|
هل بدأت تخجل من ذكر عمرك !!
السلام عليكم ورحمة الله وبركاته
سؤالي لكم يامتزوجين :d 1-متى أحسستي أنك بدأتي تخجلين أو تكرهين ذكر عمرك أمام زوجك وأصبحتي تحاولين أن تتناسي هذا الرقم الذي وصلتي له ولو سنحت لك الفرصه بانقاصه لاتترددين في ذلك ;)؟؟!! 2-هل سبق وأحسستي أن زوجك يمر بهذا الشعور الذي ذكرته سابقاً وماكانت ردة فعلك ؟؟ نفس الأسئله لك أيها الزوج أرحب بكل المشاركات من كل الفئات وشكراً:d |
والله صراحة موضوعك يخوف ... أجل كل سنة راح يزيد الخجل من العمر على كذا والى متى !
أنا أعتقد إذا بيكون زوجها أكبر منها بما لايقل عن 5 سنوات .. ان شاء الله ماراح تخجل من عمرها لان راح يظل ينظر لها على انها صغيرة .. وخصوصاً اذا كانت من النوع اللي مايبين عليها العمر يعني من حيث الملامح والجسم والعناية والاهتمام والطبع وكل شي .... لان في بعضهن تظلم نفسها بقلة الاهتمام واللي يشوفها يعطيها اكبر من عمرها ... بس مهما كان يظل " العمـــــــــــر " يشكل عقدة عند المرأة |
بين عمري وعمر زوجي ( الله يطول بعمره ع طاعته ) 5 سنوات .. يعني ماانحرج >> لسى صغيره اللي بعمري ماتزوجن .. لمى اتكلم لزوجي عن عمره اقول شيبت خخ يقوول زين عشان الشايب لازم يتزوج .. اضطر اسكت واغير الموضوع .. |
أنا أشوفه بالنسبه لي عادي خصوصا إنه الفارق بيننا كبير شويه هوعمره خمسه وأربعين سنه وأنا إثنين وثلاثين سنه بس أشوفه عادي لازوجي ولا أنا فكرنا بالعمربس بالنسبه للمرأه أشوف إن فيه مشكله بالعمرلووصلت سن اليأس والرجال حتى لوعمره ثمانين قادر علا العطاء والخلفه عكس المرأه ماتشوفين إن بعض الناس يشجع التعدد وحجتهم إن المرأه مجردماتصل سن الخمسين خلاص إنتهى تاريخ الصلاحيه وإن الرجل لازم يتزوج علشان يبغى يجددشبابه ويبغى عيال مادرى إن أول طفل له يجيبه
بعد سن الستين بيقوله ياجدو بدل يابوي مسألة العمر حساسه شويه حتى عند الرجال أذكر مره صار معي موقف كنت حامل بأول طفل لي ورحت مراجعه عياده خاصه عند دكتوره ودخلنا أنا وزوجي عند الدكتوره فقالت الدكتوره لزوجي ياحج دي بنتك فردعليها بنرفزه لا هاذي زوجتي وكشفت عليه وطلعنامن عندها قال لي في السياره هذا العياده آخر مره نجيها قلت له ليش قال الدكتوره هاذي فاضيه ماعندها سالفه وش دخلها تسألني ذاك السؤال الغبي لوكنت بنتي ليش أدخل معاك غرفة الكشف وهو دخل الرجال معايه بيسألها عن جنس الجنين طفش وطلع حتى ماعاد سأل بس الدكتوره شافت الرجال ملتحي وشكل جسمه كبير وفي لحيته حبه حبه شيب فحسبته أبوي حتى لحد الآن لوجاب طاري الأعمار وعلق علا شئ أقوله تذكر العياده الفلانيه والدكتوره فلانه وجهه يصير الوان ويغير السالفه علا طول خلاص ينساها مشكوره أختي علا الموضوع والله إنك فله الله يسعدك. |
خطيبي اكبر مني ب 12 سنه فأكيد بالمستقبل مارح اخجل
بالنسبة لامي مثلا كمان بينها وبين بابا عشر سنوات وماتخجل وعن نفسي احس هالموضوع عادي والشيب ينصبغ ونشد الوجه شويتين ويمشي الحال :d |
انا بصراحة بديت اخجل من عمري او ساعات اندم اقوله صح زوجي اكبر مني , لكن امام النساء ذكر العمر امر مختلف لان تصير مواقف مضحكة.كل ما تجي وحدة تذكر عمرها تصغره سنة او تحسبه بالميلادي:22: و انا اقول عمري الحقيقي فالفارق سبحان الله يتقلص كل سنة هم يظلوا على نفس العمر و انا اكبر:24: حتى اذكر ان ولد حماتي اصغر مني بشهور و لسة ما تزوج منذ عامين كانت تقول حماتي ان فرق العمر بيني و بينه سنة و ا لعام الماضي صار فرق العمر سنة و نص ماشاء الله تبارك الله:30: |
لا أخجل من ذكر عمري,وبيني وبين زوجتي 6سنوات ولكني بعض الأحيان أقولها عجزتي فتعرف إن لي مآرب أخرى..:d:d
|
بين الازواج عادي يعرفون عمر بعض مافي مجال للف والدوران!!
لكن بعض الحريم العداد عندهم واقف !! انا بديت ماحب سالفة العمر !! لكن عندي حسبه جديده ترضي طموح المراه وهي عمر المراه يساوي العمر الحقيقي ناقص سنوات الطفوله والمراهقه!! يعني اللي عمرها 30 تنقص سنوات الطفوله 12 وسنوات المراهقه 8 .. 30 ناقص20 يساوي 10 يعني العمر الحقيقي لبنت ال30 هو 10 سنين وهكذا !!!!!!!!! |
أطول عشر سنوات بعمر المرأه , هي الفتره ما بين
28 الى 32 سنه :d تظل المرأه عشر سنوات عندما تُسئل عن عمرها , لا يتغير عمرها عن هذين الرقمين . وفجأة عندما تكبر , وتمضي هذه العشر سنوات يصبح عمرها :25: . . . . . . . . . . . . 35 سنه فقط :17: طبعا بعض النساء , وليس كلهن . |
اقتباس:
|
| الساعة الآن 09:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©