|
دفء الأهل,,,,
السلام عليكم ورحمة الله وبركاته,,,,,,,,,, اخواني واخواتي في هذا القسم احدالأخوان كان كاتب عن امه وقهوتها وجلسته معاها الله يحفظها له وامهاتنا وامهات المسلمين فتذكرت ايامنا قبل يمكن شكوى ؟؟؟؟؟يمكن حنين ؟؟؟؟؟لوقت مضى وراح ,,,,,,, قبل يمكن عشرات السنين اواكثر اكثر شوي ,,,,,كانت العائله اهم شي عندنا كانت بيوتنا صغيرة وجلستنا وحدة واجتماعنا مع بعض والغداء والعشاء واحد وتضمنا سفرة وحده يسال الأب عن عياله وعن يومهم في المدرسه ومن يمشون معه وصلاتهم في المسجد وصلة ارحامهم البنت هي التي تخدم مع امها حتى الطبخ تعلمناه وحنا صغار ,,,,والولد كأنه رجال وفي المجلس يقهوي مع ابوه ويتعلم علومهم ماكان عندنا كلمة طفش او زهق بالرغم قلة الرفاهيه نمشي امورنا واهم شي مانضايق الأهل يعني الهموم وحده الأخوان والأخوات يحسون بعض وقريبين من بعض لانت ولاجوالات ولا فضائيات ولا اجهزة اللابتوب ,,,,,,ولا غيره والحين حنا بنعمه الحمدلله بس ماتلاحظون شتغير البيوت خدم وسواقين وكل واحد لازم بغرفه خاصه وفيها رسيفر وتلفزيون خاص فيه و أشتراك بعدة قنوات سواء الولد او البنت واللابتوب خاص وينقله من مكان لمكان وجوال وكل يوم شريحه وكلا" بعيد عن الثاني ,,,,,والوجبه يعني كأننا بفنادق وافراد العائله بعدوا عن بعض الامارحم ربي,,,,,, والشباب والبنات صاروا متفتحين مرررررررررة ويعرفون اشياء والله حنا بوقتهم مانعرفها من يسمع لهم والله اني انقهر وبقوة اذا شفت الشاب او البنت يشكون للغريب ,,,, الأهل وينهم او الشخص الحكيم بالعايله وينه ؟؟؟؟؟ بس مازالت هناك عوائل مترابطه ,,,,,انا اتكلم عن البعض وهم أن شاء الله قليلين <<<<<المشاكل الي مرت علينا من البنات يشتكون ان اهاليهم بعيدين عنهم كانت من بنات في مرحلة المتوسط والثانوي في المركز الصيفي الي فات>>>> الكل مسؤؤؤؤؤؤؤؤؤل شاب وفتاه واب وام وأخ وأخت أتمنى من كل أب وأم يمرون هنا ان يهتمون بعيالهم واحضنوهم لاتخلونهم انزلوا لأعمارهم ,,,,, مشغولين ؟؟؟؟؟؟؟؟؟؟؟ هم اهم شي بالدنيا مابي اطول بالكلام بترك الباقي عليكم فاقدين الجو العائلي ؟؟؟؟؟؟؟؟؟؟؟؟؟؟؟؟ الله يسعدكم دنيا وآآآآآآآآخرة ويحفظ ابنائكم وابناء المسلمين |
موضوعك حلو وفعلا هذا الواقع
الحين كل منا بمكان عن نفسي احس وسط يوم هيك ويوم هيك بس أحمد الله على عائلتي لانها متفهمة ودائما تكون بجانبي وتدعمني الله يسعدك ويوفقك |
شكراً لك
سبحان الله نفس الشعور أحن إلى الماضي وإلى المعيشة البسيطة السهلة ما فيها تعقيد ولا شيء مع أني صغير في السن إلا أني أعشق عبق الماضي وأعشق الحياة السهلة الميسرة كان رب البيت يهتم بعياله وبناته ما ينشغل عنهم كثير وكذلك الأم , ما كان فيه شيء اسمه زوجة موظفة , لكن أغلب أعمالها في شؤون المنزل يفطرون جميعا ويتغدون جميعا ويتعشون جميعا ما فيه كل واحد لحاله وفي غرفته وما فيه أحد يربي إلا الوالدين أو الاستاذ ما فيه لا نت ولا جوالات ولا غيره ثم انقلب إلى الحال إلى ما نرى تخيلوا وقفت على نماذج لشباب ساكنين مع أهلهم بنفس البيت يمر أسبوع أو أسبوعين ما شاف والدينه أو أخوااته ؟!! وبصراحه الحنان ما عاد فيه حنان إلا حنان مادي فقط أما حنان سلوكي فانعدم إلا ما شاء الله بالعكس إذا شافوا بنت أو ولد يحضن امه وهو كبير عابوا عليه وكذلك الأم يمكن تحاول تبعد البنت أو ما عودتها أصلا من يوم يجي عمرها 6 أو 7 خلاص يندر الضم والتقبيل بالعكس عندي أن الطفل بحاجة إلى ضم وحنان في هذا العمر إلى ما بعد البلوغ بل إلى ما بعد ذلك .. ...... أما الجو العائلي بالنسب لي فأكيد أكيد راح يتغير , لكن شوي مع أني كنت خارج الجو العائلي من بدري, لأني عشت مع جدي وجدتي رغبة مني في خدمتهما :) من أيام ما كان عمري 17 سنة وأزور أهلي على فترات ,ويعني قبل كان فيه جمعات كثيرة ونجتمع مع أخواني وأخواتي (مع أنهن إلى الحين صغار) الآن بدت تقل كل واحد تقريباً له نظام نوم محدد.. لكني الآن في فترة تصحيح وجمع الأسرة مرة ثانية وحددت أوقات رسمية للاجتماع ما حد يخل بها وعسى تنجح وبالوفيق إن شاء لله |
اقتباس:
نعم هذا الواقع واحنا رضينا بهالواقع حنا نعرف هالجو بس الشباب والبنات,,,,, لأ ؟؟؟ لبعد الأهل عنهم الله يخليك اهلك ياااااارب ويشوفون عيالك |
اقتباس:
اقتباس:
الله يعنيكم وصدقني لك اجر بها الجمعه,,,,,, وهذا الي يعانون الشباب والبنات مايشوفون اهلهم بسبب نظام نومهم والمفروض الأب الحريص يعوض وقته مع عياله الله يجزاك خير على اضافتك اخي الفاضل وان شاء الله ربي يرزقك الذريه الصالحه وتقر عينك فيهم وربي قادر,,,,شكرا" |
| الساعة الآن 07:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©