|
أريد طريقة فعالة لتنظيف قماش الكراسي
السلام عليكم و رحمة الله و بركاته
عندي غرفة السفرة كراسيها خشب + قماش و لا يمكن نزعها :( و المشكلة ان 2 من الكراسي متسخة بشكل ظاهر و لا يمكن نزعها لوضعها في الغسالة :29: أريد 1- أفكار لتنظيفها تنظيف فعال بدون تغيير لونها 2- أفكار لتغطية الكراسي بطريقة جميلة و تحميها من الوسخ جزاكم الله خيراً منتظرة أفكاركم بفارغ الصبر |
عليكم السلام و رحمة الله و بركاته
شوفي ياقمر بالنسبة للبقع ... ممكن اولا تنظفي الكنب بالمكنسة عشان الغبار و بعدين تجيبي وعاء فيه صابون و ماي و بالاسفنجة تدعكي السوفة .. و بعدين تنشفيها بمجفف الشعر هذه طريقة امي الله يحميها الطريقة الاسهل انك تستاجري rug shampooer بتنفع للسجاد و السوفات كمان بتلاقي اماكن تاجيرها من الYELLOW PAGES بس لازم تجربيها على مكان صغير خلف السوفة عشان تتاكدي انه الاولان ماراح تفسخ و طبعا بتخلي الكنب اخر نظااافة بالنسبة للمحافظة عليهم ... انا بغطيهم باغطية sheets عادي لونها من لون الكنب و لما حد بيجي بشيلهم و خلاص بس اذا حابة شي مميز ممكن تشتري اغطية الكنب . بتنباع على النت و في ايكيا ممكن تلاقي هذا شكل مثلا http://www.united-industry.com/buying/Sofa_Cover1.jpg و خلاص :) |
اقتباس:
يسلمو كتير يا نورة انا شكلي عملت العنوان لا يناسب المضمون :d الكنب (السوفا ) عندي جلد بني غامق الحمد لله خالصة من مشكلة تنظيفن بس المشكلة عندي بكراسي غرفة السفرة ما بظن تنفع معهم ال rug shampooer صح؟ |
غطيهم لا العين الي تشوف ولا القلب الي يحزن
و الجايات اكثر فغطي النظيف معهم حتى يظلو نظاف و اذا اجاكي احد افتكر انك عامله نيو لوك للكراسي اشتقنا لك بنوتك كيف صارت هي و ابنك سجلتيه بلرسبشين اذا ما سجلتيه استعجلي شوفي المدارس القريبه منك و حطي اختياراتك |
الاخت نورة كفت ووفت جربي طريقتها
فعلا في كثير ناس يغطو الكنب وبس يجي احد يشيلوه هي احسن طريقه الله يوفقك ويسعدك |
اقتباس:
اهلين الغربة مرة و الله اشتقتلك خطر ببالي غطيهن بس من وين جيب الاغطية بدي 6 اغطية تكون بحجم صغير الموضوع كتير بدو بحث بالسوق الله بعين ابني هلأ بالنيرسري و الحمد لله ماشي حاله قالتلي رفيقتي مبارح انه لازم سجلو من هلأ بالرسبشن ! تفاجأت القريب عليي مدرسة وحدة بس و الباقي مسافة سيارة بدي سجلو مع انه غالباًالسنة الجاية ما رح كون بالUK و بنتي الحمد لله منيحة فطمتها من 10 ايام و فصلتا بغرفة لحالها و الحمد لله صار نومها احسن بكتير شكرا كتير عالرد |
اقتباس:
بس هية غطتن لما كانوا نظاف و جدد انا بدي غطيهن مشان خبي الوسخ ما في فرق أبدا :d كان لازم اشتريهن جلد و اخلص من كل هالقصة بس كلمة يا ريت عمرا ما عمرت بيت :21: |
افضل شي لكراسي السفرة هو تغطيتها بمادة بلاستيكية شفافة من قبل المصنع أو مكان الشراء وتكون المادة ثابتة ولاتنزع
وعندما تريدين تنظيفها تمسح فقط بماء او ماء وصابون حسب كثافة الأتساخ وحتى كل يوم وبما أنها شفافة فهي تعطي جمال وتحافظ على لون الكراسي ومن الآفضل بالنسبة لك اعادة تجنيدها ثم حمايتها بهذا النوع من البلاستيك |
الحل هو الغسيل الجاف عن طريق محلات غسيل السجاد
وجربي رغوة السجاد وإن مانفع وديها لمحلات تنجيد الكنب والكراسي وفيه تلبيسات خاصة لكراسي السفرة تباع في محلات المفروشات وأغطية السرير وبألوان متعددة ومناسبة لديكورك .. |
اختي سحابة و اختي رواء
جزاكم الله خيراً على الرد انا أعيش في المملكة المتحدة و لا أعرف ان كان يوجد محلات كهذه أم لا لكن ان وجدت فأكيد التكلفة بسعر غرفة جديدة دائما الاعمال اليدوية بهالبلد غالية جداً بسبب ان العمال يعملون بالساعة ! المهم جربت هالمرة انظف باسفنجة خشنة مع برسيل و خاطرت و وضعت نقطة من البليتش يعني متل الكلوركس تقريبا و النتيجة الحمدلله مرضية ما نظف 100% لكن العلامات الواضحة اختفت يعني بدو تدقيق النظر حتى يظهر الوسخ شكرا كتير لكل من رد علي |
| الساعة الآن 11:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©