|
اتمنى افهمكم يا رجال
كل عام وانتم يا اخواني واخواتي بألف خير وسعاده زوجيه والله زوجي حيرني يا عالم قاموس كلماته ممسوح منه الكلام الحلو اتمنى اسويله فورمات يقولي ما اعرف اعبر في يوم من الأيام جلست له وقلت خلاص انا مصدقتك انك ما تعرف تعبر انا بسألك وجوابني بنعم او لا تحبني يقول غيره تشتاق لي يقول ما عطيتني فرصه فيه شي لبسته واعجبك علي يقول ما اتذكر فيه شي فيني يعجبك يقول ما ادري قلت سبحان الله حتى بنعم ولا ما تعرف تعبر انا بقاضي وزارة التربيه والتعليم شلون تخرجت من الابتدائي طيب برضو انا مشيت له هذا الموضوع لكن لما يجي التحطيم والكلام اللي يجيب الهم يسوي قاموس خاص فيه والله انتو غريبين يالرجال ليه صعب على لسانكم المجامله والكلمه الحلوه ما اعمم عشان ما يزعلون مني الرومانسيين القلائل الله يحفظهم ويكثر من امثالهم ودي افهمكم ملاحظه زوجي لما ازعل مستحيل يراضيني بس يكون مره متنكد لدرجة اني اخاف عليه واراضيه يفرح في البدايه واول ما يعرف اني راضيه خلاص يبدا البرود والتجاهل ودي افهمكم |
فيه مثل ها النوعية
لكن لهذي الدرجة ما يقول لا نعم ولا لا .. وش رايك بالي بالعكس , كل الي تسوينه يسويه الرجل والي ما يعرف يعبر المرأة !! فيه ناس كذا لكن حلو إنك ما عممتِ الكلمات الحلوة على حسب التعود ولو أنه من بداية الزواج كان الأمر عليه سهل جداً وما راح تكون صعبة عليه جربي معه يعبر عن شعوره برسائل الجوال أو الإيميل يمكن يتحسن شوي ترى الواحد في الكتابة يأخذ راحته شوي ثم عطيه ورقه وقولي اكتب الي يعجبك فيني وشوي شوي راح يطلع الكلام الحلو .. اطلعوا طلعة خاصة أو جلسة خاصة صريحة كل واحد يطلع محاسن الثاني فقط دون المساوئ لأن هذا غير وقتها المناسب وبعدين ما قلتِ ؟ هل أنتِ تمدحينه بشيء أو تعبرين عن شعورك تجاهه أو لا ؟ عبري عن شعورك يمكن يخجل ويطلع ما في صدره وفقك الله |
اقتباس:
|
ههههههههههههههههههههههه
تصدقين تذكريني بنفسي احيان (مثل الي ابيه من زوجي ومثل الي افكر فيه بس الفرق بيننا اني انا اخليه يمدحني بس بدون لااحط له اساله او شي) وزوجي اخف من زوجك الحمدلله (معاناتك هذي عانيتها انا بلملكه الله لايوريك وارسلت وش يعجبك ووش مايعجبك قال مافي شي محدد اذكره مدري قال تعجبيني ماذكر قلت ليه ماتتتكلم قال معرف اعبر بدها خلاص مابضغط عليه خلييته على راحته والحمدلله سار يطلع منه .............. تدرين ليه كذا يسوي ويقول يمكن انتي جميله ويخاف بكلامه يكبر راسك لان وحده من اقاربي شديدة الجمال وزوجها ولاكلمه تطلع منها بعد فتره موقصيره من زواجهم قال انتي حلووه بس ماقلك ذالشي مابيك تكبرين راسك علي<<ذالي طلع منه بس بغت تنهبل المسكينه ماصدقت نطق اقلك الحل اسكتي خلاص تبين تعرفين يحبك والا لا طالعي نظراته لك هي تحدد لك شوفي اهتمامه لك مو بالكلام الحلو لالا يعني يراعي تعبك دراستك يوديك لاهلك مايقصر معك هذا تعبير بس بطريقه غير يمكن يعبر لك مو بالكلام يعبر لك بالجنس خلاص بطلي تسالينه كذا حتى لو بيتكلم ترى بيبطل لانه بيحس انه مطالب ومضغوط وبيحس انها مو من قلبه بتطلع والحين مبسط عالوضع يشوفك ميته على الكلمه وهو الثقل كله تصدقين لو تركتيه فتره وربي يففقد ذالشي منك