|
بخصوص النفقة...
السلام عليكم ورحمة الله إخوتي الكرام احتاج مشورتكم في امر بجد محتارة فيه أنا مطلقة لي تقريبا 7 شهور وعندي 3 اولاد ربي يهديهم ويصلحهم طليقي مايصرف على اولاده وحتى مااكذب عليكم اول ماطلقني رسلهم 1200 ريال وبعدها مارسل شي ولما كلم الوالد عمي عشان مصروف الاولاد قال ولدي يقول ماراح يصرف إلا اذا بنتك رجعت له عفش البيت والأجهزة قاله كيف وهي واولادها قاعدين في بيتهم وهو اللي طلق بنتي ماطلبت وللأسف ولا رد في رمضان اعمامي ماعجبهم الوضع واتكلمو فيه وماادري اش صار لكن يوم 20 رمضان اعطى مصروف 3000 ريال والان رجع مايصرف ولا يرسل لهم شي ............انا قررت ارفع عليه قضية نفقة لأن من حق اولادي وابوهم راتبه ممتاز وعايش مع اهله اللي وقفني ابوية الله يطول بعمره قال انا قصرت عليكي انتي واولادك بشي قلت لا والله اننا في نعمه واحسن من اول قال خلاص اتركيه لله وبلاش محاكم هاذي من شيم الرجال وهذا يدل على اصله سواء صرف او ما صرف والله بيحاسبه وكلكم راعي وكلكم مسئول عن رعيته سكتت وما جادلته بس مااقتنعت ,,,,والله يا جماعة الخير ابوية مكفيني ومو مقصر ويعلم الله انه هو وأمي يشتروا لأولادي كل شي وكل شهر ياخذوني اشتري مقاضي البيت غير الاشياء الثانية بس انا احن على اهلي الى متى وهم يشيلو كل شي خاصة انه الوالد الله يحفظه يبني بيته الجديد ابغى اشيل عنه الحمل وابغى اساعده حاولت اتوظف بس مالقيت رغم اني معاية بكالوريس بس لازم شهادة حاسب وانجليزي والان بيدفع لي حق معهد وهذاك مرتاح في بيت اهله بس يجي ياخذ اولاده زيارة لبيت جدهم ويرجعهم بس اب بالإسم قولولي هل اسكت واتركه لله ولا اطالب بحق اولادي ؟ هل اقدر اروح المحكمة بنفسي بدون الوالد ......ابوية يمكن مايبغى مشاكل عشان القرابة بينا وبينهم اتمنى تنوروني وتساعدوني جزاكم الله كل خير |
المحكمه لازم محرم معاك
ثاني شي يمكن لو رفعتي قضيه ياخذ اولادك منك ويحرق قلبك اذا منتي محتاجه لمصروفه اتركيه ربي بياخذ حقكم احسن |
اختي اذا عيالك اولاد ارفعي قضيه وانتي مغمضه لان الاولاد لامهم شرعا ويتخيرون - وعطي احد توكيل عشان يمشي امورك بدون ماتروحين للمحاكم اما اذا عندك بنات انصحك لاترفعين قضيه لحد مايطالب بالبنات لانك بتكونين مجمعه عليه نفقات السنين اللي راحت وبكذا راح يتنازل وهو مغمض والله ينصرك --
|
اقتباس:
كلامك نفس كلام الوالد انا مومحتاجة شي والله بس هذا حق اولاده وربي بياخذ لهم حقهم بإذنه تعالى والحمدلله انهم اولاد وماعندي بنات هذا بفضله سبحانه بيكبرو وبيعرفو وبيفهمو كل شي تسلمي حبيبتي على ردك وجزاكي الله كل خير |
اقتباس:
الله يطمنك حبيبتي والحمدلله انهم أولاد دعواتك ربي ينصر هالأطفال اللي مالهم ذنب شكرا لكي ماقصرتي على افادتك لي جزاكي الله كل خير |
لابد ان تضغطي على والدك ليرفع قضية فهذا حق من حقوق ابناءك الكثيره عليه.. سبحان الله انا استغرب من اشباه الرجال كيف يهناله النوم وهو مقصر في حق عياله.. |
عزيزتي ..
أرى إنك تطالبين بالنفقة بعيدا عن مفهوم >>> أخاف ياخذ عيالي لأن ما دامك ما تزوجت أنت أحق بهم !! وبعيدا عن >>> لا نريد مشاكل ومحاكم واحنا عيال عم (لم أتمنى إلا أني رفعت القضية على طليقي قبل سنوات لكن قدر الله وما شاء فعل ) لكن الأهم : إنك تحاولين بطريق سلمي يحول النفقة شهريا وإذا ما نفع ارفعي قضية .. وعلى فكرة نفقة الأب على أبنائه تعزز قيمته هو عند أبنائه وما له داعي يسمعون لكبروا (ما صرف عليكم إلا خوالكم ..) وبالنسبة للمحكمة ما تدخلينها إلا بمحرم ولو دخلتيها مار اح يلقونك وجه بدون محرم .. عطي وكالة لأحد محارمك عشان ما تعبين الوالد .. والله يحفظ لك أبنائك وأهلك ويسعدك .. |
| الساعة الآن 02:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©