|
الزواج والعقيم
السلام عليكم ورحمة الله وبركاته اخواني الكرام كل عام وانتم بالف مليون خير يارب :21::21::21:مشكلتنا هنا مشكلة شخص شاب وحليل وطيبوب ومحترم ومحبوب عند الناس لكن متزوج زوجه ولا استقر معها ابد وتعايره بعقمه كل ما تهاوش معها وهو طبعا ما له ذنب هذا شي من ربي واذا راح يتزوج على طول يقول لهم مشكلته ما يبي يكذب او يغش احد ويردونه علشان الانجاب طيب الانسان هذا وش وضعه علشان عقيم يعيش بدون استقرار او يدور له عقيمه مثله ويفقد الامل نهائي في الذريه او لازم يدور مثلا حرمه كبيره مره وعندها اولاد ولا تبي الانجاب علشان توافق عليه وهل انتم اخواتي المطلقات الفاضلات لو جاكم زي هذا بتوافقون عليه مو علشانكم مطلقات انتقص من قدركم لا وربي بس اسال هل ممكن تضحون بالعيال علشان تجربه زواج جديده ؟ نبي نحل موضوع الاخ هذا والانسب له بطريقة زواجه من اخرى علشان المسكين يرتاح لانه فعلا انسان انا اعرفه حبوب لاخر درجه ومحبوب لاخر درجه شاكر للاعضاء الكرام التفاعل |
بالنسبة لي مستحيل اتزوج عقيم
انا باتزوج عشان العيال بس في وحدة من رفيجاتي عندها عيال وعادي عندها تتزوج عقيم |
عليكم السلام ورحمة الله وبركاته
بالنسبه لموضوع العقم سواء كان في المرأه أو الرجل ليس بعيب وما أخذ ربي من أحد نعمه إلا وعوضه بأخرى تفائل أخي الكريم موضوع ان هذا الشخص عقيم وهل سيجد من تقبل به نعم ..هناك من تقبل به وخاصه النساء الارامل ومن لديها اطفال وتريد من يهتم بها وبأطفالها والدرجه اللتي تليها العقيم التي لاتنجب ولكن الافضل كما ذكرت ان لايكون هناك عقدتين بالموضوع فالعقم بعض النظر عن كونه حرمان فهو حاله نفسيه واجتماعيه واحيان تكون مرضيه فلماذا يتزوج بمن تحمل معه نفس الصفه ليشتركان في الالم والحرمان أنا لا اعمم فهناك قله ممن اعطاهم ربي صبر وايمان ييستطيعان أن يجعلان ذلك شركه واستثمار لرصيدهما الاخروي رأيي لكوني احمل هذه الصفه اللهم لاتحرمنا الذريه الصالحه ولاتحرم كل من تمناهم |
لكل مرض علآج...بالنسبه لي رجــل ذو أخلاق عاليه وطيب وكل صفات الرجوله فيه وعقيم...أفضل من رجل بأستطاعته
أنجاب الاولاد وسيئ الخلق... يعني مسألة العقم ..أحيآنآ لآتعرقل طريق الرجل للزواج... الآرزاق بيد الله... |
شاكر لكم رايكم الجميل جميعا ولكن اخي الكريم بيكو المشكله انه زواج ثاني وليس اول مثل ماذكرت ولكن مشكلة عدم الاستقرار واعتقد من حقه ان يستقر ويبحث عن زوجه تحبه ويحبها حتى وهو عقيم والا شرايك اخوي ؟
|
قضاء الله وقدرة الشكوى لله
ممكن ياخذ ابناء ايتام يرعاهم او شى اتوقع فيه كثير يقبلون تكون ارمله وعندها اطفال او مطلقه وعندها اطفال زوج اختى ماكان ينجب وانفصلت اختى وراح تزوج ارمله وعندها صغار كسب اجرين عادى هون عليه طالما رجل ومايعيبه شى ربى بيوفقه |
اقتباس:
الأخ الفاضل انسان عايش ... هل صديقك هذا يريد أن يتزوج زوجة أخرى على زوجته ( يعدد ) وهو عقيم , بدون أن يطلق زوجته الأولى ؟ |
العقم ماهو بيده هذا امر الله سبحانه بس هو يبي يستقر وزوجته تنكد عليه ؟؟؟طيب يمكن المسكينه تفكر بالعيال اعتقد لو يخيرها بالجلوس عنده او تروح في حال سبيلها علشان مايظلمها ويروح عليها العمر وهي واختيارها |
سبحان الله اكيد راح يلقى ضالته بس الموضوع يبغالو صبر واكيد راح يلقى مين ترضى فيه انا مطلقه ولي ولد وبنت ولو فكرت اتزوج ماراح افكر الا بعقيم عشان اضمن حياه امنه لاولادي لانو اكيد راح يرحمهم بعكس السليم واكيد زي كثير خاصه الارامل اللي ربي كتب عليهم مسؤليه التربيه لحالهم اهم شي الصدق والوضوح ولايياس ولايتسرع لمجرد الزواج اتمنى له التوفيق وراحة البال
|
الطب وضع حل لكل شي مافي الان شي صعب
يدعوا الله ويتوكل عليه وان شاء الله يرزقه بالذريه الصالحه وبالنسبه لزوجته اللي مستغله ضعفه بهالنقطه ... خل يمسكها بهدؤ في مكان برى ... ويقولها انا ماغصبك تبقين معي وانا عقيم تبين تشوفين طريقك الله يسهل عليك تبين تقعدين معي بكل حب واحترام وتقدير انتي زوجتي وعلى عيني وراسي لكن تعايريني ليل نهار ..ترى انا ماجبرتك تعيشين معي ...واقدر اجيب من اي بلد برى احلى زوجه لكن مقدر لك وجودك و حبك لي وبقائك معي..ومابي اكأفأك بصبرك علي..بزوجه ثانيه ولا ينتظر منها رد بنفس الوقت خل يقولها ردي علي بعد يومين حتى لو ردت لاياخذ ردها ويقولها بكلمك بعد يومين بالموضوع لانه التفكير بينها وبين نفسها يخليها تفكر بالموضوع وبمعايرتها وتستحي على وجهها شوي ويصير الموضوع جدي ماعاد تقدر تفتحه كل شوي وبالنسبه للزواج من عقيم ...صعب ولكن ليس مستحيل |
| الساعة الآن 04:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©