منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المقبلين على الزواج (http://www.66n.com/forums/forumdisplay.php?f=7)
-   -   احترت كيف أعامل خطيبي (زوجي) (http://www.66n.com/forums/showthread.php?t=215422)

سمو إنسانه 25-10-2010 02:11 AM

احترت كيف أعامل خطيبي (زوجي)
 
السلام عليكم ورحمة الله وبركاته
الله يخليكم انا محتاجه لمساعدتي كيف أتعامل مع خطيبي
أنا من يوم ملكت مايسأل عني ولا كأنه مرتبط بوحده مايدق علي إلا في الأسبوع مره كيفكم وش أخباركم نفس المواضيع في كل مكالمه حتى كلمة حبيبتي بخل فيها علي والله ماقال حبيبتي إلا في أول مكالمتين بعدها ماعاد سمعتها منه هذي السالفه مشيناها وقلنا يمكن الرجال مشغول بعدين كلمني يقولي ليش ماأكلمه ولا أرسله قلتله أخاف أزعجك وضغطت على نفسي وصرت أرسله بس مايرد فتركته ماعاد أرسلتله موكذا وبس بعد فتره أكتشفت أنه يدخن والله بغيت أنجن لانا بصراحه عايشين في بيئه محافضه وقلتله ليش ما قلتلي قال ماتعودنا على بعض عشان أقولك ساعديني أتركه وقمت أرسله رسايل أدعيله فيها وأحثه على التوسل لله والاستغفار ومايرد علي فتركته وأدق ومايرد إلا اليوم الثاني وكأنه بس يجاملني أنا ابغاه يترك الدخان ومهمومه أكثر شئ منه أنا مادقيت عليه وراسلته إلا لما طلب مني ليش يحسسني إني قطة وجه مع أني ماأرسله إلا رساله وحده تقريبا بالأسبو ع وماأزعجه بالمكالمات ماأدق عليه إلا لما يكون تعبان أوموضوع ضروري ومو كذا بس كل يوم يقول بجي عندك ومايجي وأتجهز وبالأخير وربي حتى مايعتذر عن جيته يتركني ولافكر له شهر وهو يأجل في جيته مع العلم لي شهرين مملكه ولازارني ولامره مع أن بيتهم قريبه من بيتنا والله تعبت وش مستقبلي مع هالبارد مافيه إحساس المملكين ولا حتى يحن أن البنت تبغى أحد يجاريها حتى تتجرى عليه وأنا آستحي ماأقدر أتكلم معاه لأنه مايكلمني كثير والله يوم الملكه أني أرتجف من الحياء
الله يسعدكم وش أسوي تعبت وماأدري وش الحل معاه اااااااااه ليتني ماملكت وأرتحت من وجع الراس

عاشقة الغالي 25-10-2010 02:34 AM

اختي يوم الملكة لما شفتو بعض حيتي متلهف مبسوط ؟ ولا كان مبين في شي مدايقه
هل من عادتهم هم يكلمو خطيباتهم ولالا لان في ناس ماتؤيد المكالمات وقت الخطبة
اذا اخواته انتي صحبة معهم كلميهم وافهمي منهم يمكن يفيدوكي

ذكريات لاتغيب 25-10-2010 02:49 AM

هل شافك قبل الملكه؟ يعني رؤوية شرعية

يقربلك وإلا لا؟

كم عمرك وكم عمره؟

سمو إنسانه 25-10-2010 03:44 AM

أختي عاشقة الغالي
كان مبسوط والنظره الشرعية لما دخلت يقول ماشاء الله ويكررها ويقول لأبوي الله يخليها لكم وبحفضها وفي التحاليل كان عنده مرض بسيط بس رضيت فيه عن إستخاره وقناعه وكان متكدر يوم الملكة وتقول امه انه انصدم بالمرض وخاف ارفضه بس حبيبتي لما سوينا عشاء للملكه بقاعه كان حيل مبسوط حتى يراكض لين وصل غرفتي كلن لاحض فيه وفي التصوير يقول حبيبتي لاتخافين ولاتستحين أنازوجك
بس ماأدري عن سالفة فكرتهم عن المكالمات وكل أخواته ماأعرفهم أكبرمني ومتزوجات

سمو إنسانه 25-10-2010 03:49 AM

أما عن أسئلة أختي ذكريات لاتغيب
شافني بس مايقرب لي من جماعتنا أما فارق السن هو أكبر مني ب6سنوات

جمااال الروح 25-10-2010 03:55 AM

أتوقع حبيبتي المرض أكيد مأثر على نفسيته.......

بس مافيها شي لو تصارحينه بسبب تصرفاته هذي وتعرفين منه كل حاجه تدور بذهنه قبل يطيح الفاس بالراس الله يوفقك ويسسسعدك ويقر عينك

سمو إنسانه 25-10-2010 04:07 AM

حبيبتي جمال الروح ماأتوقع أن المرض يخليه يسوي كذا طيب رضيت فيه وأنتهت السالفه وواضح من كلامه معاي انه عايش حياته ومو شاغله شئ أحس فيه برود
بصراحه حزنت لما قراءة توقيعك لأني دايم أحس أن الله مابيخيب ظني جزاك الله خيرا يالغاليه

كل الاسامي 25-10-2010 06:16 PM

اختي حزينه مبروووك الف مبروك ملكتك.. والله يوفقك ويهنيك

السالفه واضحه...زوجك كان يتصل ولما شافك ماتتصلين وسألك قلتي مابي ازعجك..هو يعتقد انك مسويه ثقل ...فصار ثقيل ...والدليل انك تدقين عليه اليوم...ومايرد الا بكره
والمسجات يطنشها

الحل يأختي خليه براحته...واذا دق عليك قولي لو سمحت عندي سؤال ليش تهمل اتصالاتي ومسجاتي انا زوجتك والمفروض تهتم فيني واحس بوجودك واهتمامك...كوني هادئه ورقيقه حتى يحن لك

اما تصرفاته انه يوعدك ومايجي لبيتكم ..قولي له لو سمحت مره ثانيه ماتكذب علي انا ماني طفله..وبيني له انك زعلانه وماخذه موقف من هالتصرف...
اكثري من الدعاء والأستغفار..
وبلغينا وش يصير معك
بنتابعك اول بأول شاء الله

والله يوفقك

سمو إنسانه 25-10-2010 06:59 PM

ياحبيبتي بعد عشاء الملكة باسبوعين فكر يكلمني وقالي ليش ماأكلمه يعني من البدايه ماكان في أهتمام مش أنه كان يكلم وبعدين ثقل ومره قلتله ليش قلتلي بتجي وماجيت كنت أنتظرك وقام يتعذر أعذار مالها داعي ولما قالي مره ثانيه بأجيك قال اللحين قلتلك عشان ماتقولين انتظرتك وكأنه يعاتبني ليش أقوله وعدتني وماجيت إنسان غريب وربي تعبت من تصرفاته حتى ماعاد اشتهي أكل شئ من الههم من اسلوبه الجاف والبارد

& نور دبي& 25-10-2010 07:07 PM

ولا تزعلي طنشيه


واذا اتصل يسأل ويعاتب لا تعيريه اهتمام انما بيني له انك مشغوله بأي شئ ثاني


واحيانا المدخنين يكون مزاجهم متقلب

وفي نفس الوقت لا تنسي جانب الدعاء فمفعوله عجيب

ادعوا الله ان يسخر لك زوجك ويصرف عنه وعن امه محمد صلي الله عليه وسلم الدخان


الساعة الآن 05:57 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©