هل ابنتي طبيعيه ؟؟؟
 

السلام عليكم ورحمة الله وبركاته
والله ما ادري وش اقول بس بنتي عمرها 6 سنوات تدرس اولى ابتدائي واليوم كلموني المدرسه يقولون لازم تجين بكره نتفاهم معك لان فيه اولياء امور مشتكين على بنتك عنيفه مع عيالهم بالاضافه لانها لاتلتزم الادب بالفصل وكثيرة الحركه ولاتحترم المعلمه . وقالت المعلمه شوفي بنتك عالجيها يمكن عندها اضطراب كثرة الحركه . انا قلت لوالدها وقال البنت مافيها شي . بس انا الاحظ عليها ما تصبر ابد ولاتجلس لربع ساعه متواصله الا اذا كانت تلعب على الالعاب في النت او تتفرج على افلام كرتون
تحب تلعب مع الاولاد اكثر من البنات وتحب الالعاب اللي فيها ركض وملاحق . تنسى كثير. حنونه جدا ممكن موقف بسيط يبكيها ولو طلعت من البيت بدونها هي الوحيده من اخوانها تبكي وتقول ماما راح اشتاق لك .كلامها واضح واسلوبها حلو وذكيه ماشاء الله بس ثرثاره . وماعندها مشكله تتكلم مع احد اول مره تشوفه . ومن يوم كانت صغيره ماتخاف من الغرباء مثل باقي الاطفال . ارجوكم طمنوني هل فعلا بنتي عاديه بس مجرد انها ملقوفه وعنيده . او فعلا تعاني من اضطراب ما ؟؟؟


فضلاً لاحظ، على الرغم من عدم ظهور أزرار الكود و الابتسامة، فإنها لا تزال قابلة للإستعمال

عزيزتي انا ما بغي اخوفك بس مره حضرت محاضره للاخصائيه سميره الغامدي

وهي اخصائيه نفسيه تقول الام اذا شافت ان ولدها كثير الحركه عن معدل الاطفال الباقين لازم تعرضه علي اخصائي

لان ممكن يكون عندها فرط حركه تصير تاخذ علاج

لالا انا بنتي تقتيربا مثل بنتك عادي والله
الرياضة هي الحل
هكذا نصحوني عليها ممارسة العاب رياضية سجليها وسوف تلاحظين الفرق
ربنا يخلهالك ويحفضها من كل سوء

أعتقد أنه شيء طبيعي أنا بنت أخي كانت كذا ومرة كتبت في هذا المنتدى عنها والحمد لله أفادوني الاعضاء كثير الله يجزاهم خير

الظاهر أن بنتك ما شاء الله عندها طاقة وعشان كذا فرغي طاقتها في اللعب وأشغليها في أشياء كثيرة
وفي المدرسة أطلبي من مدرستها أعطائها شيء أو حتى أن تعطيها شيء قيادي أو أن تخليها تساعدها في حاجه مثل أنها تكون مسؤولة عن الفصل أو عن ترتيبه شيء زي كذا.

الله يحفظها ويقر عينك فيها.

لازم تخليها تطلع حركتها وطاقتها بشي مفيد مثلا توديها نادي او شي مثل كذا
الله يخليلك ياها

جزاكم الله خير على تفاعلكم هي ذكيه ماشاء الله عليها , بس عنيفه مع الاطفال وما عندها مشكله تضرب احد حتى لو صغير .
وبالنسبه لتحصيلها الدراسي فهي ممتازه وتحفظ دروسها . وتقلد اللي يكتب قدامها ببراعه . وتحب الرسم جدا وترسم بشكل رائع جدا .

وبالنسبه للضرب فاني اضطر احيانا لضربها ليس بالضرب المبرح . لكنه ضرب وغصب عني والله .