|
فسروا لي هذا الشعور
ا
لسلام عليكم بدون مقدماات انا زواجي بعد عشر أيام تقريبا والمشكله اني كاارهه زوجي ومو طايقه أكلمه ...حتى لما يقول لي كلام حب اتضايق مدري ليه هالشعوور؟ في البدايه احبه بس مو كثير يعني حب عاادي لكن هو كاان مفرط في مشااعره لدرجة اني مللللليت من كلامه ولا أحس له طعم من جد ماااودي أكلمه وأحس ان مشاااعري متلخبطه ومتردده وخااايفه وأفكر أاجل الزواج بسبب هالشعوور قبل يومين صارت بيينا مشكله تاافهه ضاايقتني منه كثير وتدخلوا اهلي يحلوونها في الاول حسووها كبيره وقالوا نأجل الزواج بس لما جاء للبيت وكلمهم وتأسف قالوا خلاص المووضوع مايستاهل وقالوا انتي براحتك تبين تأجلين آجلي بس الموضوع مايسوا .... انا حاااائره وخااايفه ومتضااايقه وكاارهه زوجي حتي كلمه احبك ماأبيه يقوولها ؟؟؟ بليييز فسروا لي هالشي ؟؟؟ وايش اسوي أأجل والا لا؟ من جددد شاايله هم |
اختي ..
نصيحة عامة .. لا زواج بلا يقين او تردد بمعني الا تتزوجي و انت متردده اجلي الزواج و لو استمر شعورك كما هو فاتركيه و كل شيء نصيب .. |
أختي في الحقيقة لا أحد يستطيع أن بفسر هذا الشعور الا أنتي,,
هل قبلتي به عن قناعة؟ |
ال
مشكله اني مو قاادر ه اجزم بشي الرجال كويس وطيب بس ما احس اني انجذب له طول الفتره الساابقه وانا احس اني اجامله او احااول احبب نفسي فيه لانه كان مدللني ومغرقني بالهدايا بس المشكله الأخيره خلته احترامه يقل لانه تدخل في اشياء ما تخصه او بمعنى ينقل لي رغبات اهله في امور الزواج وغيره واذا قلت له خل اختك تكلم امي ويتفاهمون في هالأشياء يقول لا أحد يكلم اختي وائا بغيتيوا شي خلي خالتي تكلمني انا >>>انا تضاايقت كثير من اسلوبه اولا وانه يدخل نفسه في شغلات الحريم ثاانيا لما بلغت اهلي كلهم تضاايقوا وقالوا يتأجل الزواج بس لما جاء وتأسف لهم قالوا خلاص الموضوع مايسوا الله يخليكم سااعدووني ماني قاادره اخذ قرار واهلي كلهم يبون الزواج يتم ولما اقول لامي كارهته تقول عادي من كثر ما تكلمون بعض هذي هواجس وافكار الشيطان اذكري الله وتوكلي يمكن كلامها صح؟؟؟ انا ما أدري احس اني مشووشه محتاجه احد يفهمني >>>ابغى ردكم لو كنتوا مكااني ايش تسوون ؟؟؟ |
كلام امك صحيح اذا كان زوجك اخلاقه طيبه الله يتمم لك على خير ويوفقك ويسعدك يارب
وان شاء الله بعد الزواج بتتغير مشاعرك بأذن الله هذا عن تجربه مريت فيها وفي الاول والاخير استخيري وادعي الله ان ييسر ما هو خير لك |
اختي هذا شعور لابد كل بنت تمر فيه عاتي ترى وهذا الشيطان يوسوس فيك لمايشوفك رايحه للحلال يكرهك فيه تعوذي من ابليس ولاتعطين نفسك مجال لهشي ولاتاجلين وصدقيني بعدين راح تندمين ع هالشي ضيقتي صدرك وانتي موحاسه لهشي كل ماخذيتي صلي ركعتين واقري قران بنية ان الله يوفقك ويالف مابينكم ادعي بكل صلاة ان الله يالف مابينكم واستغفري كثير والله يوفقك يارب |
أرى إمساك العصا من النص ...
لا تقبلي على الزواج بقلب متردد بهذا الشكل .. ولا تنهي الموضوع وأنتي بهذه الحالة الغير مستقرة نفسيا أيضا ... بمعنى كما قلتي أجلي الزواج بأي عذر الى أن تتأكدي من مشاعرك وداومي على الاستخارة لييسر لك الله ما فيه خيرك وصلاحك ويصرف عنك كل شر ويعوضك بخير منه في حفظ الرحمن ،،، |
بارك الله لكما وبارك عليكما وجمع بينكم بخير أختي الكريمه: شعورك جدا طبيعي ومر به الكثير فوكلي امرك لله عزوجل وحاولي قدر المستطاع ان لاتتاثري بامور حفله الزواج.. أسأل الله بمنه وكرمه أن يتمم لكِ على خير ويكتب لكِ سعادة الدارين.. |
اتوقع شعوور طبيعي
عشانك متوترة وخايفة من العرس اكثري من الاستغفار ياغالية والله يسعدك ويوفقك |
[align=center]اهلا بكم جميعا واشكركم علي تجاوبكم
المشكله في اني متوتره حيل يمكن لان الزواج قرب ويمكن خوفي ان اهله يتحكمون في حياتنا ويمكن لان افكار الطلاق تدور في راسي ويمكن لان ذهني مشغوول بترتيبات الزواج لاني لسه ما خلصت زفه وباقي لي كم شغله فاحس لما يكلمني انه يضغط علي احس اني محتااجه لفترة هدوء بعيدا عن زحمة المشاعر اللي عايشه فيها بس كلامكم ريحني شوي انه في نااس مروا بهالتجربه يااليت تفيدوني اكثر هل فعلا تحس البنت انها موطاايقه زوجها قبل الزواج هل هذا فعلا شعور عادي ينتهي بانتهاء ليلة الزواج ؟؟ ياليت تريحوني أكثر دعواتكم لي[/align] |
| الساعة الآن 09:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©