وش رايكم في الي قاعد يصير
 

بسم الله ربي وربكم أجمعين
بصراحه انا اليوم ابي اتكلم في موضوعي هذا عن حكاية منتشرة في دول الخليج وخااااااااصة البحرين الحكاية وما فيها ان البنت لما تنخطب خلاااااااص تعتبر نفسها متزوجة يعني من اول اسبوع خلاص على طول مطيحة وقاطه وجهها في بيت أهل زوجها لا ويا ليت بس تروح الا تبات بالايام وما تروح بيت أهلها الا يوم او يومين في الاسبوع :eek: :eek: :eek: :eek:

وطبعا ما في داعي اقولكم عن الي يصير بينها وبين خطيبها ....انتو أخبر بالي يصير...يعني واحد عمره ما لمس مبنت ويلاقي بنت عنده وتحت امره اي ساعه عساه لو راجع وجه الصبح وما تقول لا وتلبي طلبه وطبعا 99% منهم يدخلون من قبل العرس ....

انا سؤالي الحين هل البنت تحس ان لها كرامه لما تعطيه كل شي بهذي السهولة صحيح اهي زوجته على سنة الله ورسوله لكن اعتقد كل شي بوقته حلوووو ;)

لا واذا تسالهم ليش تعطونه يقولون اذا المرأة ما عطت زوجها حقه تحصل لعنه من الملائكة انا عارفه هالشي لكن ليش ما يكون في اقناع بين الاثنين واذا ما صار اقناع فما في شي غصب يعني الزوج ما يقدر يغصبها على شي ....

المهم انتو شنو رايكم
ارجو التفاعل من جميع الاعضاء والمشرفين وأبداء الرأي

تحيــــــــــــــــاتي
اختكم ....أم هشـــــــــــــــــــام.... :confused:

والله تعبتونا معاكم وفي ألفاظكم تقصدين بالخطبة ( عقد النكاح )
أم الخطبة النظرة الشرعية فقط بدون عقد , حتى نعرف نرد على الكلام
ونبدي الرأي

ههههههههههه لا اخوي اقصد عقد النكاح
على فكرة انا ما اقصد من الناحية الشرعية لأ من الناحية العامة وكرامة البنت قدام الناس لووووو .....لا سمح الله تطلقت هل الشباب يوافقون ياخذون وحدة شايفها احد غيرهم؟؟؟؟
تحياتي

فيه مثل شعبي يردد في نجد الجزيره العربيه يقول كل (ن) بعقله راضي

شكرا أختي على طرح الموضوع
حسب رأي بأنه لايتناسب مع العادات والتقاليد

وبعدين لو عملوا أي شيء بيفقدوا لذة ليلة الدخلة وبتصير مايلها طعم وبدون مزاج وأنصح كل الشباب والشابات أن لايستعجلوا ويتركوا كل شيء في وقته

تحياااااتي
[code]

والله انا ما عندي خبرة كثيرة بعادات دول الخليج

بس علي كلا انا لا اوافق علي يللي تحدث عنه ....المفروض ان البنت تتقل عالرجال شوي ........لا بل تتقل عليه كثير ....مصيرها تتزوج ويحصل زوجها علي كل شي منها ......وزي ما قلت كل شي في وقتو حلو .......حلو كثير

تحياتي

وكل عام والجميع بخير

الجوزاء

هذا يدخل فيه كرامة الفتاه وعفة أهلها

مهما كان السبب لايحق لهاالذهاب الا بعد أعلان الزواج أما الطلعات اللي ماقبل هذا فلا أجد لها مبرر

وعادات أهل الخليج قد تكون واحده غير أن الحياء أذا نزع وقل الوازع الديني فما يبقينا على الدين ألا شهادة أن لا أله الا الله

وألا فنحن كالغرب أن لم نكن أكثر جرأه وأنحطاط!!!

أخي الكريم.. موضوعك لي رأيي الخاص فيه ما أدري إذا توافقون عليه..

قد يكون تم "عقد النكاح" سواء مع حفله صغيره أو بدونها.. في رأيي إن من راح تسلم نفسها كليا لزوجها "بحكم العقد" في تلك الفتره ما له أي داعي يحددون يوم للعرس.. ليش الخساير.. خلاص هي قدمت نفسها له بلا أي إلتزامات فليش تكلف عليه وتخليه يعمل لها حفلة "يوم الدخله" وهم خلاص دخلوا!!!!!

ليلة العرس "أو الدخله" موجوده وتصير للي راح تقدم نفسها طاهره وغير ملموسه لزوجها وهذا تفسير الفستان الأبيض..

أما غير هذا الشي فأنصحهم بحفله وحده يوم كتب الكتاب والله يهنيهم..

أتقبل أي تعليق على كلامي ولكل واحد منا رأيه الخاص..
في إنتظار ردودكم..

تسليم المرأة نفسها لمليكها دليل هيامها به وتتيمها وهذا يعطي الزوج
نشوة وسكر روحي , ويقوي الرغبة للزواج ويسرع به بشرط ما يكون شغل
ثقيل مره المفروض الواحد يستحي ويتذكر انه مو في بيته ولا يكون ماسخ
عموما ليس مثل ماقالت (الجوزاء) تثقل كثير , لاننها مهي صديقه ,هذه
زوجته على ايش الثقل , الشباب طايحين في الدول المجاورة وتاركين أهل البلد بسبة الثقل الصناعي , بحجة الإشتياق والمسكينة ما تدري أنه اذا امتزجت الأرواح تاقت للذوبان والإنصهار في بعض ,
والنفس تقنع من الشي البعيد المنال 0

أخوي الهوى 2 ما فهمت المثل ممكن تفهمني وتوضح أكثر

اختي mema هذا مثل رأيي لكن في بنات حتى بعد الي يسونه في أيام الخطوبة يصرون على حفلة الزواج ويقولون (لا ، لا يمكن أتنازل عن الفستان الابيض )
أخوي زاجر ما أعتقد ان كل رجال الخليج مثل ما تقول لان معظمهم ما يحبون البنت الي قاطة نفسها عليهم....

شكرا لكل من ساهم في الرد على موضوعي
تحياتي