|
ابكي على اشياء تافهه مالحل ؟؟
انا عندي مشكله اني على اتفه شي تدمع عيني وابكي لو اسمع طاري احد بيسافر ويطول ضاق صدري حتى السفرات العاديه اذا ودعت زوجي او احد اخواني او اخواتي يبين على نبرة صوتي مهما حاولت ماأظهر لهم والله عيب وحده وش كبرها 28 سنه وتبكي على اشياء تافهه وشلون اصير قاسيه ومايهمني شي ولا ابكي عللى شي طبعا فقط ابكي على اللي احبهم مو اي احد وش الحل وشلون تكفون لاتبخلون علي الحين تخيلوا زوجي رايح يودع اخوه وزوجته بالطار وانا فيني غصه ودمعت عيني وضاايق صدري لانهم بيسافرون ويطولون وشكرا لكل من ادلى بدلوه:(
|
اقتباس:
عادي انا اكبر منك بـ4 ويوم جاني مولود نبرات صوتي فيها بكاء وانا اخبر الاهل ويوم سكرت قلت على نفسي اللهم لك الحمد منتب صاحي يابوفلان مابغيت شي والشي الاخر لو يموت احد اقاربي خلاص انتهي انا وش اسوي هاذا حالي وهذا حالك والناس اللي مثلي ومثلك كثيرين عادي انتي شكلك حساسة مررررررة وقلبك طاااهر وتحبين الخير هذا على قد فهمي لشخصيتك .... تقبل مروري |
رحمه قذفها الله في قلبك فلا تأسفي عليها
|
جزاكم الله خيرا على مروركم السريع بس والله ودي اتغير مب حلو كذا ابدا فشيله والله كل شي يبكيني !
انا حساسه جدا جدا وهذا السبب وودي اتغير |
اختي حلو ان الواحد يكون قلبه لين ورقيق صدقيني لامشكله ولاشي ابد واشياء واجد تمر علينا بالحياة تبكينا |
الله يسعدك ياأختي باين عليك قلبك حنون مره
:d |
انا زيك والله اذا شفت فلم ابكي واذا قريت قصه ابكي واذا حكالي احد حكايته بكيت واذا تذكرت طفولتي (السعيده) بكيت!! واذا فضيت اتخيل نفسي اموت وافكر باهلي وزوجي وابكي.. وهلم جرا..
منزمان وانا ودي اسأل عن حالتي لاني ما كنت كذا..كان ماعندي احساس واذا شفنا فلم حزين كنت استغرب اشوف اللي حولي يبكون وانا عادي واذا رحنا نصلي القيام اشوف امي واختي يبكون وانا ماقدر حتى ادمع وبعد ما تزوجت تغيييرت.. الحين في الصلاة يتوقعون اني مسويه شي عظيم من كثر البكاء اثناء السجود والدعاء وانا ما سويت شي بس اتأثر بسرررعه ماعرف ليه !! |
وعليكم السلام
هذه رهافة إحساس ومشاعر مرهفة تجاه الأخرين أنسب شيء للإنسان أنه يوجه هذه المشاعر في عمل خير على الأقل يبقى له كرصيد عند ربه يوم يلقاه إذا احتسب العمل لوجه الله لذلك إذا حزنت على فراق أو سفر أحد ما ، فوجهي له في صلاتك وسجودك بالدعاء له وهكذا، وكذلك الصدقة أو أي عمل بسيط لمساعدتهم وقضاء حوائجهم، سيكون لك بإذن الله جبال من الحسنات. عزوبي بس رجل |
أنا زيك وعمري 26 ..... دموعي سريعة جداً لكن ماأحب أحد يشوفها واتظاهر بالبلادة دائماً ... أحسن
يوم زواج صديقتي لما مسكت يد زوجها وطلعت معاه .... صابتني نوبة بكاء شديدة وكمان لما أشوف أم العريس وفرحتها بولدها ولما هو يبوسها على راسها .. ابكي ولما أشيل نونو صغير بحضني ويقعد يطالعني ويمسك طرف بلوزتي ........ دموعي تنزل غصب عني أما الوداع .......... حدث ولاحرج .. لما كنت اسافر للرياض ادرس بالجامعة .. ماكنت اودع امي غير بعد ماألبس عبايتي وأغطي وجهي عشان أبكي على راحتي ... وصوتي يتحشرج ....... يعني اودعها على الصامت ... واظل ابكي طـــــــــــــــــــــــــــــــــــــــــــــــــ ــــــــوال الطريق .. ومواقف كثييييييييرة جداً صعب اذكرها كلها اضافة : الدموع تغسل العين وتحميها من 40 % من الامراض ... (( اللهم اني اعوذ بك من عين لاتدمع )) |
انا بعد اذا احد سافر من اقرب الناس لي ابكي ..
|
| الساعة الآن 03:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©