والله ضايق صدري ومكتئبه http://forum-static.hawaaworld.com/i...s1/smile27.gif

بقولكم السالفه باختصار

عندي اخوان واخوات والمشكله ان امي تفرق بيننا ومسويتنا احزاب الله يهديها

طبعآ أنا من اللي امي ما تميل لهم ولاتحب عيالي مومشكله هذي امي ولازم احبها حتى لو ماحبتني والله يقدرني على رضاها وبرها

لكـــــن

اهم شي عند الوالده زيارتها بشكل يومي واذا ما زرتها تتشره وتتضايق وتكلم اخواني الكبار وتتشكى علي منهم وتحرضهم علي ويزعلوا مني
واذا جيت طبعآ معي اطفالي لاني ماعندي شغاله احصل اختي وعيالها عند اهلي بشكل يومي والمشكله اني لما ازورها تكون مبوزه ومكشره واواطفالي يسلموا عليها ويبوسوا راسها وهي لا ابتسامه ولا حتى كيفكم اما اذا دخلوا اخواتي اللي تحبهم امي عينها على عيال اختي تدلعهم وتعطيهم وتحضنهم وتدللهم واطفالي الصغار يشوفون انا والله العظيم الامر عندي عادي لكن المشكله بأطفالي احس بعيونهم حيره ونظرات لأمي خصوصآ لما تنادي عيال اختي وتبوسهم وتحضنهم وتمدح في لبسهم وفيهم واطفالي يشوفون وساكتين وانا ما بيدي شي http://forum-static.hawaaworld.com/i...s1/smile27.gif

واذا لعبوا اطفالي مع عيال اختي وطاحت بنتي او اخذت بنت اختي اغراضها تقول امي لبنتي ايه عطي فلانه من اغراضك خليها تلعب معك ليش ماتعطيها
واذا وحده من بنات اختي بكت او تبي شي تنفعل امي وتقوم الدنيا وتقول من عليها ومن طقها ومن طيحها ومن اخذ اغراضها من اخذ لعبتها واجي انا واهزأ بنتي واخذ منها واعطي بنت اختي عشان ارضي الوالده

واذا الوالده شافت مع عيالي اي شي تجلس تطالع فيهم حتى يعطون عيال اختي اما اذا جابوا عيال اختي شي لايمكن تقول لهم يعطون عيالي

هذا غير انه اذا جاء زوجي لأهلي يزورهم ماتهتم الوالده بالتقديم تحط اي كلام واذا جاء زوج اختي تحطه بأحسن مكان وتقديم حلوو ولازم عشاء

والله اني مره سافر زوجي وخفت اجلس وحدي ببيتي وقلت للوالده ابجي عندكم حتى يجي زوجي لاني اخاف لحالي مع اطفالي ببيتنا قالت ماعليكم الا العافيه وان جيتي بتجلسين بالمقلط يعني اغراضي وقشي ونومي قدام الرايح والجاي وانواع الازعاج ولما قالت بنتي للوالده افتحي لنا الغرفه المقفله ننام فيها قالت مكيفها خربان وهو والله العظيم جديد توها مركبته وانا ما عندي غرفه ببيت اهلي كان لي واخذوها مني

اما اختي اذا سافر زوجها تنومها امي بغرفتها بغرفة الوالده هي وعيالها رغم ان لها غرفه اختي لها فوق بس عجزانه تطلع فوق ولامقفله غرفتها ماتعطيها احد ومفتاحها مع اميhttp://forum-static.hawaaworld.com/i...s1/smile27.gif ومع ذلك تنومتها بغرفتها

والله العظيم اني اجيها وازورها عشان ابرها وارضي ربي قبل كل شي وانها احيانا ادخل وهي مكشره واطلع وهي مكشره ويان ماجيت يوميا تزعل ومثل ماقلت لكم صعبه اجي بدون اطفالي لان ماعندي شغاله

