|
هذي قصة بنتي شوفولي حل كيف اتعامل معها؟؟؟
تكفون ابي حل مع بنتي تغيرت تربيتي فيها 180 درجه وحتى مستواها الدراسي متدهور انا منفصلها عن ابوها واخذها مني سنه كامله في منطقه اخرى كنت اشوفها بعد كل اسبوعين الخميس والجمعه فقط المهم انها درسة الصف الاول عنده ونجحت بممتازكيف ما ادري تخيلو ماتعرف الارقام ولا الاحرف يعني شلون نجحة بممتاز الآن وبعد جهد كبير الحمد لله نقلتها عندي لكن الله لا يوريكم سلوكه متغير حتى احترام ماعاد تحترم احد مع انها لما كانت عندي قبل والله انها قمه في الآدب والاحترام حتى معلماتها با الروضه كانويثنون عليها ودائما يقولوعليها هااااااااااااااااديه وشاطره بس كل اللي بنيته فيها من صغرها ضاع في سنه المعلمه الآن تشتكي منها تقول ماتشارك مع زميلاتها وحركتها وكلامها كثير حتى في الساحه ماتحب تجلس مثل باقي زميلاتها المهم ياجماعة الخير انا ماعاد عرفة شلون اعاملها حتى مذاكره ماتتقبل ولا تبي تستوعب والمشكله اني انا اعصب وانقهر من حركاتها اللي تسويها محتاره تكفون ايش الطريقة اللي اقدر اخليها تحب المذاكره فيها بدون ما اجبرها على شي اخاف اكرهه حتى في المدرسه حاسه ان هذي حاله نفسيه قاعده تمر فيها وربي قلبي بيتقطع على بنتي ومنظرها والكلام اللي اسمعه فيها حتى اهلي في البيت احس الشكاوي صارت كثير منها وهي ماكانت كذا صارت ترد ولسانها طويل اخاف اضربها فا ازيد الطين بله واذا فكرة اعاقبها بشي او حتى ما ارد عليها إذا كلمتني واسوي نفسي زعلانه منها اخاف البنت ينكسر داخلها وهي اللي فيها مكفيها تكفون شوفولي حل ولا طريقه اكسب بنتي فيها مثل قبل واحسن بعد
|
السلام عليكم ورحمه الله وبركاته
اختي الفاضله
اود ان انبهك بأن تصرفات ابنتك ناتجه من انفصالك عن ابوها مما ولد عند ابنتك احساس بعدم اهتمامك بها وهذاما جعلها عدوانيه اوعك تتهارجين معها او تضربيها لان هذا يؤكد من شكوكها في حبك لها صدقيني اختي اعرف ان حاله هذي حرجه بس لازم تتفاهمين مع طليقك عشان ترد الثقه بينك وبين بنتك ولاتتدهور الحال حاولي تخليها تختلط ببنات من سنها ولو قريباتها عشان تحس بالصداقه وحب الناس وحاولي تكرري لها انك تحبيها وما عندك حد في قلبك الا ابنتك ووغيره من الكلام الحلو حاولي تغمريها بحنانك وتضميها ليك عشان تحس بالامان انتي بايدك الحل ولاتنسي ما تضغطي عليها حاولي ان تخلطيها بصديقه او ياثنين يزوروها في البيت وتحاولي تدرسين معهم وتتسابقين بين بنتك وصديقتها وتتدفعيها بالنجاح عن طريق الهدايا والخروج للمنتزهات ان امكن برفقه صديقتها وانتي معهم الي ان تثق فيك بنتك وحتشوفي كيف تتغير بأذن الله والله معك يا اختي |
وعليكم السلام الله يصلح بنتك ابتعدي عن الضرب وحاول تتماسكي أعصابك وترحميها لكن عندي سؤال هل قبل النوم تجلسين معها على الفراش وبكل هدوء تسولف عليها أو تقصي قصة أو تسمعين لها طبعا لغة اللمس بينكما مهمة لأنها أكثر تأثيراً عليها ممكن تسأليها وش أكثر الأشياء اللي أعجبتها لما كانت عند أبوها ؟!!!! واسمعي لها ولا تحكمي أو تقاطعي وانتبهي لكلامها ؟!!! ممكن تكون لحد الحين متأثرة من انفصالكم ؟!! ثم إذا ما حصل تجاوب في المذاكرة ؟!! فأجلي المذاكرة ولا تضغطي عليها واجربيها في أمور ثانية تساعدك أو تساعدينها وشجعيها وكذلك شوفي من مدرساتها من تساعد بنتك؛ وتقدر تؤثر عليها والله يصلحه وينبتها نباتاً حسناً ويبلغك العمر الذي تشاهدينها عروس .... عزوبي بس رجل |
بنتي ماعاشت بيني انا وابوها لاني انفصلت من ابوها وعمرها 4 شهور لذلك اصلاً ماعاشت الجوالاسري اللي يخليها تفتقدها الآن بعدين سلوكها قبل لما كانت معي جداً رائع وهاديه وخلوقه بس بعد ما اخذها ابوها وجلسة سنه عنده تغيرة كل تفاصيلها مع اني واثقه من حب ابوها لها وانه مستحيل يكون عدواني معها وتحبه كثير اما من ناحية حبي لها فهذا بحر لاينفذ ابد انا بطبيعتي اموووووووووت با الاطفال حتى لومو اطفالي كيف عاد وهذي فلذة كبدي حتى في النوم لازم تنام بحضني على سرير واحد وحتى لما تكون تلعب بين فتره وفتره تترك اللعب وتجي بس تحضني وتقبل راسي لكن لما انا اطلب منها شي بسيط لا تعاند وبشده لذلك صرت اخاف من نفسي عليها انا ما احب الضرب لكن هي تستفزني بقوه الله يحفظها ويهديها ويرجعها مثل قبل انا خايفه عليها حيييل لايكون هذا مرض نفسي وتدهور حالتها
