![]() |
شوفوا فضيحة زوجي في محطة البترول ..
اهلا بكم اعزائي ... اليوم الصبح حصل موقف اضحكني جدا وبنفس الوقت انكسر خاطري على زوجي الغالي ... فحبيت إني انقل لكم الموقف لتلطيف الجو .. اول شي شوفوا هذي الصورة : هذي سيارة زوجي ... شفتوا الفخامه والجمال ... :25:؟؟ ( الصورة من النت ) الحين بذكر لكم القصة كنت انا معاه طالعين نخلص أشغال ... وبعد ان انتهينا كان خاطري أشرب ( شكولاته ساخنه ) فاقترحت عليه ... ووصلنا لمحطة البترول ... فاقترح زوجي ان يعطيهم سيارته للغسيل والتظيف .. بينما نحن ننتظر في غرفة الانتظار ... المهم ونحن جالسين مكيفين ونشرب شوكولاته ساخنه ونسولف ... دخل أحد العمال وهو يضحك .. وشايل بإيده فضيييييييييييييحه زوجي :eek: تعرفون شو كان بإيده ؟؟ V V V V علبة سيريلاك ...:15: ... قال العامل : ماما انا يشوف هذا تحت كرسي مال سيارة :d الترجمة : ماما شفت هذا تحت كرسي السيارة ...:d يعني السيارة الفخمة هذي حصلنا فيها هالسيريلاك اولا تفاجأت لان عيالي ما ياكلون سيريلاك .. ثانيا إلتفت لزوجي وماسكه الضحكة وشفت شكله صاير جذي :o ويقول : الله يهديكِ كم مرة قلت لك لا تنسين اغراض العيال في السيارة ..وهو مبتسم طلع العامل ... وسألت زوجي : لايكون اللي في بالي صدق ؟ وماسكه الضحكة وهو منحرج آخر شيء اعترف ان السيريلاك له هو .... ومخبي السالفه عني وانفضح اليوم .. وانه متعود ياكله على الفطور في العمل ...:d كان موقف مضحك جدا ... وقال : عادي لا تمسكين الضحكه ... انطلقي ... وانا ما صدقت خبر بس بعدين عديتها وقلت له .. حبيبي اذا اشتهيت السيريلاك على الفطور قول لي ... وبجهزلك ومافي داعي للاحراج .... هذا كان الموقف الطريف اللي حصل اليوم ... اتمنى يكون الموضوع خفيف على قلوبكم وسؤال للاخوان والاخوات : في أكلة كنتوا تاكلونها بالطفولة ومستمرين عليها لحد الآن ؟ والله يسعدكم ويحفظكم ويوفقكم دنيا وآخره .. |
الله يسعدك ويبارك لك في زوجك
نصيحة عزيزتي يالمني لاتمدحين وتكثري الحديث عن زوجك المنتدى يعج بمن هي محرومة من حنان زوج ومن زوج اصلا فأخشى عليك العين اني احبك في الله تقبلي نصيحتي بصدر رحب |
موقف لا يحسد عليه ;)
في الحقيقة لا يفاجئني موقف زوجكِ عزيزتي لمني بشوق .. فابنة أختي لا تزال تحب تناول السيريلاك وهي الآن ابنة 18 سنة .. وكانت تشارك صغيراي وجبتهما عندما كانا في سن تناوله. بل وحتى عندما كبر سلطان فإنها تغريه وتذكره بالسيريلاك وأفاجأ به يطالبني بالذهاب للجمعية لشرائه ;) بالنسبة لي لا أميل للسيريلاك .. ولكنني أفعل ما هو أدهى وأمر :o عندما كنت صغيرة كنت أحب تناول حليب النيدو .. البودرة .. وكنت دائماً عندما أعد كوب الحليب فإنني أضيف ثلاثة ملاعق للكوب وملعقة رابعة لي أنا لآكله ;) ولازالت هذه عادتي حتى الآن :o على فكرة هذا سر لا يعلمه أحد على الإطلاق وأبوح به للمرة الأولى ;) |
وكنت دائماً عندما أعد كوب الحليب فإنني أضيف ثلاثة ملاعق للكوب وملعقة رابعة لي أنا لآكله
ولازالت هذه عادتي حتى الآن مي تو :d فعلا فيه اكلات تستمر معاك تسلمي يالغلا ع الموضوع |
ما عليه الحكي زوجك ..
الأمانه انه نفسي في السيريلاك من زمان .. يعني أحيانا نيدو مع الشاي ........ |
ههههههههههههههه
ماشاء الله فعلا موقف مضحك ان شاء الله كل ايامك سعادة انتي وزوجك ياغالية انا مثل مهرة بس مكشوفة يعني مو بالسر :D سبحان ربي كل واحد عندو شي |
ههههههههههههههه
العنوان خوفني بس حتى انا احب السيريلاك ودائما اكل من حق اولاد اخواتي خصوصاً (القمح والعسل) ياسلااااااااااااام والحليب البودرة مثل الاخت مهرة حرام عليك شهيتيني ...... |
هههههههههههه
بصراحه موقف محرج لايحسد عليه:o ماادري ايش قصة الناس مع السيريلاك كثير يحبونه وهم كباار حاولت أتذكر شي أحبه من وأنا صغيره ولحد اليوم مستمره معي ماتذكرت :15: موضوع لطيف بلطافتك وحلاوتك :) |
ضحكيتيني اختي....الله يعينه !!
اخترعت من العنوااان....عاااادي خليه على راحته..حتى لو يبي ملعقة بودرة الحلييييب بالنسبة لسؤااالج..؟ انا احب بسكويت الرضع اللي يذوب مع الحليييب...يجننننن بس ما اذوبه آكله مثل ما هو ..مقررررمش..ولذيذ وبعد لما اسوي لطفلي الحليب...آخذ شوية من حليبه ابتاميل من ميلوبا... طعمه رهيييب اما سيريلاااك...مو حلو.... وريحته كلش مو حلوة اشكرج على طرحج...الجميييل |
ههههههههه
موقف محرج مرة انا و زوجي ناكل سريلاك مرة في السوبر ماركت كنا مستعجلين و تفرقنا كل واحد يروح قسم عشان نخلص بسرعه و انا رحت قسم اكل الاطفال و اخذت علبة سيريلاك تعالي شوفي التعابير اللي على وجهه وقت المحاسبة فكر انها مو عربيتنا هههههههههه و لما دخلنا السيارة قلتله هذا للبساس مو لنا :) و سويت منه للبساس لما كانو صغار ملعقة بس و الباقي نحن كملناه هههههه لذيييييييييذ جدا اعتقد الناس متعلقين به للآن لان طعمه مثل البسكوت من المواد اللي يستخدموها فيه اعتقد هي ليسيثين الصويا اللي تعطيه هذا الطعم لاحظت انه مكون في كل البسكويتات و الحلويات و الكيكات الجاهزة الاقيه |
الساعة الآن 08:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©