|
مشكلتي بخصوص الثانوية
السلام عليكم ,, شباب عندي مشكلة بخصوص الثانوية ,, ان شاء الله اني ابي اروح الى المرحلة الثانوية هذه السنة بس خايف اني ما اجيب مجموع مثل كل سنة لما كنت بالمتوسطة مع اني انا متفوق بالمتوسطة ,, و الخوف الثاني من المدرسة نفسها لان المدرسة الي ابي اروح لها الناس يذمونها لانها متشدده حيل و ما ادري شنو اسوي و ما اقدر احكم على المدرسة لاني ما جربتها ,,, اتمنى انكم تفيدوني لاني ما ادري شنو اسوي |
انصحك انك تجنهد من اول يوم دراسي وكأن عندك اختبار ولكل مجتهد نصيب الناس يذمونها بس انت ممكن ترتاح فيها أوغيرها أذا الكل يسب هالمدرسه الله يوفقك ياااارب |
أخي من جد وجد ومن زرع حصد ومن صار على الدرب وصل
طالما انت متفوق في المتوسطة ويش يمنع ان تتفوق في المرحله الثانويه توكل على الله انا اتوقع مافي مشكله في المدرسه |
من اجمل مراحل عمري لما كنت بالثانوية
يالله على هذيج الأيااام....@ تفائل بالخييير..والله يقدرك على النسبة اللي ترفع الراس لاتحاتي..ولكل مجتهد نصيييب بالتوفيق |
من جد وجد
فعلا اجمل ايام هي ايام الثانوية اخوي اجتهد من البداية وتابع اول بأول ولاتهمل يمكن انت متوتر لانك متخيلها شي مررررررة صعب وعالم ثاني هي مرحلة انتقاليه لكنها ليست بتلك الصعوبة تفائل واجتهد |
يعطيكم العافية على هذه الردود و ناطر مزيد من النصائح |
وعليكم السلام ورحمة الله وبركاتـــه ..
ليس كل مايقال صحيــح .. فلا تسمع للمثبطين .. طالماً أنك متفوق في المتوسط ــ ما شاء الله ــ ليه الخوف ! أعمل بالأسباب وتوكل على الله بالتوفيــق إن شاء الله ... |
الله يوفقك وعلى قولك لاتحكم على المدرسة بس احكم عشرح المدرسين وانت شد حيلك وان شالله تجيب النسبة الي ترفع الراس
|
صباح الخير
الف مبروك نحاجك ودخولك للثانويه لالاتكون متوخف من الثانويه اذا تبغئ التفوق توكل علئ الله وحضر الدرس ولما تحضر الدرس يعني اذا كانت الماده حفظ احفظها زيييييييين واذا فهم علئ الاقل احفظ قوانينها ولما ترجع البيت تذاكر الدرس اللي اخذته كان عندك اختبار بكره صدقني انا لما كنت بالثانويه كنت اتبع نفس الطريقه والله انه كان معدلي ماينزل من 99 وحتئ لما يجي اختبار مفأجئ تكون مرتااااااااااااااح لانك حافظ وفاهم وبالنسبه للمدرسه لا تخاف منها انت ماعليك من المدرسه اهم شي شرح المعلمين وبالنسبه للاصدقاء ابعد عن اصدقاء السوء علشان تكون بعيد عن المشاكل وما يؤثر علئ مستواك بعدين ماشاء الله عليك انت متفوق بالمتوسطه لاتخااااف ربي يوفقك وييسر امورك |
الله يعطيكم العافية الحين ارتحت |
| الساعة الآن 06:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©