|
جارتي هداها الله والنميمه ونقلها للكلام والغيبه ؟؟
بسم الله الرحمن الرحيم
السلام عليكم ورحمة الله وبركاته إخواني أخواتي ..الكرام أسعد الله جميع أوقاتكم وجعلها عامره بذكره وشكره وجعل جنة الخلد هي داركم ومقركم إخواني منذ حوالي 3 أشهر حصلت مشكله بيني وبين إحدى الجارات هو كلام طلعتو بالعربي شتيمه لي وزعلت منه ..وحبيت أتفاهم معها على الموضوع لأن من طبعي إذا زعلت من أحد أخبره بطريقة ما إني زعلانه فأتصلت بجارتي وتكلمت معها عادي حوالي عشره دقائق وبعدين قلت لها فلانه ممكن أطلب منك طلب قالت خير ..قلت لها لو سمحتي لاتتكلمي مره أخرى بالكلام اللي قولتيه وخلي الناس على الله قامت جارتي قالت أنا ماقلت شئ وزعلت وعصبت وصارت تصرخ في وجهي وكلام كتير فقلت لها لاتصرخي ماني طفله كلميني بهدوء ..فما رضيت وأستمرت في أسلوبها مما جعلني أقولها مع السلامه وأرخي السماعه ..بالرغم إنو الشتيمه دي كانت قدامي وقدام الناس وجارتي هادي مريضه بالضغط والسكر فما حبيت أطول معها لهادا الشئ عشان لاتمرض ويرتفع عليها ضغطها وسكرها ويقولوا روعه مرضتها فقامن هي بالعكس وأتصلت على الجيران وخبرتهم زوراً وبهتاناً وقالت لهم إنو روعه أتصلت فيني وعصبت علي وقالت كلام كذب في كذب والله ياإخوان كنت أبغى الموضوع بيني وبينهانتفاهم فيه على إنفراد لكنها نشرت الموضوع في الحي كلو ..والأحياء اللي جنبنا وماخلت أحد يعرفني إلآوشوهت سمعتي عندهم ..وفي ناس يعرفوني ويعرفوا أخلاقي ماصدقوها إتصلوا علي وقلت لهم إللي حصل بالضبط ... بعد المشكله هادي إتضح لي أن جارتي هادي ماتركت أحد في حالو ماخلت إنسانه إلآوتكلمت عنها وتعايب عليها ..وكمان تنقل الكلام من وحده لوحده ..حتى أنا تكلمت عني من قبل هالمشكله عند الناس وبحكم هي جارتي كانت بيننا زيارات فتجي بيتي وأزورها ووالله تروح تقول للناس إيش في بيتي ولاتحفظ سر ..وتقولهم إيش قدمت للضيوف من طعام وشراب والإنسان مستور في بيته ..وإيش لبست تقول روعه ماتستحي تلبس بناطيل قدام عيالها في بيتها ..طيب أنا ببيتي ولزوجي وإذا خرجت الحمدلله محشمه وغير لو شافت عندي فاظة وردوماعجبتها ..قالت شفت عندها فاظه وحشه زي وجهها ..بالله هل دا كلام منطقي هل يجوز أن يفضح الإنسان إخوه المسلم بسبب وبدون سبب حتى زوجي بعد ماطلق زوجته التانيه قالت للناس إني ماأخاف الله أخذت عفش هالزوجه ..طيب كلها بفلوس زوجي وهادا الشئ حكم لنا فيه القاضي في المحكمه قال العفش اللي زوجي أشتراه بفلوسه لنا وإللي هي أشترته لها .. إخواني الجيران بيحاولوا أن يصلحوا بيننا على الأقل حتى تخرس لسانها عني لنها شيعت أكتر مما حصل وقالت إني إنسانه فتانه وأخرب بينها وبين الجيران وربنا يعلم إني ماأتصلت ولابأحد ولاحاولت أبررموقفي إلآلما أحد يسألني عن أساس المشكله أحكي لهم إللي حصل بالضبط وبعدين يقولوا سبحان الله لازم الواحد يسمع للطرفين ماهو طرف واحد .. والأن أنا رافضه تماماًالصلح وزوجي رافض وقالي خليها على رب العالمين ..