|
شوفو زوجي بعد اول مولود
السلام عليكم
انضميت لهذا المنتدى الرائع بعد رؤيتي لتجاوب ومعاونة الاعضاء مع بعضهم البعض في مشاكلهم حسيت بالارتياح لاتكلم عن مشكلتي واتمنى اشوف ردود تريح القلب وتطمن الخاطر خاصه من الرجال لان مايعرفلكم الا انتم مشكلتي باختصار هي بعد ولادتي لاحظت زوجي تغيييير كثير وانا نفاس عند اهلي مايدق دايم مايزورني يوميا ماحسه متحمس للبيبي والي ذبحني اكثر ماحس متحمس لرجعتي بيتي زي اغلب الازواج ابي افهم ليه لاحد يقول مني انا حتى وانا نفاس وربي ماعمره زارني الا وانا باحلى منظر وبنظافه وريحه حلوه والبيبي مرتب ونظيف وجسمي مثل اول لاكرش ولاشي ينفر المهم هليومين كنت افكر ارجع بيتي مابي الفجوه تكبر بس لما كلمت عمتي اسحب منها الكلام عن راي زوجي برجعتي قالتلي انه قال ماله داعي ترجع وانتو مسافرين والشغاله معكم ومافي من يخدمها ويساعدها عالبيبي والفله كبيره كيف اخليها االليل وانا مداوم والخ اعذار اعذار لها حلول= رحت كلمته انا بالفكره ابي اسمع منه وش يقول الا نفس كلام عمتي بس موبالتصريح عشان مايجرحني اخر شي قلتله يا الله محببببط قال ليه قلت ابد ماحسك متحمس لرجعتي قال لاموكذا بس انتي فكري فيها بعقل ومنطق _ وربي من ساعتها وانا دمعتي على خدي وقلبي منحرق مو كفايه اني مانسيته بعد الولاده مثل الحريم وكنت اراسله كلام حلو واذكره بمواقف حلوه وكذا ولالقى رد مثل دايم كان يرد ولما ناقشته قال طبعي كذا مارد الا اذا في سؤال قلت وش غير قال خلاص عشان ترتاحين ماني راد ابدا قلت اوكي لاترد<وانا منقهررره بعدها سحب علي يومين وكان بااارد فارسلت بررت له ان الي سار عتب من شوقي وانا نفاس ونفسيتي شوي ومحتاجتك اكثر بس شكلي ضغطت عليك ولافهمتني عالعموم معليش وحبيت اوصح الصوره وبعدها رجع طبيعي بس نفس البرود كل هذا ماهمني بقد ماجرحني عدم رغبته برجعتي |
الله ايهون عليك
متزعليش الله اعلم بظروفه و لكن انصحك انك ترجعى بيتك الموضوع مش على كيفه و لكن بعد ان تكونى بصحة جيدة حتى تسطيعى ان تخدمى نفسك هده البدايه بعد ان ترجعى اتقلى عليه شويه و لا اتلوميه خليه على راحته و انشوفوا شنو بيصير
ان شاء الله كل خير |
ودي ارجع بيتي بس احس بكون ثقيله
مدري اكره هالشعور |
انا لما ولدت - طبعا ماتت طفلتي ولم يكن بيبي -
كان مثلك ما يتصل ولا يسال وباليوم يمرني مرور الكرام بو خمس دقايق ويمشي وكنت احس ان وراه شي واحساسي طلع في محله كان يبي يبدي مشوار الخرابيط واللعب بالنات الى ان طلقت منه بس اعتقد ان الريال اللي يهد زوجته وقت النفاس اكيد وراه شي والله اعلم |
