكلم مع صديقاتي في موضوع الزواج .. وكنت أمووووووووت بس على طاري الزواج ... حتى كنت معروفة بالشي هذا .. يعني اللي تبغى مني مصلحة اوتبغى تونسني تدعيلي بالزواج وبس ... وبصراحة كنت أحب صديقاتي كثير وكان عددنا تقريباً ثمانية .... لكن سبحان الله ..بعد التخرج ......... كلهن تزوجن ماعدا أنا ووحده كمان بس شكلها ماتطول ... وصاروا كلهم يقولولي .. انتي اللي تموتين على الزواج ومع ذلك تزوجنا قبلك .... والحين تخرجت من الجامعة صار لي سنتين ... لكن : نظرتي للأمور تغيرت تماماً .. رغبتي في الزواج تكاد تكون منعدمة تماماً .. خلاص مالي نفس أتزوج ... لاني صرت اكثر وعياً وادراكاً للأمور وتفهماً وبديت أشعر كمان أن الزواج مونفس اللي ببالي .. وكأن الله أنجاني منه ... وانا بالفعل أجريت تحقيق مع كل صديقاتي .. " وين افضل الحياة قبل الزواج أم بعده " كلهم قالوليها ... قبل أحسن بكثير ... الزواج أول شهرين وبس .. وبعدها غثا ... بدءاً بالحمل والتعب والملل ... ومسؤولية وبعدها سكرات الولادة ... وبعدها طفل يجيب المرض سهر حرمان من النوم صياح مستمر حليب غيار حفاظة تنظيف كررررررررررررررف الى ابعد الحدود .. فوق كذا العلة اللي عندها مايقدر أهم شي عنده نفسه .. لان الرجل بطبعه اناني ... يعني مافي وقت الوحده تعطيه لنفسها .. مسؤوليات وواجبات والزاميات ........الخ أنا بصراحة حالياً .... تغيرت كثيييير عن أول .... بديت أنظر لصديقاتي على انهم سطحيات جداً ماعندهم عمق بالتفكير ... وماعندهم سالفة ... مع اني قبل كنت دايماً اتناقش معهم ... بس كانوا دايماً يوصفوني " تفكيرك غريب .. انتي دايماً مختلفة .. رأيك غير .. انتي دايماً مصرة على افكارك " يعني هذي الكلمات اللي دايماً أسمعها منهم .... بس الحمد لله اللي مايخليني أهتز من كلامهم هو ان كنت متفوقة جداً الحمدلله وماكان أحد ياخذها علي ودايماً الدكتورات يمدحوني ... أما صديقاتي يتعبن في الدراسة تعببببببببب ... وبالنهاية تطلع الوحدة بمادة والا مادتين .... الحين بصراحة أحس نفسي مرتاحة .. استبدلت صديقاتي بصديقات وهميات خلف الشاشة ... وجدت في الانترنت العالم اللي كنت ابحث عنه ... احب العمق في التفكير واستخدام العقل والتحليل والتركيب والقياس والمقارنة .... صرت أحب غرفتي كثييييير ..واعتبرها نعمة كبرى من الله .. أحب سريري مررررررة واحب اللاب توب حقي .... أحب كل شي في غرفتي ... خلاص انا مكتفية عن العالم الخارجي .... واستغنيت عن كل الناس ... أحب حياة العزوبية أهدأ للبال ... خلاص ماعندي رغبة اتزوج ....... كل يوم الصبح .. اسوي لي قهوة واجلس في غرفتي ... اتصفح النت أقرأ ... حتى أهلي بدو يلاحظون علي ... دايماً في غرفتي ... كمان بطلت اروح للمناسبات ... لولا ان أمي تجبرني .. لكن لو بيدي .... ماأريد أشوف وجه أحد من قرايبنا ... بديت أحس انهم سطحييين وأغبياء ... وماعندهم سالفة .... وبصراحة بدت تخطر علي أفكار غريبة ... أول فكرة اعتنقتها لمدة اشهر وكنت مصرة عليها بشدة ... وهي الزواج من شخص متزوج .. عشان ارتاح من المسؤولية ... لما كلمت امي .. قالت لي " انهبلتي انتي .. لاتتفائلين على حالك " وبعدها بفترة هونت ,, وقررت فكرة أحسن " أتزوج شخص أصغر مني " عشان مايتحكم بي ........ وبعدها بفترة قررت اتزوج شخص عقيم عشان نفتك من الزحمة والمغثة ... وبعدها قررت قرار ومازلت أراه الافضل حتى الآ ن وهو " زواج المسيار " أنا معجبة جداً بهذا النوع من الزواج فهو يناسبني كثيييييييراً ..... سؤالي ماهو تعليقكم على كلامي ؟ وماهو السبب وراء انعدام رغبتي بالزواج ؟ واذا كنت ماأحب أروح للمناسبات وأمي تجبرني ... ماهو الحل الافضل ؟ |
العاطفة تغلب على تفكيرك!!!!!!!!!!!!!!!!!!!