دا غير إتصلت بأهل زوجي وقالت لهم عني ماأدري إيش بالضبط وشوهت صورتي عندهم ومحرم دخولها لبيتي ومحرم علي الذهاب لبيتهاوأنا ماأقدر أرفض لزوجي طلب خاصة لو فيه مصلحه لنا..لكن والله لو شفتها أي مكان أسلم عليها مصافحه فقط ولاأزيد ولاأتكلم معها ...فمارأيكم أنتم فأنا أحب أن أخذ بأرآئكم ... بارك الله فيكم فانا أختصرت الموضوع لأنو يطول شرحه تحيتي للجميع |
ياعمري هذي جارتك مريضه جدا ماتنعطى وجه ابدا احقريها ولاتكلميها ولاتدخليها بيتك نهائيا ابعدي عنها قدر المستطاع ولو السلام مو لله كان قلتلك حتى المصافحه حرام معاها دام عرفتي اصلها فالباب اللي يجيك منه الريح سده واستريح لاتقبلي باي صلح00
|
أعطيها حق االأخوة في الإسلام فقط ، يعني ( سلام لله ) و لا تزيدي كلمة و لا تنقصي
و اللي ينقل لك إيش تكلمت عنك ، لا تردي عليه و طنشيييي ، لإن الناس تحب تتفرج و تنقل كلام فاللي ينقل كلامها ، بينقل كلامك ،، خليها قاعدة أمامك |
من جد ابعدي عنها وخليكي في نفسك صح الرسول صلى الله عليه وسلم وصى بالجار لكن دا الزمن الجيران ماوراهم الا المشاكل ياما شفنا بس الله يعين على الدنيا خلى كلامكم رسمى او سلام الله بينكم وبس احسن
|
لاتعامليها بسوء
ولكن حاولي الابتعاد عنك |
يا ويلي شو بعد ما قالت هاذي ما خلت شي بخاطرها ،،،اتعرفين هاذي اسمها جارت سوء ،اعوذ بالله من جيران السوء،
ابعدي عنها ولو تتحولين بيت ثاني احسن سلام وبس واحذري منها |
اقتباس:
في كذب والله إني ماأتبلى عليها أو أظلمها بس مقهوره منها نفسي تخرس وتتركني لحالي :29: وزوجي قالي حتى لو تم صلح بينكم ماراح تتركي برضو وراكي وراكي بالكلام وإنتي إنسانه شفافه ماتتحملي وكلامها راح يبكيكي ...وانا لازم أسمع كلامه ومشكوره حبيبتي ردك ريحني .. |
اقتباس:
هي من تنقل لي كلامها إللي قالتو للناس مثال ..عندنا الجيران كتير يحبوا يجتمعوا مع بعض خرجات دخلات ..عندي زوجي مانعني من كثرة الخروج يقولي خروج كتير ماأبغى طيب وأنا أقوله حاضر ..هي تقولي ياروعه ليه ماتخرجي أقولها زوجي مايبغى يقولي الخروج بحدود تقوم تقول للناس هي روعه ماتبغى تخرج خايفه على نفسها من العين وزوجها طيب يخليها بس هي السبب ...وتقول كدا قدام الناس وتجي تقولي ترى أنا قلت كدا وكدا ..أقولها ليه ..قالت مو إنتي صحيح تخافي على نفسك من العين ..قلت كلنا نخاف من العين ..قالت بس إنتي تخافي الناس تحسدك يقوموا الجيران يفكروني إني أتهمهم بالحسد ويزعلوا علي حسبي الله عليها يارب أكفني شرها وشر لسانها ... مشكوره رزونه على ردك الطيب والقاعده بأحطها برأسي ..ربي يسعدك |
اقتباس:
مكه :(..بس الله يسامحها وصادقه الجار هالزمن ينخاف منه إلآمن رحم الله ..وكفايه السلام بيكون بيننا غير كدا مستحيل إن شاء الله لساني يخاطب لسانها ومنوره ياقلبي |
اقتباس:
مشكوره عاشقه نورتي ياغاليه |
| الساعة الآن 03:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©