اشكركم جزيل الشكر يا البرعصي 2010 – وعزوبي بس رجال اشكر لطفكم وتواجدكم اسئل الله ان يصلح لنا ولكم الذريه وان ينبتهم نباتاً حسناً |
بنتك محتااجه حناااان
وحب هي ممكن تحس بالنقص لان امها وابوها مو مع بعض لكن انتي لازم تعوضينها وتحتوينها وتحسسينها انها اهم شيء عندك ومع الايام ان شاء الله بتتغير نفسيتها احسن وبتصير تسمع كلامك اكثر الله يهديها لك ويجعلها باره بك ويجعلها كما تتمنين وتحبين المساله ان شاء الله بس مسالة وقت |
طبقي مبدأ الثواب والعقاب
|
يمكن ابوها مدلعا عل الاخر ويمكن ما فيه احد يطلب منها فعل شئ معين متروكه عل كيفها كلن يحقق رضاها لكي يعوضو
فقدانها لك علشان ما تحس في النقص وهذا السبب لن العائله اذا كان فيهم ابن او بنت فاقد احد ابويه دايم يتواصون في لا احد يلمسه لا احد يقوله شئ يبون يكملون النقص اللي فيه بهاذي الطريقه بيعوضونه بدل النقص لكي يحل الدلال مكان النقص ثم يخرب الطفل والله انا اشوفه في ابن اختي عند اهلي كلن بيعوضه فقدان ابوه وكلن يقول شبيك خوالك بين ايديك مع العلم ان ابوه انفصل عن امه وعمر 7شهور كثير الحرك ما يسمع الكلام ويضرب الاطفال شقي شقي الله يصلحه عمره خمس سنوات السبب 70% انه الدلع لان خواله مخلينه عل كيفه في نطاق الاسره اذا اخطا مع طفال خواله العقاب يكون بين بعضهم اما بضربه او طرده و من بيتهم الي بيت جدانه يم امه هذا العقاب بس لمعلوميه انه ينادي خواله اللي عايش معهم غير متزوجين بابه الكبير ابوه وصغير للحاجه ذا اراد لعبه جاه انت ابوي ونت ونت لين ياخذ حاجته يعني بابه لمصلحه وتراه يحسون في النقص هو يقارن بيي معاملة خواله في ابناهم بين ابوه المزيف ويزيد وحشيه وغيره لانه حساسه ما يوحي انه ابوه الحقيقي وسبحان الله يوم جاء ابو يشوفه لاول مره بعد الانفصال بعد 4 سنوات يوم قالو له هذا ابوك تقبل وجاب له العاب وسالناه من جاب لك هذا قال ابوي الرجال عل ان ما يعرفه ولا عمره شافه قبل ووطفال اخواني قلنا لهم هذ ابوكم بعد وهم في نفس عمره ابو وانكرو بشده قالو لا ابونا فلان اللي هو ابوهم ما غيره احد وهو تقبل سبحان الله وبداية قوله لخاله بابه ليظهر لاقرانه ان له ابو وعمر ثلاث سنوات اتعامل مع بنتك بحرمانها من شئ تحبه عقاب لها حتى تعدل وبسلوب لطيف تحرمينه ونتي تقولين ليش حبيبتي تسوين كذا ما تسمعين كلامي ونا كذلك وليس بضرب او الزعاق اصلحها الله وهداها اللي الخير |
انتبهي ماذا تأكل
ابتعدي عن الحلويات والشوكولا وغيرو اطعميها جوز لوز زبيب واطعمه فيها قمح هذه الماكولات تنمي عندها الزكاء وتفتح الزهن ومن ثم الشقاوه مطلوبه وهم بهالاعمار هيك شقاوه وما يردو على احد خليكي هاديه ومثل ما قال اخونا ابو حكيم استعملي اسلوب الثواب والعقاب تعملي كذا اعطيكي كذا كان بالزمن اذا الولد ما اهذ معه للمدرسه كيس شيبس وشوكولا المدرسه تسأل ليه ما معو سنايك ولازم ياكلهم قبل الاكل السندويش حاليا كل اهتمامهم انو الولد ما يجيب معو سنايك ويكتفي بالفواكه والتفاج والجبن الاكل له تأثير كبير على اعمال الطفل والعصاير كمان |
ابدا لاتحاولي تضربيها
كل تصرفاتها تعتبر رده فعل على الجو الي عاشتو ويبغالعا فتره لتتعود هي ينقصها الكثييييييير من الحب والحنان حاولي تتقربي منها وتعرفي ايش تحب وايش تكره الله يخليلك ياها |
اقتباس:
اشكر جميع من نصحني وساعدني في حل مشكلة بنتي قلبي طفل مغرور مجروحه وأكابر GREEN222 عاشقة الغالي جزاكم الله خير اخواني واخواتي على توجيهاتكم لي اسأل الله أن يتقبل منا وإياكم صالح الاعمال ويجمعنا في جنات النعيم |
| الساعة الآن 10:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©