|
شعور الزوج عند غيرة زوجته!
السلام عليكم
عيدكم مبارك:23: وكيف حالكم جميعا مادري تذكروني او لا؟؟ عموما انا عندي موضوع وعندي اكثر من استفسار وياليت تردون علي ابغى اسمع اراء انا اغار على زوجي واحاول مابين له بس احيانا يوضح ويحس فيني برضو هو يغار علي بس غيرتي تفوق غيرته بالاف المرات لكن ماتسبب مشاكل ومصايب والحمدالله تعرفو ليه انا مابين له؟؟ انا افكر ان الرجل لما يشوف زوجته تغار يعني هي موواثقة من نفسها تصدقو لما تطلع وحدة حلوة بالتلفزيون خلاص اتضايق مررررره احاول عيوني عالنت او انشغل باي شي ماقدر اتابع معه واحس اني ابغى اتهاووش انا وياه:29: بس امسك نفسي وهو احيانا يحس فيني برضو لما نطلع مكان او نسافر عيوني شوي وتطلع من مكانها مادري الحق استمتع بالمكان ولااراقب زوجي خخخخخخخ سؤالي ايش احساس الزوج لما زوجته تغار عليه؟؟ يقول زوجي انا انبسط لما اشوفك تغارين بس احسه يكذب! وبرضو سؤالي الثاني نفسي ومنى عيني ماغار على زوجي والله لادعي لها بظهر الغيب اللي تتساعدني ابغى كل حسناوت العالم يمرون عندي ولايصير لي ولاشي:30: تعبت من حرق ااعصابي لما افكر اقول اموري ماشية مع زوجي تمام ومرتاحين الحمدالله وماشاءالله ليه احرق اعصابي لما زوجي يشوف اي وحدة؟ خل يشوووف حد مايشبع المهم مبسوط معاي بس ماقدرت اطبق كلاممي!! الكلام غير والفعل شي ثاني تمااااااااااااااما:22: |
احسن لا تغارين عليه ياقلبي اساليني انا
على كثر ماغرت على زوجي وعطيته ثقة الكون بنفسه على كثر ماسحب مني ثقتي بنفسي وحسنني اني ضعيفة بالعكس بردي اعصابك قدامه وياجبل ماهزك ريح ادري ان الكلام سهل والتطبيق صعب لكن حاولي حبيبتي تدرين انا ادعي الله انه يفقدني الغيرة ولا اصير احس بشى لانه والله شى يتعب ويهد الحيل |
غيرة زوجتي علي .. تعني أنها تحبني
وأنا أستمتع بغيرتها علي بشرط أنها ماتكون أمام الناس فتأذيني وتحرجني وتحرجها ويكون الموقف صعب أو تتحول الغيرة إلى إتهامات وخيالات وإستنتاجات تفرضها من عقلها |
الغيرة وماادرك مالغيرة هي شي محمود اذا كانت في في حدود العقل لأن كل ي يزيد عن حده ينقلب ضده مثلا الشجاع والاقدام محمود لكن اذا زاد اصبح تهور جنون الخوف والفزع في الانسان لكن اذا زاد صار جبن وهكذا حتى الغيرة المحموده لاباس فيها واذا زادت قد تنقلب الى عدم ثقة فظن وشك وووو الخ ولكن انا ارى ان الغيرة جزء من تركيب شخصية اي بنت ولكن البعض منهن تخفيها والبعض منها فيها بزياده حتى امهات المؤمنين زوجات أفضل البشر نبينا محمد صلى الله عليه وسلم كانت فيهم وهن سيدات هذه الامة وماحصل بين زوجتي ابينا ابرهيم عليه السلام واتمنى من الناس حسن الظن وحسن النية والمحبة والالفة بينهم وشكرا
|
اذا حس انك تغارين عليه يبدا يتطنفز عليك ويشوف حاله ... وياخذ مقلب بنفسه ..
