|
ما مدى خطورة الوقوع على الرأس لدى الرضع
ابني الحين عمره 7 شهور و من هو 5 شهور بدأ زحف على البطن و بعدين على 6 شهور بدأ زحف عادي على الركب و الجلوس لوحده بدون اي مساعده بس دائما يسقط على رأسه احيانا من الخلف و احيانا على الجبهه و الأنف بابدايه كانت سقطات خفيفه بسيطه لأنه توه يتعلم و يفقد توازنه الحي سقطاته كثرة شبه يوميا و احيانا اكثر من مره باليوم و الي خوفني اكثر انه بعد سقوطه يبكي بحاله هستريه من الألم و احيانا يرجف و بعدين لما يهدى ينعس و ينام لمده طويله اشترينا له قبعه تحميه من الم السقوط مثل الصوره http://gfx.dagbladet.no/labrador/134...ctive/503x.jpg صاير احسن الحمدلله مع انه صارت له عقده من السقوط يبكي قبل لا يطيح و حتى اذا الطيحه كانت جدا خفيفه على السرير مثلا يبكي فابغى استفسر عن خطورة السقوط و اضراره هل في حالات معينه او ردود افعال اذا لا حضتها اخذه فورا على الطبيب |
صراحة اختي مااقدر افيدك وماعندي معلومات بس اكيد ضربات الرأس ليست سهله حتى علينا احنا الكبار
اختي خذيه للطبيب احتياط لاتنتظري ليصير شي لاسمح الله الله يحفظلك ياه ويخليه |
و الله حتى انا بنتي بنفس عمر ابنك و صارت تبكي من قلب
حتى انها تحاول توقف على الكنب و الله اخاف عليها خاصة لمن يكون عندي شغل بس القبعه هذي حلوه كثير بدور عليها بصراحه الا الراس و ولدك لمن يبكي قبل لا يطيح لانه عارف ايش اخرتها الله يحفظه و يخليه لك |
شوفي ياقلبي طبيا اكيد لها مخاطر
بس بالنهاية نتاخذ الاحتياطات و نتوكل على الله و ربك الحافظ ما اعتقد في طفل طاح زي طفلي ماشاء الله ابني راسه كبير شوي و على قولة خواتي ما يقدر يوازنه مع جسمه :( فدايما دااايما .. تقريبا 3 او 4 مرات يوميا اما يرجع للوراؤ وهو جالس او للامام او حتى يطيح وهو واقف و مهما حاولت الا ما يطيح .. بس الحمدلله ربي حفظه و حماه و الحمدلله طبيعي احسن شي سويتيه الخوذه ... صراحة ما جت ببالي .. ان شاء الله بالثاني :) ان شاء الله ربي يحفظه و يحميه و اخته يارب |
اقتباس:
لا هو حاليا كويس و مافي شي يستدعي الطبيب بس سؤالي مستقبليا لو لا سمح الله صار شي مشكوره عزيزتي |
اقتباس:
مش بس هما حتى نحنا صارت لنا عقده بس نسمع خبط يوقف قلبنا ايه القبعه مره حلوه و مريحه مش سميكه و لا ثقيله و تكون امان و حمايه حاولي تشتريها بأقرب فرصه عشان بنتك و انتم ترتاحو الله يحفظلك صغيرتك و يحميها من كل شر |
اقتباس:
هو اكيد الراس دائما اكبر من الجسم عند الصغار>>>> لا تخفافي مانتي الوحيده الي ابنك راسو كبير :) وقريت انه الأطفال يقدرو يستحملوا الوقوع اذا كان على مستوى الجسم يعني من الجلوس او الوقوف بس من مكان مرتفع زي السرير او الكنبه و خاصا على اشياء صلبه يؤدي الى نزيف في المخ و يمكن لا سمح الله شلل نصفي او كامل فأنا ياستي ابني وهو 4 شهور طاح من على السرير و الله كانت بس ثانيه ديرت ظهري اجيب شي :24: و مره ثانيه كنا في الحديقه مسوين بكنك و كنت مجلساه في حضني قام زعل و عصب من شي و رمى نفسه على ورى و طيحة قويه على الأرض العشبه :23: و الباقي طيحات في البيت الين جبناله الخوذه زي ما قلتي من شهرين تقريبا و الله مخوفتي المسأله هذه,,, اخاف يصير له شي في المستقبل لا سمح الله الله يحفضلك يوسف و الي جاي بالطريق يا عسل :) |
اللي اعرفه انه لا تخليه ينام بعد الطيحه على طول ..
|
تكون الوقعة خطيرة لو بعدها صار مع الطفل ترجيع (استفراغ) وقتها بيكون لازم طبيب سلامة طفلك والاطفال كلياتهم من الوقعات |
اقتباس:
طمنتيني ياستي .. يوه لو تعرفي كم القى تعليقات عليه مسكين اما الوقعات يا ستي ربي يحمي ابنك انتبههههي عليه .... و سبحان الله ربي يحفظ الاطفال دايما يوسفي طاح و عمره شهرين اتصوري من فوق السوفة والله والله كان لسه ما يتقلب .. تركته لحظة على بال ما اجيب اشي بس سمعت الصوت ... حتى زوجي صحى من النوم مفزوع عالصوت و تعالي شوفيني انهرت جنبه هو يبكي و انا ابكي و زوجي مادرى مين يهدي :) ربك ستر ولو تعرفي اختي الصغيرة و هي عمرها 10 اشهر \طاحت من الدور الاول و جت على راسها و زرق وجهها و حالة و الحمدلله ربي ستر و ماشاء الله عليها اذكانا :) قعدنا نقول لها هذا من تاثير السقوط ولا كنتي غبية :) و اللي اعرفه فعلا زي ماقالوا البنات اذا الطفل رجع بعد السقوط او نعس فجأة هنا تخافي لكن اذا مشى كل شي طبيعي فا خلاص معناها عدت على خير ربي يحمي اطفالنا يارب |
| الساعة الآن 02:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©