سنوات غياب زوجى
 

بالله في حد يصدق الى نا اقولة بس هذي سالفتى واتمنى منكم النصح والمشورة
انا متزوجة من سبع سنوات حياتى كانت عادية فيها الحلو والمر بدات انجبت بنتى الاولى وبعد سنة تعرض زوجى لظروف مالية وترك العمل وبدا برحلة الاسهم وماسببت من مشاكل
اظطرينا تنرك الشقة المستاجرينها
وجيت عند اهلى حتى تتصلح الامور ويقدر يرتب الوضع من جديد بهالفترة كنت حامل وانجبت طفلى الثانى وانا عند اهلى
مرت الايام يزورنا ايام ويروح يشوف شغلة بايام اخرى ومرت الايام والان الولد عمرة سنتين ......سنتين وعشررر شهور
وانا طول هالفترة عند اهلى لما يكون معاة فلوس يزورنا ونروح نقضى ايام مع بعض بس للاسف بعدها ارجع عند اهلى مرة اخرى حتى ان اهلى تضايقوا من هذا الوضع وصارت بينة وبينهم مشكلة
تقاطع الكلام بينهم ...واهلة ماراح يساعدونة ابدا حتى انهم قالوا لى اذا تبين الطلاق اتركية
لان بنظرهم ان ولدهم ماعندة تدبر صحيح للامور .....
صراحة انا اشفق ومتاكدة انة يحبنى ومتمسك فينى بس انا مليت وتعبت من هالوضع
وخصوصا نة لما يكون معاة مايقصر بالمادة علينا حتى انة برمضان اعطانى مبلغ 7000 ريال وكل مرة يستلم شي مايقصر معى ولامع الاولا د الاشياء الى نحتاجها وزيادة بس المشكلة عدم وجود سكن لنا
يجينا احيانا ويجلس كم يوم ومرات لما الامور تتلخبط يروح حتى مايتصل
برمضان قالى انة اخذ بيت وبدا يأثث فية وبعد العيد طوالى راح نروح معاه ونسكن ونستقر هذا حسب كلامة لانة هوبمنطقة وانا بمنطقة اخرى
وفرحت وبدا امل :21:جديد بحياتى رغم الخوف من تدهور الامور لانة رجل اعمال حرة وحسب المشاريع والشغلات الى تجية يصرف ويعيش...
وكان شرطة انى اتجهز وانة ابدا ماراح يقابل اهلى ابدا ولايتكلم معهم بالبداية مااعجبهم اسلوبة بالتعامل لكن رضوا على امل اننا راح نبدا حياة جديدة ....
بديت اتجهز وارتب وضعى على امل انى راح انتقل معاة انا والاولاد بعد العيد
وحدث مالم يكن بالحسبان انتظرتة على العيد للكن لاسف لاجا بالعيد عشان يعايدنا على الاقل ولا اتصل
انتظرتة لين نصف الشهر بحجة ان الغايب عذرة معاة لكن للاسف حاولت اتصل فية ومارد ولاحاول يقول اى شي ارسلت لة ابى اعرف هو فية شي هل هو بيجى ياخذنا والاكيف الوضع بيكون
ماجانى اى رد...؟؟؟؟؟؟؟؟
عرفت ان الامور عندة تلخبطت لان انا عارفة لما يكون الوضع المالى سيئ يتركنا ومايسال حتى لو ايش مايصير...... وجالسة انتظر الى ان
ارسلى امس حوالة يقول دخلى البنت تدرس حاولت اتصل فية واسالة انت تبى نتفاهم او لا لكنة رد يقول مابينا تفاهم ابد وماعاد بينا الا العيال
تعبت من ظلمة واستبدادة لى بهذا الشكل ونكرانة لى صبرت علية ثلاث سنوات والان ماعندة حتى اى مبررر
ولا اقدر اقول لاهلى لان هم من الاول قالوا لى انة رجل مو كفو ولايتحمل المسؤلية وحاولوا كثير انهم يقنعونى بالطلاق لكن عيالى وبيتى وهو كان انسان مافية عيوب ولاهو راعى لف ودوران وخرابيط فصبرت على امل ان اللة يفتح علية ونجتمع بس الموقف الى سواة خذلنى ةحطمنى
حتى انى اسلت لة (ان اللة هو الى راح يتولاك بعد ماخذلتنى وتركتنا كذا وان اللة راح ياخذ الحق من ظلمك لنا....)