لاتظهرين غيرتك ابداً ابداً .... اظهري دائماً شعور الرحمة والعطف والحنان فقط ... واذا مدحتيه امدحي اخلاقه وطيبه وكرمه بس ... ولاتمدحيين شكله انتبهي لانه سوف يتطنفز ايضاً |
صابرة بدنيتي
يعني انت نفس الحالة! يله تابعي يمكن يجي احد ويساعدنا وتروح الغيرة تماما عسى يارب الرسمي كلامك نفس كلام زوجي تماما بس مادري ليه ماصدقه لانه احيانا لما تبين غيرتي اشوفه يتضايق ويحاول يبرر موقفه! ويمكن انا انرفزه بالكلام بعد لاني دايم اقوله ترى لو اشوفك تطالع بطالع مثلك:25: وانا اكذب بس بخوفه مخلص لا الغيرة ماهي جزء من تركيبة البنت والله اعرف بنات ماشاءالله باردات ولايغيرون ولاشي وهم يحبون ازواجهم والعكس اعمق مشاعر لا زوجي لايشوف حاله ولاشي بالعكس يراعي مشاعري مودايم ههههه بس احيانا وبالنسبة لمدح شكله بالعكس خذيها نصيحة مني امدحيه الرجل لما يشوف زوجته تمدحه يفرح انه عاجبها |
شوبارد
إحذري من هذه النرفزات التي تقولينها لزوجك ولو على سبيل أنك بتخوفينه ( لو بتطالع لأطالع مثلك ) ترى الزوج يأخذها على محمل الجد وربما يشك فيك بل ويكرهك بل وربما تنتهي الحياة الزوجية إنتبهي .. إنتبهي |
عزيزتي ... فعلا الزوج يحب زوجته تغار عليه فهذا دليل حبك له .. ولكن يكره الغيره الزايده عن اللزوم وهي فعلا تبين ان الزوجه مو واثقه في نفسها ولا في زوجها ... حطي نفسك مكانه وبتحسين ان الغيره الزايده بتضايقك وبتخليك مثل المقيده... اختي الناس من حولنا ونحن نطالع فيهم مثل ما هم يطالعون فينا مو معقولة ان الانسان بيمشي وعيونه مغمضة او منزل راسه في الارض ... ومو اي شخص نطالعه يعني يعجبنا او يجذبنا ... لا اختي ... لما زوجك يكون معاك في مكان حاولي تشغلينه بالسوالف ... حاوي تستغلين الوقت بشيء حلو وابتعدي عن مراقبته لانك بتضايقين نفسك وبتضايقينه وانتي تقولين انك ما تبينين له غيرتك ... بس هو اكيد بيلاحظ من تصرفاتك .... بعطيك مثال : زوجي جميل جدا ما شاء الله وانا متوسطة الجمال والحمد لله ... لما نطلع مع بعض الاحظ ان كل البنات يطالعون فيه .. واللي تبتسم واللي تسوي حركات ما اقولك ما اغار ... الا اغار واحترق ... وزوجي كان يلاحظ ذلك لان مزاجي يتغير ... بعدها تعلمت ان تصرفي يقلل من ثقتي بنفسي ... وبدأت اتصرف بطريقه تخلي زوجي يضحك بنفس الوقت تخلي اللي تطالع زوجي تموت قهر .. وودها تضربني بعد اذا بغيت اتخلص من شيء يضايقني ... أسأل نفسي سؤال واحد : هل انا مستفيده شيء من هذا التصرف ؟؟؟ اذا الاجابة لا ... ابتعد عنه واريح بالي وقلبي ... واريح من حولي ... واحذري : طريقه تخويفك لزوجك غير جيده ممكن تنقلب على راسك ... موفقه يالغاليه والله يحفظ لك زوجك ويسعدكم |
ذكرتيني بـ موقف يا شوووبارد ..
لما كنت على ذمة طليقي ، كنا مره من المرات طالعيني حق منتزه ومستانسين وعين الله علينا آنه ابتعدت شوي كنت رايحة مكان اقضي حاجة .. رجعت وشفته يكلم وحده ويضحك وياها ! آآنه خلاص مية شيطان وشيطان يتنططون قدامي رحت لها قلت لها : نعم ؟ اشتبين ؟ فيه معرفة سابقة ؟ ماعطيتها فرررصة عشان تتكلم اصلاً .. وطليقي انحرررررج وسكت ونزل راسه ولو ما مسك اعصابه كان عطاني طراااق لأن الموقف كان محرج له بس آنه ماقدرت امسك حالي .. لما سألته من هذي البنت ؟ قال لي ... هذي وحده من الكستمر اللي يراودون مقر عمله بـ استمرار وعطيته محاضرة طويله علريضة في الأدب والأخلاق والذوق والاسلام :) وهذا سبب طلاقي منه " إطلاق بصره + كلامه مع البنات في المسن والفون و و و إلخ " بالإضافة إلى " غيرتي " لأن آآنه غيوووووووووووورة غيوووووووووووورة وغيووووووووووورة وغيرتي قاتله ، ومستحيل امسك نفسي تلاقيني اعصب وازززفه ومرات توصل فيني واقول له " آآآنه اكررررررررهك على كل اللي تسويه فيني " واحياناً اقول له " اتمناك تموت عشان ارتاح " خصوصاً آخر أيامي معاه خلاص استنفذت كل قوووواتي العصبيييييييييية لـ درجة كان عادي عندي إن اقط وارمي عليه اي شي بـ يدي لأن نفذذذ صبري معاه من حركاته الصبيانيه ومع الأسف ماكان عندي لا صبر ولا هدوووء كنت جداً غيورة وعصبية :) فـ احذري من غيررررررررتج لا تدمرج اختي وعسى ربي يوفقج |
ايش احساس الزوج لما زوجته تغار عليه؟؟ يقول زوجي انا انبسط لما اشوفك تغارين بس احسه يكذب!
لا لا يكذب .. فالغيرة علامة الحب و الحب الشديد جداا |
| الساعة الآن 06:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©