اولا : الحمد لله على سلامتك وعلى سلامة البيبي .. والله يجعله من الذرية الصالحه يارب ثانيا : وسعي الصدر عزيزتي ... غالبا المرأة تمر بحالة اكتئاب ما بعد الولادة لأسباب منها : وجود المولود يعني مسئولية جديده ...الى جانب مسئولية الزوج .. معاناة الحمل والاولادة فتحتاج لمن يخفف عنها ويتعاطف معها وتفضل ان يكون الزوج غالبا .. لخبطة في الهرمونات بالتالي تصبح حساسه جدا جدا جدا .. حبيبتي مستحيل زوجك ما يحب المولود ... بس احيانا الزوج يحتاج وقت ليتكيف مع الوضع او التغيير الجديد .. احيانا الزوج يفكر يمكن زوجتي تنشغل بالطفل وبالتالي تتغير حياتنا الزوجيه .... ممكن يفكر بالمسئولية الجديده والصرف وتأمين المستقبل ... زوجك اذا قال انه يبيك تجلسين في بيت اهلك ... لا يعني انه كارهك او مو مشتاق لك او لا يرغب برجوعك للبيت ... بس هو يفكر في شيء انتي ما تفكرين فيه ... يفكر انه اهلك ممكن يساعدونك اذا احتجتي شيء ويعتنون فيك لكن اذا رحتي بيتك مين اللي بيقوم فيك ويساعدك ... فحاولي تحسنين الظن يالغاليه و لا تقعدين تحنين عليه وتكررين عليه انك متغير ... لانه بيبدأ يمل ويتهرب من اللوم والعتاب المستمر .. هو مو مطنشك يا غاليه فانتي زوجته وام ولده .. نصيحتي لك حبيبتي : حسسي زوجك ان ما تغير شيء ... ما دام انك في فترة نفاس ارتاحي وريحي اعصابك لانها ايام وبتعدي ... واعتبري زوجك طفل ثاني لان في من الازواج يغارون من المولود الجديد خاصة اذا شافوا الزوجه منشغله بالمولود وهاملتنه ... في من الازواج يكون سعيد جدا جدا بالمولود بس ما يعرف يعبر عن فرحته ... واذا رجعتي بيتك بالسلامة حاولي تفاجئينه بحركات يعني حسسيه ان المولود مستحيل يغير شي في حياتكم .. خليه يشاركك في تحميم البيبي وتلبيسه والاعتناء فيه ...واكثري الدعاء يالغاليه .. والله يسعدكم ويحفظكم يارب |
اقسم بالله نفس حاله زوجي ونفس الكلام تقريباا ..
بس احس ان هالتصرف من الزوج ان وراه شغله ولا يريد زوجته تكون معاه |
موهبة الكويت
يسلمو عالرد بس زوجي ماظن راعي بنات مدري بس ردك محطم جدددن وخوفني كثير لمني بشوق يسلمووو عالرد بصراحه كلامك ريحني كثير وهو نفس كلام امي الي موراضيه اقتنع فيه من كثر ماتاثرت من موقفه حرم المرزوقي ربي يعييييني ويعييينك ويرد لنا ازواجنا رد جميل يااارب احسن من واقرب من اول نصيبنا رزقنا بازواج غامضييين ربنا يعين بالنتظار البقيه وينكم يا رجال |
انتظري اختي الى ان يكون الظرف مناسب لرجوعك بيتك ...أشوف كلام زوجك منطقي ..
ولما ترجعي وترجع حياتكم طبيعية يذوب الثلج وينكشف المرج ونقدر نعرف حقيقة الوضع .. ممكن انه التغير صعب عليه هو كمان وتاثر من حساسيتك وتوترك ..وتوتر معاكي |
معقول ,,,,,,,,,,,,,,,,,,,
طيب حتى انا تغير علي الوضع بس لازلت متمسكه فيه واحبه واشتاق له اخاف ارجع بعد مايتدمر كثير اخاف عدم وجودي يكون فرصه له يرجع لاصحاب السوء وانا ماصدقت يبعد شوووي ,,,,,,,,,,,, مرات اقول الرجال لو براسه شي بيسويه سواء انا جمبه او بعيده ومرات اقول لا وجودي ببيته بيحسسه بالمسؤوليه وبيخليه يفكر بحياته وعايلته خاصه انه يغلبه عقله على دجته باوقات كثيره انتو وش رايكم |
انا مع رأي اختي لمني بشوق
فعلا هو وضع جديد يحتاج لوقت للتكيف فيه لكن نصيحتي ارجعي لبيتك |
| الساعة الآن 03:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©