|
زوجي لا يهتم بنظافته و يشاهد افلام خليعة
السلام عليكم
. كيفكم احلى اعضاء بالدونيا ... . بدخل بالموضوع على طول .. انا متزوجه لي 3 شهور والحمدلله بس عندي مشكله اللي هي ( زوجي ) ابد مايهتم بنظافته :( اسنانه مايفرشها اظافره مايقصها شعره مايشيله ريحته كريهه :( وانا عكسه تمااما وربي عندي وسواس بالمنظقه الحساسه بان تكون نظيفه دايم وهو ولاا يفكر حتى ينظف نفسه والله مليت من هالحاله مثل مايبيني نظيفه انا بعد ابيه نظيف :( والشي اللي يقهر انه يعايرني بعض الاحيان :29: مثلا شاف شعر ... يقول ليش هنا فيه شعر وهي اصلا كلها شعرتين وهو عادي مايشيل شعره يقول رجولك وسيقانك عاديات جدا مايشوف رجوله وسيقانه ! اظافره تكسرت والله من كثر ماهي طويله ماايعرف شي اسمه قص اظافر يعني شي يقهر يدقق علي باشياء وهو مليان عيوب ولايشوف نفسه ...!!! وش الحل بالله اهديته هديه مجموعه عطورات وكريمات جسم من بدي شوب وللحين ع التسريحه وربي حتى مايدري وشي :( خلاص مليت كنت محتاره انزل الموضوع ولا لا بس توكلت على الله وابي حل الله يجزاكم خير مع العلم انه ماجيني كثير واحنا تونا متزوجين يجيني بالشهر 3 مرات بدون مبالغه ,,, حتى ايام شهر العسل :( وربي اني اهتم بنفسي اقولكم لدرجه الوسواس ريحتي دايم حلوة وانواع العطورات مو عطر واحد وزيوت وكريمات وكل بنت عندها هالشي ,, البس له كل يوم لبس وربي كل شي اسويه ابي اجذبه بس مافيه فايده مادري ليش يسوي كذا وهو لبسه فنيله وسروال وانواع القرف رحت واشتريت له كم بيجامه ولا فيه فايده انا ابي اعالج هالمشكله من البدايه مابيه يتعود علي بعدين .. وربي قرف مااتحمل كذا وفيه شي ثاني ... الابتوب حقه مليان افلام اباحيه :( مره ينرفزني هالشي مااقولكم انه كان اول يشوف انا كنت افكر ان السالفه قبل يعني قبل الزواج بس اكتشفت انها بعد الزواج وللحين يحمّل افلام وصور :( وقبل كم يوم كنّا نتفرج ع التي في وفيه فنانه قال شوفي شوفي مو كأن صدرها كابر ؟؟! اكيد مسويه عمليه تجميل قلت مادري < بكل هدوء وانا كنت اشيل الغدا قال الا شوفيها قلت ماادري وعليّت صوتي شوي قال الا اكيد مسويه قلت وانا وش دراني بصوووت عاالي لان سؤاله جدا غبي واللي نرفزني زياده تكرراره للسؤال يعني مايكفي انه سؤاله ماله داعي يكرر السؤال بعد وبالاخير عصّب يقول ليش تصارخين علي !!! نسى انه سأل سؤال سخيف ... :( ومن حقي اني ازعل بعد .. وربي تعبت عطوني حل ابيه يقطع هالعاده وربي افكر افرمت جهازه واحذف كل شي لانه اصلا مايدري اني اعرف هالشي يحسبني ماادري انه يشوف هالاشياء اناسااكته ولاواجهته الصراحه ....,,, دلوني الله يجزاكم خير |
تكلمي معه بكل صراحة و أريحية ..
السكوت ما منه فايدة .. اتركي الهدية على جنب .. لان مسألة تطنيشه لها تدل على اشياء كثيرة .. واضح ان زوجك زيادة على انه مو مهتم بموضوع النظافة الا انه ايضا لا يشعر بمدى اهميتها .. وما يتوجب على الادمي فعله في ذاته .. قولي له يا فلان .. خذ المقص قص اظافرك .. وش رايك احممك وشيلي له الشعر بالحمام .. ودي اشم هالعطر عليك .. ليش ساكتة ؟؟؟؟؟؟؟ ابي افهم .. اما بالنسبة للاباحية فهي ادمان .. وكثير تكلمنا عنها في هالمنتدى ممكن تستفيدين من المواضيع المطروحة في هالشأن ؛ |
قولي له...انا قرفانه منك...