وعليكم السلام ممكن عدم رغبتك بالزواج هو خوفك انه يسلبك الحياة أو الحالة و التي كانت عكس وضعك لما كنت عاطفيه وتدعمين أفكارك وكلامك عن الزواج بعاطفة ورغبة .... لكن عموماً شخصية مثل شخصيتك لابد أن يكون لها الزواج لا يسلبك منك شيئاً بقدر ما هو تحدي مثل أي تحدي يواجهه الناجح ويسعى أن تكون محصلته النهائية من ركوب هذا التحدي إيجابياً ولصالحها؛ خلينا نقول على الأغلب .... ثم أخيراً يبدو بما أنك تقولين عن نفسك أنك صاحبة تفكير عميق وتحبين النقاش ومداولة الأفكار فهل داولت فكرة الزواج بنظرة عميقة ولصالحك وهل لاحظت أن أرائك وأفكارك الغريبة والتي طرأت عليك هي عاطفية فأين ذهب التفكير المنطقي والهاديء والمتزن!!! وكل ما في الأمر هو أنك كنت سابقاً تأملين وتنتظرين وتتمنين وكنت تغلبين جانب العاطفة بدرجة كبيرة ، مع تغليب صور غير واقعية !!! ولكن لم يأتي رزقك الآن فحدث ردة فعل، وهي مؤقتة مع أول متقدم طرق لبابك ويكون فيه مواصفاتك !! وسيتعلق قلبك به بإذن الله وبالنسبة لصديقاتك <<< خذيها قاعدة ما أحد منهن ( المتزوجات) سيذكرن لحظات السعادة ؛ناااااااااااادر .... بس يكبون عليك مشاكلهم أو مصاعب الحياة التي يمر بها أي فرد كان !!! والله يرزقك الزوج الصالح الكريم والذرية الطيبة عزوبي بس رجل |
ياحبيبتي وربي ضحكت الله يسعدك ...من قال المتزوجات سطحيات هذا يختلف على المتزوجه نفسها والناس اطباعهم تختلف منهم من تحب تطلع على المكتبات وتقر ا كل جديد ومنهم اكتفت بأيام الدراسه وافضل وظيفه بالدنيا ربة المنزل احس عندك فراغ اشغلي وقتك بشي تستفيدين منه وانتي كبيره وواعيه اتركي صداقة النت وارجعي لصديقات الدراسه والوحده شينه وانا اختك افكارك هذه حبيبتي لأنك بعيده عن الناس والصديقات واحس افكارك مشتته اختي انتي لك قيمه بهاالحياة ابتعدي عن الأفكار المميته وفقك الله يالغاليه |
اقتباس:
والمسيار على فكره انا وجهة نظري اذا انتي ترغبي فيه فـأغلب طالبي المسيار مده سنه او سنتين ويطلقون ويروحون البيت اللي يعيشون فيه العيال والواحد اذا كبر ماراح احد ينفعه الا عياله .. عادي روحي مناسبات غيري جو البيت والاب توب والروتين الممل ياحبي لامك تعرف وش لون تسنعك<< مداعبه ربي يوفقك ويرزقك الزوج الصالح اللي يخاف الله ويحفظك |
اختي نتي بتحسي بداخلك بشويه تشتت
انتي جالسه تلغين حاجات فطريه عندك وصرتي تحاولي تنعزلي عن الناس بالعكس عيشي حياتك وشي طبيعي جدا ان الوحده تتزوج ويصير عندها عيال وبيت عشان اذا كبرت بحياتها يكون لها سند بهالحياه واذا احتاجت شي تلقى من يوقف معها مهما بلغتي من قوة وعقل فيه حاجات عاطفيه وفطريه تجتاحك بس يمكن انتي جالسه تتعذري لنفسك في تاخير زواجك انعزالك عن الناس وضنك انو كل الي حولك سطحيين كل هذا من انعزالك عن المجتمع صرتي تفكري بتفكير معين وتقنعي نفسك فيه بدون ماتناقشي احد ولاتشركي احد بافكارك حتى تولددت عندك هالافكار لانك ماتخالطي عقليات غير عن عقليتك ولا تفكير غير عن تفكيرك كل هالكلام تفكيرك انتي وقناعتك انتي حتى لاحظي ماصار لك الا بعد الجامعه بعد فتره الاختلاط مع الناس والحياة فيها الحلو والمر لا يعقل انو كل الزواج غثا وتعب ومسؤليه فيه جانب الالفه الموده الرحمه العطف الحب الحنان لاتنظري للامور من جانب واحد وزاويه واحده صرتي تشوفي انو تفكيرك هو الصح والي حولك غلط اصبحتي تفرضي رائيك فرض والدلليل بدايه موضوعك لما قلتي الي عاجبه ...