|
صدمتني صديقتي ساعدوني(حلت المشكله)
مرحبا جميعا انا اكتب لكم الموضوع وقلبى متقطع من الالم وضاق صدري حيل مصدومه مقهوره مجروحه ... بقولكم السالفه ... انا كان جوال يزعجني مره وضايقني رحت سويت تحويل لجوال زوجي في حالة انشغال الخط عشان يرد عليه ويتفاهم معاه ..المهم السالفه قديمه.. ونسيت اني مسويه تحويل .. المهم مره كنت في الجامعه جالسه مع صديقتي وكان تقول لي اني اتصل فيك يرد علي رجال .. واننه رجع اتصل علي ومارديت .. انا قلت وريني الرقم إلا يطلع رقم زوجي ..كان اقول يوه نسيت اني مسويه تحويل وانا عطيتها مشغول بالغلط ... المهم قلت لعا عادي حصل خير بس امسحي الرقم تكفين .. قالت اكيد بمسحه يعني بخزنه ...واعطتني الجوال وقال امسحيه بنفسك وفعلن مسحته .. وقلت لها لاتزعلين بس انصدمت بوحده من صدبقاتي لاقيتها تكلم زوجي .. وقعدت اسولف لها وش صار .. وعادي جلسنا مع بعض وقعدنا نسولف .. مافيه شي كلش طبيعي والسالفه صارت السبت الماضي ... المهم وافتح إيميلي الحي وإلا انصدم برساله مرسلتها لي صديقتي ابيكم تحكمون هل انا غلاطانه وكيف اصلح الموقف ...وتعطوني حل بس ارجوكم تفاعلو معي هذا اروع واعز صديقه عرفته ماودي اخسره ابد .. اتركم مع الرساله..
السلام عليكم .. مساءك رضى من رب العالمين .. يمكن تستغربين من رسالتي او تقولين وش جابها هذي ماهان علي اشطب اسمك كذا بدون سبب .. بس أقلها أسير وافيه معاه لاخر شيء واعلمه وش السبب .. مو بلووك كذا .. بعد ماكنت اسهر عشانها ..! ولا توقعت يجي يوم وتشكين فيني .. مانرمي اغلاطنا على الناس .. اذا بينك وبينه مشاكل لاتظلمين احد .. والله والله ليجييك يوم بتحسين بحراره اللي بجوفي .. ماكتبت لجل نرجع مثل قبل .. ولا لجل تقدميني لي اعتذار .. ولايهمني ابدا انك تحذفيني ماطاح من صدري اخف لضلوعي .. جيت اوضحك السبب وان الله على كل ظالم ودعوته مابينها وبين ربي حجاب .. انا لو نيتي خبيثه ليه اجي انصحك تبقين معه ! انا لو نيتي خبيثه .. مارحت اسأل امي واقولها عنك حسيت انفسنا اغبيااء اننا نساعد احد ونهتم منه .. هذا اخر الزمان خيرا تعمل شرا تلقى .. انا لو نيتي خبيثه ليه أجي اوريك الرقم وأسألك اذا تعرفينه او لا ! انا لو نيتي خبيثه كان سكتت وخزنت الرقم .. أنا لو نيتي خبيثه كان ماعطيتك اياه تمسحينه بنفسك .. انا لو نيتي خبيثه ليه اناديك واقولك تعالي اول يوم مو ضارني شيء انا كلها طبع جدول واتوكل .. مابي اتحسف على كل خير سويته بس الظلم ظلماات يوم القيامه .. لو نيتي خبيثه ماجلست ادعيلك في الحرم .. كنت اقدر اتكلم حزتها واعصب وازعل .. يمكن الصدمه شلت لساني آخر شيء اتوقعه يجي منك انتي بالذات ! لو انك تصلحين بيتك وحياتك ما اضطريتي تشكيّن بخلق الله .. الشك سببه انتي لو انك عارفه انه راضي عنك مستحيل يشوف غيرك .. لو انك تهتمين باغراضك ما اضطرت صديقتك تسرق الرقم من جوالك .. لو انك تخافين الله ما قعدتي تحكين في الرجال عند الكل .. لو انك تخافين الله صدق ماقعدتي ترمين اخطائك على الناس .. اصلحي نفسك قبل ماتصلحين الناس .. لاتخلين الناس تروح وتموت وهي باقي ماحللتك .. ما اقول الا حسبي الله ونعم الوكييل .. حسبي الله ونعم الوكييل .. حسبي الله ونعم الوكيل ~ |
