صغيري بدأ يتغير علي بشكل كبير...
 

السلام عليكم


ولد عمي بنفس الوقت ولد خالتي صغير عمره 3 سنوات ونص وهو البكر :26:

الله يحفظه.

ولدت فيه خالتي ومن اول يوم ولاده وهو بيديني لأني كنت طول فترة نفاسها انام عندها لأن جدتي ظروفها الصحيه ماتسمح لها كانت رجلها تعبانه .. عسى الله يحفظها لنا ويسعدها ويطول عمرها يــارب

تعلقت بالولد بشكل مو طبيعي وكأنه ولدي لدرجة وقت النوم وهو بسريره كل شوي اقوم اطالعه واشوف نبضه .. اخاف يصير له شي .. واحيانا اضطر انام على الكنبه واحط سريره جنبي واغفي شوي واطالع قلبه شوي :15:

حتى امه طبعا بس لأنها مسكينه كانت تعبانه اقوى شي

انتهى وقت نفاسها وكلمالي اتعلق بالولد ولا اقدر افارقه دقيقه وحده

كبر الولد شوي وخالتي خلصت اجازتها هي معلمه ماشاءالله
المهم انا افزع الصبح واروح بيتها عند ولدها لأنها قالت تبي توديه كل صبح بيت جدتي..

قلت لا انا موجوده هذا ولدي وجدتي مسكينه مو مجبوره تقوم الصبح وهي تعبانه رغم انها هي اللي تبيه يجيها

المهم صرت كل يوم الصبح اروح عنده..طبعا البيت فاضي بس انا وهو والشغاله حقتنا اجيبها

وانا اللي اغير له والبسه واسبحه وانومه
ولين تجي الظهر اروح بيتنا...
كانت تزعل وتتضايق اني اجي واتعب نفسي كل يوم

بس كانت رغبتي انا..لأني مستحيل ارتاح في بيتنا وعصفوري بعيد

كبر عصفوري وصار عمره 3 سنين ونص والحمدلله يناديني ماما فلانه بدون مااحد علمه
وكل يوم لازم نشوف بعض يا اجيه يايجيني لبقى قلبه
وماشاءالله مربيته مع خالتي وعمي ههه مثل الأم بالضبط


افترقت عنه لأول مره مدة شهر تقريبا لظروف طارئه
اتصلت بيتهم الصبح رد علي الولد ويسمع صوتي ويموت صياح يبس من الصياح كأن احد قارصه
وطيران على بيتهم...
والا الولد متمزع تمزع من الصياح وخالتي ناشف دمها مو عارفه وشفيه وهو يصفع الاغراض ويركض ويكسر الدنيا ويصيح من قمة راسه

يوم جيت طبعا صار مهرجان عالمي..

المهم اخذته عندي بيتنا ينام عندي مده بسيطه بس كل يوم نروح بيتهم العصر

المهم هالفتره هذي انقطعت عنه مده اكثر من شهر بكثير
يوم شفته كان مايبيني خير شر
ولا حتى يطالعني
واذا حاولت امسكه يمد يده علي...ويشتم..ويلوح الجزم علي.بدون سبب ابد

ورحت بيتهم وكنت اسولف مع خالتي قام فتح باب الشقه كله وقال يلا برى.....

الحين صار لنا وقت مو مندمج معي مدري ليه..

قولوا لي وش اسوي معه عشان ارجع عصفوري زي اول..
بتقولون اني تافهه بس بدون مبالغه الطفل هذا مكانته بقلبي ماتنوصف ابد
وقلبي معورني لأني ماتعودت افارقه ولا يوم




-------

أختي

نفسية الطفل ( عصفورك :) ) تأثرت بإبتعادك عنه : (
إذا نحن الكبار تعلقنا بشخص ، نتعبب إذا ابتعد عننا ، فكيف الطفل ؟

تراه يفهم و يحس و هو زعلااااااااااااااااااااااااااااااااااااااااااااااا ااااااااان منك
حاولي حتى إذا غبتي عنه ، تتواصلي معه بالنت أو تلفون بس لا تقطعيه حرام