اظافر طويله..ريحه وصخه كانك في كهف لبس سيء عدم اهتمام بالمشاعر ..وتتغزل بالبنات والفاسدات قدامي تحمل صور ومناظر خليعه ومطنشني يا إنك تعدل نفسك...او مع السلامه |
بالفعل مافيه زي المصارحة
اذا عايرك بشي انتهزي الفررصة مباشرة وقولي له : والله مادري مين اللي ماشال شعره له دهر !! دام هو صريح معاك ، انتي كمان كوني صريحة معاه الادب والاحترام ماينفع ويخليه يحس انك ساكتة وموافقة على كلامه |
الله يعينك برأي لكل شي حدود .. حقك انك تصارحيه ممكن الموضوع يكون صعب .. بس حاولي ماينفع تسكتي عن الموضوع لازم يعرف خطؤ ويتعامل معاه خوفي يكون طبعو بس الله يهديه ويسخره لكي مافي شي كثير على رب العالمين
أهم شي لاتسكتي عن الموضوع حاولي تسألي مختصه نفسيه ممكن تساعدك بطريقة التعامل معاه وكيف تقدري تواجهيه بعيوبو لأن مافي انسان يحب ويتقبل ان حد يعلق عليه وخصوصا هالنوع من العيوب المتعلقه بالنظافه والعادات السلوكيه ملاحظة : فكري ودوري حل بأسرع وقت وحاولي انك ماتتسرعي بخطوات حياتك معاه انتي في البدايه 3 شهور وأنتي على البر .......................... الله يقدملك الي فيه الخير |
الله يعينك ويقويك على الحل حاولي هالفترة ماتحملي الين تتضح لك ابعاد المشكله اصلا
انا برأيي انك طالما بالبداية لمحي له قولي له ايش رايك ندخل نتحمم سوا -- ولو استجاب قولي له يالله قد ايش مغري وانت متحمم والعطر دا مغري عليك مرة -- وترقبي التحسن -- اما ان كان ما في استجابة فا الله يعينك لازم تصارحيه انك تتضايقي لمن تشوفيه بها الحال اما عن مسالة الافلام الاباحية لو كنت مكانك افرمت الجهاز بدون علمه ولمن يكتشف شوفي ردة فعله كيف لوجا معصب وزعلان وثاير قولي له ايش في ممكن اقدر اساعدك مع اني مو كتير افهم للكمبيوتر بس احاول معك ولا تزعل واسحبي منه الهرجة حبة حبة بعدها ممكن تكلميه ___ ولو تكرر موقف الممثلة او مو قف يشبهه عالتلفاز اظهري انزعاجك بمنتهى الهدوء وابعدي عنه خليه يحس وبعدها قولي له لو سمحت انا اتضايق جدا من هالشي انت كدة تجرحني وانا اعتبر دي الحركة عدم احترام لي بغض النظر عن ان دا اللي انت بتشوفه حــــــرام ومايجوز |
اعوذ بالله وساخه جسدبه ووساخه روحيه طيب سؤال هل يصلي في المسجد ؟ هل يشرب الخمر؟سؤال يعني كم مره ياخذ شور باليوم ّ؟ارجو الاجابه وعن الحمل اجليه حتى حل هذه المشكله
|
زوجك هاذا شين وقوي عين أنت أول شئ خذي القصاص وقصي أظافره ظفر ظفر وبعدين حاولي إنك تشيلين له الشعر صدقيني زوجك يحتاج إهتمام منك لأنه شكله متعود وهو عزابي مايهتم بنظافته زين لمحي له عن موضوع النظافه بين الزوجين بعدين يمكن يتعود وينظف نفسه لوشفتي مافيه فايده أمسكيه وتفاهمي معاه قولي له ترى وضعك ماهوعاجبني نظف نفسك زي الأوادم من القرف إللي أنت فيه ولا لي معاك كلام ثاني صراحه يا أختي معاك حق خصوصا الأماكن الحساسه لوكثر بها الشعر تسبب بكتيرياوإلتهابات ويمكن يسبب لك عدوى بعد وبالنسبه للأفلام والصور إنصحيه يتركها بس أختي زوجك كيف صلاته وتدينه لوكان صاحب صلاة إن شا ءالله ينصلح حاله بس يبغى منك صبر ومثابره وإجتهاد في إصلاحه إنت لكم ثلاثه شهور يعني مالكم فتره طويله