الى اخر القوس :) صرتي تتخلين انك اكثر وعي وادراك للامور والي نلاحظ ع كلامك مو كله وعي وادراك للامور انا معك انو فيه في الزواج امور مو كويسه بالنسبه للبنت اولها المسؤليه ثم الانجاب ثم التربيه ................الخ لكن ليه ماتوعي نفسك بشي اخر يعني توعي نفسك بتربيه الاطفال تحاولي تتحملي جزء من مسولية بيت اهلك عشان تدربي نفسك ع مسؤليه بيتك مستقبلا انعزالك عن الناس وتفكيرك وحدك وعدم اشراك احد فيه تفكيريك او حتى حديثك غير امووور كثيره في تفكيرك اختلطي بالناس وتقبلي ارائهم بصدر رحب والي مايعجبك رائيه لاتعارضيه فمثل ما لك انتي رأي للشخص الي امامك رأ] والناس يختلفون فتحي عينك عالجانب الايجابي من الحياة تكون لك حياة مستقله يكون هناك شخص تكونيين اني من اهم اهتماماته يكون لك طفل يتعلق بك ويراك قدوه ومثل اعلى تدرين كفه حياتك كما تريدين انتي وبتخطيطك واخيرا اعذريني اذا كلامي شوي مو مرتب :) |
سبب عدم رغبتك هو كلام صديقاتك عن تفضيلهم لأيام العزوبيه
لكن لو سألتيهم هل تتمنون أنكم لم تتزوجوا ولم ترزقو بالأطفال ستكون أجاباتهم حتماً لأ! ثانياً من خلال قرائتك للمشاكل التي تعج بها منتديات المتزوجين فكل حياه فيها مشاكل العازبه والمتزوجه وأكيد كل المتزوجين ماراح يكتبون ويتكلمون عن سعادتهم مثل ماقال الأخ الكريم عزوبي ثالثاً حابه أسألك مالشيء الذي جعلك تفضلين زواج المسيار على الزواج الطبيعي ؟؟ لأني أراه من أسوء أنواع الزواج بالنسبه المرأه !! |
هلا يااعمق المشاعر اولا انا اعرف من تقصدين لكن مااقول الي يجي منك نبي نتقبله حتى تعم الفائده بأول كلامك لكن مقبول منك قريت موضوعك كامل حبيت اعلق عليه لعل يعجبك تعليقي ....
بالنسبه لكلامك شي طبيعي لكل شخص يمر بهذه المرحله وباعتقادي الشخصي انك كنتي في فترة الثانوي والمراهقه معطيه كل وحل وقتك للدراسه وهذا مااثر فيك والناحية الاخرى لم يتقدم لك عريس كفو يستاهلك واعتقد كل الي تقدموا لك من النطيحه والمترديه ....لو جاكي واحد كفوا كان تزوجتيه انتهت مشكلتك اما بالنسبه عدم رغبتك بالزواج ماالومك اذا التفتي يمين لقيتي مشاكل واذا التفتي يسار لقيتي مشاكل والمطلقات يشكين والمتزوجات يشكين والكل غير راضي بحياته تسمعين لهم فشي طبيعي تنعدم رغبتك بالزواج وعلى فكره الوقت الحالي الزواج بصراحه مشاكله اكثر من منافع الكل يريد ان يااخذ القوامه الكل يريد ان يتسلط المرأه لاتعرف ولم تعلم ان القوامه للرجل ولذلك تجدين المشاكل ..... الرجل لايبالي ويعد ان الزوجه لاتعني شئيا الا في غرفة النوم وكأنها اصبحت مكينه للولاده وللاسف الشديد ومن ثم يضع الللوم عليها لذلك لاتجدين رغبه بالزواج .. اما الاولاد انا عندي وجهة نظر لكن فيه اعضاء هنا لو اقول وجهة نظري سبوني وشتموني ولا الومهم لجهلهم بالموضوع ولانهم على السليقه الجاهليه فلذلك احتفظ فيها لنفسي بالنسبه للذهاب للمناسبات انا انصحك ان تذهبين للسبيبين كي تختلطي بالناس والشي الثاني تستطيعي ان تتحدثي مع الاخرين بطلاقه لكن اذا كنتي منعزله عن الناس فقد يؤثر عليك مستقبلا لان راح يجي يوم وتملي النت |
اقتباس:
......... |
اقتباس:
والله ماعندي فراغ ... أنا جالسة أذاكر ... في اختبار توفل بعد العيد .... اذا نجحت فيه وقبلوني معيده خلاص ماأريد شي من الدنيـــــــــــــــــــــــــــــــــــــــــــــ ـــا لازوج ولايحزنون واكون أسعد انسانه بالكون ...... والعكس صحيح |
اقتباس:
آميـــــــــــن |
| الساعة الآن 07:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©