ترى عمره قد عمر ولدي بالضببببببببببببط و هو البكر :)
ربي يخليكم لبعض و ليت عندي بنت أخت مثلك بس كلهم لسى صغنونات :D

تصدقي ؟بنت أختي أكبر من ولدي بـ 7 سنوات تموت على ولدي ؟
حتى أقول لأختي ، خلاص بنتك صار لها أخ و سند مع أخوانها إن شاء الله :)


جيبي له هدايا ، عوضيه عن الفترة اللي غبتي فيها و لا تزعلي منه
هو متأثر لإنك بعدتي عنه

مرحبا وخيتي / صبحك الله بالخيرات والمسرات..

صدقتي وواضح انه زعلان

جبت له هدايا وسبورة حلوه والعاب سبايدر مان
بس ماش..ماحولك احد

الله يخلي لك بنات اختك
اصبري راح يكبرون ويشيلون عيالك

يلا ان شاءالله...انا ناويه اذا الله احانا...ازوجه بنتي حتى لو غصب المهم مااتغطى عنه :15:


قلت باخذه الألعاب بس مو راضي حتى يشوف وجهي :(
الله يعين قلبي بس مدري وشلون بس اخليه يروح الالعاب معي والعبه

انتي ارجعي حاولي تقربي له شوي شوي كل يوم روحي عنده وجيبي اشياء هو يحبها ومع الوقت بيرجع يتعلق فيكي بس تقدري تقولي هو انصدم انو غبتي عنه فجأة هو مايعرف انو عندك ظروف وهالاشياء
هو يعتبرها انك ماعدتي تحبيه فانتي شوي شوي معاه وان شاء الله بيرجع مثل ماكان
ربي يحفظه لك ويخليه

ماشاء الله عليك ( حنونه ) ..

.. عصفورك زعلان منك وبقوة ..

.. لانه فتره شهر كبيرة بالنسبه لطفل ..

لذلك .. حاولي وحاولي .. ولا تيئسين ..

.. زوريه قد ما تقدري ..

.. جيبي له اشياء يحبهاا .. مثل العاب .. حلويات .. ملابس ..

.. وشوي شوي .. راح يرجع عصفورك لعشك ..

.. وكمان لازم خالتك تكلمه عنك ..

.. ولازم توصلي لعصفورك انك انتي بعد زعلتي لانك بعدتي عنه !!

..

الله يرزقك زوج صالح .. واطفال عصافير مثل عصفورك ..

السلام عليكم الله يالف بين قلوبكم الموقف هذا صارلي مع ولدي الثاني عمره سنه وثمان شهور وانا كنت والده بالمستشفى ولما طلعت وماصدقت اني طلعت عشان اشوفه من كثر شوقي له طبعا كان عند جدته اللي هي ام زوجي واخذته معاي البيت وكل ماناديته ياحبيبي تعال خل اضمك وابوسك يطالعني بنص نظره تخيلوا الشكل طوله 3 اشبار ويخز بس يجنننننن احاول امسكه يقوم يوخر ايده عني وبعدها حسيت اني غريييييييييبه عنه والله حزنت بس مرت حوالي 4ساعات نام فيها الرجال الصغير ولما صحي جاء وجلس معاي ماكانه صار شئ وبعدها ارتحت وزال خوفي يعني والله العالم مسالتك مع عصفورك هي مسالة وقت وظلي توددي له راح يرجعلك خصوصا وانك له مثل الام ماشاء الله عليك
موفقه ياختي

ههههه احرجتوني

الله يسعدكم


ابشركم ماشاءالله تبارك الله رجع لي عصفوري :)


رحت له من الاربعاء الى الأحد..والحمدلله .. وهـ ياناس بغيت اموت
بس المشكله يوم جيت بطلع من بيتهم سوى زلزال لين رجعت انتظرنا ينام وطلعت
ههههههههههههه


تسلمووون