بجد مافهمت ليش هي كاتبة كذا
ما استوعبت ولا شي صارت معها مشادة كلامية او ممكن تحسست من هذا الموضوع |
حست انك فهمتيها غلط
|
لا حول ولا قوة الا بالله العلي العظيم
كسرتي قلب هذه المسكينة ويتوجب عليك جبر هذه الكسيرة إدعيها على وجبة غذاء أو عشاء وأجبري خاطرها يا أمة الله حتى لا يطول وقوفك بين المحكمة الالهية يوم الفزع الاكبر |
اقتباس:
أختي مالونته لك باللون البني هو سبب المشكلة,وكأنها هي من بحثت وراء زوجك وأخذت رقمه وهاتفته(حسب مافهمت صديقتك من ردك المذكور أعلاه) كأنك تتهمينها بخيانتها لك.. فلم تجد حل سوى أن تبرر لك موقفها الا بالرسالة السابقة,, أختي لابد أن تعتذري لها بطريقتك الخاصة,وتخبريها بأنك أخطأتي في التعبير ولم تقصدي مافهته منك.. |
اقتباس:
امسحي الرقم ؟؟؟ هذا يعتبر اسلوب شك فيها ولو صديقة عمر قوية هالكلمة وهي قريبة لك ويكفي ردها :) لانها صادقة ؟ يعني تقولك وتوريك ؟ يعني بتحفظة مثلا ؟؟ الشك وعدم الثقة دمار لكل العلاقات علي هالوجود ..................... |
انا ماشكيت فيها ابد ولو لي لحظه قلت الكلمه بكل عفويه ولم اقصدبها شي ولم اشك فيها بل العكس هي انسانه تخاف الله جدا وراعيت دين بس انا مستغربه ليش كبرت الموضوع المفروض تواجهني ...انا في حيره من امري ..وانتو قريتوا الرساله هي جرحتني كثير بكلامها قاسي وقوي ...
|
أول شئ انتم الإثنين غلطانيين ..
هي سمحت للشيطان إنه يدخل لها ، و جلست ( تتمنن عليك ) لكن يمكن بدون قصد لإنها انجرحت وو تحسست منك و إنت تكلمتي بحسن نية و هي زعلت الزبدة ، لا تتكلمي عن زوجك أمام أحد و شئ اخر ، اتركيها شوي ثم ارسلي لها رسالة و قولي لها ما قصدت أبدا أسيئ لك و لا عمري شكيت فيك ، بس خفت أحد ياخد الرقم من جوالك ( يعني رقعيها بأي طريقة ) :D |
لازم قموره تتأسفين منها
حراااام انتي شكيتي فيها وحسستيها انها بتضرك ترا الصديق ها اليومين ضروري لاتخسرينها خصوصا اذا هي طيبه معاك وحرام مبين انها تحبك ويوم تقول كنت ادعي لك بالحرم |
اول شي لا تكلمين اي حد عن مشاكل الزوجة مع اي حد بالاخص صديقتك ،هي شكلها زعلت وقالت مثل ما جرحتيني
وحسستيني اني اركض ورا زوج انا بعد رح اعطيك في الوجه واجرحك انه انتي لو تخافين على زوجك مني ليش تشتكين حقي ، انا اقول احسن انك ما تردين عليها يالاميل وتعتذرين ليها وجه لوجه وتحسسينها انه انتي غلطانه حتى اذا انتي ما كنت قاصده لان رد فعلها يدل انها اتحاول اتبرر احراجها بالموقف ،،،وان شاء اتكون مثل ما انتي تقولين اتخاف ربها وما تروح تخبر عنك صديقاتكم في الجامعة والله يخليكم لبعض وردي عشان نعرف شو صار |
| الساعة الآن 07:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©