متزوجين وتراك إذا ماخليته يعدل وضعه من الحين مع الوقت ماراح يتعدل لأنه بيتعود علا كلامك ومعاد يهتم بشئ من نظافه أو خرابيط ثانيه أنا ماأدري الرجل هاذا إذا كان عنده زوجه تعفه عن الحرام وتعطيه إللي يبغى وش حقه يدور أفلام ويتفرج عليها وهو عنده أطهر وأشرف زوجه ما أدري وش عاجبه في هالقذاره وهاالوحل الفاسقين المنحرفين وهو عنده كل شئ بالحلال وعلى الطبيعه أنا ما أشوف إلا هالنوعيه من الرجاجيل مرضى نفسين عايشين بأوهام وخيال وعندهم نقص في ذاتهم وبمشاهدتهم تلك الأشياء يحسون إنهم سدوا النقص إللي فيهم مايدرون إنهم كسبوا أثام وتكتب عليهم معاصي لاحول ولاقوة إلا بالله أعانك الله يا أختي علا هاذا الزوج ونسأل الله له الهدايه والصلاح في كل أموره . |
زوجك هذا يذكرني بواحد كان ساكن في الصحراء وتزوج زوجته من سكان المدينه بس زوجته قدرت عليه باسلوبها وحكمتها لحد ماغيرت اللوك حقه كامل وصار الحين يقول لها ماتوقعت اني ابكون وسيم لها الدرجه بعد التعديلات والتحسينات اللي سوتها له من عطورات وتنظيف اسنان وملابس داخليه وجزم اكرمكم الله وصار من مرتادي صوالين الحلاقه ومغاسل الملابس ودوام الحال من المحال وحاولي اختي مع زوجك بااسلوبك وبحكمتك وعقلك لان الرجال اكثر شي يضايقهم فرض الشي عليهم فرض الزامي ولو كانوا مخطئين فانهم سيكابرون وخصوصا من زوجاتهم0
اما بالنسبه للمقاطع والافلام الاباحيه فعليكي تذكيره بعقوبتها من الله سبحانه وتعالى وانها معصيه وانكي تكرهين هذا التصرف منه وعسى الله ان يرده الى طريق الصواب0 |
لاازيد ع كلام الاخوان والاخوات ماقصروا ولكن
اقول لايوجد افضل من الصراحه باسلوب لائق يتقبله اي شخص ... او انتي باسلوبك ومنها شؤية دلع مثلا تعطرينه تحطين له لوشن مثلا يطلع من البيت وبيرجع واذا فسخ ملابسه فقولي له البس هلبجامه وتغنجي وترجي بدلع واذا لبسها سؤي وبيني اعجابك به وااااااو تجنن فتنتني ووووووالخ وعن الحلاقه قؤلي له حبيبي لي طلب صغنون ولكن خايفه تزعل بيقول وش؟؟ قولي ودي استحم انا وانت ونتي وشطارتك شيلي له وقلي من اليوم ابيك مع كل تروشيه تشيل شعر جسمك لان شكلك مره تجنن وحلو وتقربي انتي له وبيني اعجابك طبعا لاتقولينها الا بعد ماتشيلين له العطور خليها قريبه منك بلطاوله اللي بجانب السرير واذا صرتوا بلسرير خذي بيدك وقول مشتهيه اشمك بهلعطر او بهلشوشن تسمح حبي وحطي اصلن قبل ميرد وحطيه باسلوب حنون ورومانسي وخليك كذا الى ان يتعود وقص اظافره اجلسي بلقرب منه وقصي انتي اظافرك واذا خلصتي فعطيعه المقص قولي خذ حبي قص اظافرك اذا قال بعدين فقؤلي لالالا مااحب تكون اظافرك طوووووال اجل انا بقص بيمل من كلامك بيقؤل لالا انا بقصها والله يعينك ع هلاساليب الى ان يتعود |
| الساعة الآن 01:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©