ويبدا يفكر لايكون سارت ماتحبني وبيشتاق للي كنتي تسوينه وبيبدا يتقرب اتركيه مو بمعنى احقريه لالالالا خليك فرفوووشه معاه وكل شي تمام التمام بس خلي الرومنسيات والكلام الحلو على جمب وان طلع يطلع عفوي كانك مو متعنيه يعني مره كشخ طالعي بابنبهار وانتي مبتسمه قولي يالبى الزيين ولفي ارجعي كملي مرحك وكانك عادي يعني (يمكن لامدحتيه يمدحك) مثلا كان يطالع التلفزيون واتنتي جمبه سوي كانك قايمه للمطبخ تسوين شاي مثلا قبل لاتروحي كذا عالسريع وانتي مبتسمه ومروقه امسكي دقنه وقولي بحماس طفولي احبببببك واتركيه على طول وروحي كملي شغلتك وارجعي والكوب بيدك وعينك عالتلفزيون بحماس (يعني لاتطالعين فييه كنك تنتظرين رد فعل على كلمتك)لان لو حس راح يطنش وبيحس بالضغط يعني خليك دللللللللللع ومفرفشه ولاهمك وتحبيه من بعيد لابعيد جربي وشوفي ورببببببببببببي لتلقين نتيجه لان عندي احساس ان زوجك يحببببببببببببببببببببببببك بس منتي عاطيته فرصه يعبر حتى لو بطرقه |
سبحان الله ...
شخصية زوجك هذي اتمناها أنا ........ وانتي مو عاجبتك !!!! انا أكره المجاملات .. تكلف ماله داعي ... واي انسان يسمعني كلمة حلوة انفر منه ماادري ليش ...أحسه غبي وسطحي .... أمووووووووووت أمووووووووت أمووووووووت على الحب الصامت يتوهني ويحيرني ويشغل بالي .... ( بس من الداخل اكون متأكدة ) ... على فكرة : أحس زوجك ذكي مررررررة .. |
أعمق المشاعر
أنا ما شفت أغرب منك , دائماً مخالفة لبني جنسك :) , بس حلو الواحد ما يكون إمعة لكن ترى النوعية هذي هي غالب الرجال , ما تطلع منهم أي كلمة والحب إن كان فيه حب دائماً مكبوت وما يخرج إلا من فلتات اللسان أو من بعض الأفعال الحب أحياناً يكون تعبير فعلي سلوكي , فيخرج عن طريق المدح من الخلف , أو إغداق المال , أو السفر ونحو ذلك .. |
سمعت قصة واحدة تقول : زوجي ما يمدحني أبداً ولا يثني علي
تقول والله أقول له : اكذب بس قل أي شيء !! , تقول أتمناه يكذب ويمدحني بأي شيء حتى أحس فيه !! |
والله دايماً أسمع هالكلمة من صديقاتي كلهم يقولولي انتي غريبة وافكارك عجيييبة ودايماً رأيك مختلف تماماً .. ومافي نقطة التقاء بيني وبينهم ابداً .. بس مع ذلك الحمدلله احبهم ويحبوني مرة ........عشان كذا ماأنجرح من كلامهم الحمدلله ...
وبالنسبة لكلامك يالموحد ...انت نفسك اعترفت ان الحب الحقيقي يكون مكبوت .. ويطلع من غير قصد فقط .. وفي حاجة احب اضيفها .... انا احس ان الرجل العاطفي جدا في كلامه ... احس انه ضعيف وماعنده سالفة ومستحيل مستحيل انجذب للنوعية هذي ... احسن شي العاطفي في نظراته وافعاله واعماله بس .... ويبقى غامض من ناحية الكلام ... هذا هو الافضل ..لانه صــــــــــــــــــــــادق |
اهم شي ان يكفي الرجل شره قبل ان يمنع خيره
لان بعض الزوجات وفوق معاناتهن من انقراض كلمات الحب يعانون من الوان مختلفة من الشتائم والاهانات |
صدقتِ يا أعمق المشاعر
الصادق باين أهم شيء أني أعرف أنه صادق , هذا يكفي .. وأغلب النساء ما يطلبن إلا صاحب الكلام الرومانسي كثير المدح والثناء , علشان كذا قلت أنتِ غيرهم وإلا كلامك صحيح .. |
| الساعة الآن 02:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©