الان ابغى اي حل لانى احسن انى محطمة ومهمشة ومافي ايدى اي حل ......؟؟؟؟
ولا انا قادرة اتخذ اى خطوة سوى انى الجاء الى اللة وادعى ليل نهار
فارجوكم انصـــــــحونى ؟؟؟؟؟؟؟؟؟ ماذا افعل بعد ان صبرت وعوقب بالهجر والنكران؟؟؟؟؟؟؟

وضعكم غريب جدا الله يقدم لك اللي فيه الخير

فعلاً ضيق ذات اليد وعدم وجود عمل ومصدر رزق ثابت يجعل الرجل في حالة عدم ثبات وتقديره للأمور والخطط التي يضعها خيالية أو وهمية لعدم وجود ركيزة .. وهذا لا يمنع من حسن العشرة والمعاملة الطيبة فالأرزاق بيد الله يوزعها لمن يريد ..
ومن كلامك احسست بأن زوجك إنسان مسؤول لكن الظروف هي التي وضعته في هذا الموقف، وما عليك إلا الوقوف بجانبه تشجعيه حتى يتخطى المرحلة التي يمر بها ولو بالإمكان أن تبحثي أنت أيضاً عن عمل يكون معين لك ولأبنائك ..

اختي ليه تشوفينه ظلمك وظلم عيالك ..
يالعكس ياغلاتي شوفيه انه رجل نبيل
يبغاكم ماتحتاجون لأحد بس ظروفه حدته
وان شاء الله هو ماخذلك بس اكيد
في شئ كايد صار له منعه من جيته
وفعلا هو رجال مسئول بمعني الكلمة
لا يلعب عليك الشيطان وانا وخيتك
جدي الله يرحمه ترك جدتي اكثر
من عشر سنين يجيها بالسنة مره
لأنه كان تاجر
وكل عياله حملتهم وجابتهم وهو بعيد
عنهم ..
تعوذي من الشيطان هذا حال الدنيا
يمكن بعد سنة وإلا سته شهور
وانتوا عايشين بترف ورغد عيش
بما انه يشتغل بالاعمال الحرة

الله يصبرك ويفرج همك يااختي
لا تتخلي عنه خليكي واقفه معاه هالفتره واستمري بالاتصال حتى لو مارد لان من داخله هو بكون مبسوط انك ماتركتي بس يمكن متفشل يرد ايش بقولك يعني انا خذلتك؟
اصبري يااختي واحتسبي الاجر والله يفرج همكم

ماشاء الله عليك فعلاً أنك أنسانه رائعة وتستحقين كل الخير واصلي ما بدأتي مع زوجك ولا تتركيه ،،، ودوام الحال من المحال ،،، صلي وأدعي الله سبحانه أن يفرج على زوجك ويعود إليك وهو بألف خير ،،، في الوقت الحاضر ركزي على الأبناء وأمنحيهم كل ما يحتاجون ،،، وأرسلي إلى زوجك الرسائل التي تقوي من عزمة ،،،

زوجك أنسان طيب وكريم وفي الوقت الحاضر هو بأمس الحاجة إليك أن تقفي معه ،،، وأعلمي أن الله سوف يجزيك خير الجزاء على صنعيك ،،،

الصبر مفتاح كل مهموم وكل مكروب وكل حزين ،،،

اسال الله العظيم رب العرش الكريم أن ييسر أمور زوجك ويكتب له النجاح والرزق الواسع المدرار آمين


ثقي بمن خلق السموات والأرض أن يغير حالك الا كثرت الأستغفار مصداقاً لقوله تعالى

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم
مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا

ليش ما تنزلي تشتغلي وتساعدي زوجك ؟