وان جيت ذقت انواع الغبن والقهر على نفسي وعلى عيالي من التفرقه اللي اشوفها انا ماهي مشكله بس الاطفال كبروا وصاروا يشوفون ويميزون بين معاملة امي لعيال اخواتي ولهم حاولت ابين لهم انه يتهيأ لهم وانها ماتميز بينهم بس كل يوم يشوفون التفرقه ومايصدقوني http://forum-static.hawaaworld.com/i...s1/smile27.gif

وانا باره فيها واجيب لها واروح معها واذا طلبتني اي شي ما اردها اما اختي دلوعه وتبي كل شي على كيفها ولاتحب ضيوف امي ولاتستقبلهم ولاتزور معها اذا احتاجت الوالده شي كلمتني انا اجيها من بيتي استقبل ضيوفها او ازور اللي تبيه لكن ما بين بعينها الله يهديها

وفيه صفه سيئه بالوالده الله يهديها اي شي تشوفه معي ولا مع اطفالي عينها عليه كأننا مانستاهله سواء لبس او اكل او فلوس اوغيرها حتى لو جبت لها ولعيال خواتي زيه يعني مايملى عينها شي الله يهديها

وفيه وحده من زوجات اخواني تحبها الوالده بشكل مفرط رغم ان تعاملها عادي مع الوالده ودايم تمدحها بطريقه تنرفزنا وتقارنها فينا رغم اننا نحبها الا انها كرهتني فيها من اسلوب حكيها ومقارنتها ومره صارحتني وقالت انا اغليها اكثر منك ترا اللي يزعل فلانه يزعلني واللي يراضيها يراضيني تقصد زوجة اخوي وتقول احبها اكثر منكم والله انها حزت في نفسي كلمتها صح زوجة اخوي طيبه وكلنا نحبها بس مهما كان انا بنتها والله اني ما اغار من زوجة ولا اخواتي اللي تحبهم ولا اخواني بس بديت احس بالقهر على حالي وحال عيالي وزوجي المهان بين ازواج خواتي وهو ملاحظ هالشي من زمان وانا اكذبه واقول يتهيأ لك

انا لو مو باره بالوالده استاهل اللي يجيني غرقتها هدايا وفلوس و مومقصره معها بشي والله يقدرني ارضيها وابرها اكثر واكثر لكن ابي منها شوية عدل بيننا ابغى احس انها امي ابغى احس بحبها لي ولاطفالي

ابغى شوية عدل يا امي العزيزه

المشاركة الأصلية كتبت بواسطة فقيرة إلى الله (المشاركة 2487869) سبحان الله العظيم اتعجب كثيرا من هذه المعاملة الغريبة و لكن هل هناك اي اسباب لهذه التفرقة الغريبة الله يهديها أمك و يعينك على برها

المشاركة الأصلية كتبت بواسطة أم داليا (المشاركة 2487876) شوفي يا قلبو أنا مثلك أعاني .. بس ليش .. لاني وحيدة .. وأبوي مدلعني وهذا شي طبيعي .. لكن أمي تغار مني لاجل هذا السبب .. كنت مثلك أبكي وأنوح .. وأقولها الحديث((اتقوا الله واعدلوا بين أبنائكم)) .. ولا كأني قلت شي .. بعدها ما عاد صرت أهتم بالموضوع .. المهم إني أبر بها وبس .. وأتجاهل معاملتها القاسية معي .. ربك يعين .. أنت سوي اللي عليك .. وتجاهلي كل عمايلها .. واحمدي ربك على نعمة الزواج والخلفة والاستقرار .. مش تكوني معها على طول وتهزئ على الطلعة والنزلة ؛

المشاركة الأصلية كتبت بواسطة رسيـــل (المشاركة 2487892) الله يفرج همك عليك بالدعاء المستمر والتطنيش ولا تظهري تأثرك بتفرقتها بينكم