|
زواجي ... ( حالته صعبه ) هل فيه حلول؟
انا حياتي الزوجيه في تدهور بسبب زوجي الله يصلحه ويهديه
زوجي كان انسان مرح بارد نوعاً ما يعني مش عصبي عنيد ... وراسه جداً يابس وكانت اول ايام زواجنا مشاكل كثيره بس جيت العيال للدنيا قربتنا شوي من بعض لكن له فترت 4 شهور صاير انسان لا يطاق حاولت اتقرب منه حاولت ارضيه بشتى الطرق ولا كان يرضى عصبت وزعلت منه ولا يهتم عادي مو كانه عامل حاجه غلط يعاملني زي عدو وكأنه مشحون علي ! قدرت ظروفه وماديته بلا فايده... وقدرته نفسياًَ ومعنوياً وكل مره يغلط اكثر وصل مرحله يقول أنا اسباب النكد في حياته ولا حتى يعتذر عن أخطائه طبعاً انا أبي أعرف علامات كرهـ الزوج لزوجته وانا شاكه وحاسه انه يقول كل اسرار حياتنا لوالدته بحكم انه متعلق تعلق شديد بها ورافض يفك عنها برغم مرور 5 سنوات من زواجنا لانه ابنها الوحيد وماعندها غيره وطبعاً بالمقابل من تزوجت حاولت اتقرب منه واكون له كل شي لكن بيصدني صد عنيف ...... كيف أحل مشاكلي معه ... لأنه الآن وصلت مشاكلنا حتى بفراش الزوجيه برغم قبل هذي الفتره (فتره التوتر ) كنا الحمدلله مشاكلنا تنحل بيوم وليله لكن هالمره قولون عصبي اصابني بسبب كثرت النكد والمشاكل صار نكدي ويبحث عن المشاكل بأي طريقه هو عنده ضغط مادي لكن وربي علي يشهد مقدره كل ظروفه وساعدته كثير لكن ما يتذكر اي شي حلو مني دايم مكشر ودايم ينتقد وأي طلب مني مرفوض حتى لو هو مقتنع يطنشني بالأيام ما يكلمني برغم انه هو الغلطان... كلامه جافي .. حياه بارده مافيها دفء الحياه الزوجيه ..ما فيه تفاهم نهائياً دورت رضاه بكل شي وبالنهايه صعب ارضي شخص هو نفسه مو عارف ايش يرضيه !! (( طبعاً ما كان كذا نهائياً)) هل ممكن حاله ينصلح؟ هل هذا كراهيه؟ هل سبب هالتوتر تعلقه بأمه؟ هل معقوله الالضغط المادي يخليه ينقلب على زوجته زي كأنه داخل معركه معها؟ هل فيه يحل ينقذ زواجي اللي احس صار ممل وجو كئيب ولا تفاهم ولاحب ولا رحمه او موده؟ عذراً على الاطاله .... بس حابه أحصل حلول لمشكلتي ... |
أختي الكريمة لعلك قمت بفعل أو قول ليكف عن افشاء اسراركما لامه ففهم الرسالة خاطئة واعتقد انك تغاري من امه وتبحثي عن سبل ابعاده عن امه مما سبب له ضيق منك راجعي حساباتك أختي واستدركي الامر |
بما انه زوجك كان طيب القلب وحنون وتغير فهذا قابل للاصلاح ..المشكلة أن أن يكون زوجك عسر الطبع من الأصل لان من الصعب تغيير الطبع .
تقولي انك تراعيه وتهتمي فيه لكن للاهتمام والمراعاة درجات ...أتمنى أن تقولي لي عن مظاهر رعايتك له .... كيف تظهري له اهتمامك ؟؟؟ أعطيني كل صور رعايتك له لو سمحتي .. كيف تستقبليه عند دخوله البيت ؟؟ كيف تطلبي منه طلبات البيت ؟؟؟ كيف يمضي وقتكما الخاص اليومي ؟؟؟ كيف تمضي علاقتكم الخاصة وهل سبق وطلبتها منه ولو بالتلميح ؟؟؟كيف علاقته بأطفالكم؟؟؟ هل لكم طلعات خارج البيت ؟؟...الى أين وكيف يكون مزاجه ؟؟كيف علاقته بأهلك ؟؟ الرجل الذي بحال زوجك من عسر مادي وتأثير خارجي يحتاج لصورة قوية من الاهتمام وربما أقدر أن اعطيكي خطواتها لو أجبت على سؤالي .. وعليك بالتزام الدعاء والتضرع والبكاء بين يدي الله في طلب حنان زوجك عليك ورقة قلبه لك واصلاح الامر بينك وبينه..ودعاء الله بطلب العفو والرضا " اللهم أسألك عفوك ورضاك " وأكثري من الاستغفار فأحيانا تجلب بعض الذنوب ابتلاءات لا تذهب الا بالاستغفار ( من احبه الله جزاه على ذنوبه صغيرها وكبيرها بالحياة الدنيا ليكون خاليا يوم العرض ...ومن منا بلا ذنب) حنن الله قلبه عليك والف بين قلبيكما وأصلح أحوالكما وآتاكي من أمرك رشدا |
اقتباس:
انا ما اغار من أمه وهو هذا وضعه من أيام الملكه انا بالعكس أحثه على زياره امه وتوصيلها لمشاوريها ويحبها كثر الدنيا كلها مهما كان هذي أمه لكن من الخطأ انه يقول لها عن كل تفاصيل مشاكلنا هي شي طبيعي راح ترا ان ولدها الصح وزوجته على خطأ مهما كان قلب الأم ... انا ما قلت لا تزورها ولا قلت لا تحبها ولا قلت لا تفضلها علي انا قلت اسرار بيتي ومشاكل لا تطلع برا البيت نهائياً انتي فاهمه خطأ |
اقتباس:
انتظر ردك ...... |
| الساعة الآن 07:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©