|
أخجل من مخاطبة خطيبي بالكلام المعسول
بسم الله الرحمن الرحيم صباح ,,مساء الخير أدخل في الموضوع على طول وابي رأيكم مشكورين أنا مملكه ليا تقريبا عشره شهور والحمدلله الحياه بيننا حلوووه ومايعكرها شئ لا مشاكل ولا غيرو الله يديمها علينا ياااارب ...... بس انا فيني مشكله انو ولا مرا قد قلتلوه حبيبي أو حياتي من هدي الكلمات الا اذا طلب وبالقوه تطلع مني مدري اش السبب رغم اني اسمع منوو الكلام هدا كل مكالمه حتى صرت استحي من نفسي ليش مااتكلم زي كدا رغم اني اموووت فيه بس امكن عشان انا حاطه في بااالي اني استحي اقولوا كلام زي كدا مدري حاولت كثير اقوول بس برضوا مااقدر استحي مو راضيه تطلع مني الكلمات بس في اي شئ ثاني عااادي بالعكس احس نفسي جريئه ابغى حل طفشت من نفسي مشكوووووورين :17: |
انا كنت متلك لما انخطبت كنت استحي وكان هو يقولي نفسي اسمع وبعدين والله طفش مني وماعاد يطلع
وبدا يتغير شوي بس فعلا كنت استحي منو بس صرت اجرب شوي شوي لحد ماقدرت اقول كم كلمة ومعلقة عليهم انتي لاتحطي ببالك انك تستحي هذا زوجك وصدقيني تعودي قولي له احسن مايطفش وياغير بعدين تصيري تدوري حل عشان يرجع مثل ماكان ربي يسعدك ويوفقك |
الله يوفقك يا رب ويجمع بينكم بخير ..... وضعك طبيعي مثل كل البناااااااااااات .... أنا خطيبتي مثلك بالضبط وياااااااااااااااااااااااااا الله أطلع منها الكلمه ..... بس نصيحتي لك تعودي على شان خطيبك لأن الواحد منا يا الرجال يحب المرأة اللي تغذي رووووووووووحه قبل جسده وتشبعه عااااااااااااااااااااطفياً ...... ولا تنسين ترى الواحد اذا طول مع خطيبته ولا سمع منها هالكلام يبدأ يشك انها ما تحبه وبعض الرجال ما يدري ان هذا طبع معضم البنات وبعضهم يغير راااااايه على شان كذا واذا تملك بزوجه ثانيه تفاجئ ان الوضع نفسه وهذا اللي صاير لمعضم الرجال العااااااااااطفيين ...... تعودي شوي شوي وابدي بالرسايل اللي تطلع من القلب وحطي في بالك ان عندك القدره وأكبر بعد-بإذن الله- والله يوفقك ويسعدك ياااااااااااااااااااااااااااااارب ....... |
أختي الغالية أنصحك تستمرين حلاتها بعد الزواج لكن بالرسايل قولي الي تبين من الكلام الحلو
لأن بعض الرجال هداهم الله لو تكلمتي بكلام حلو وبكل جرأه قال أنك متعوده ولا تغازلين والله يديم السعاده بينكم |
انصحك تعبري عن الي بقلبك في الرسائل
في الرسائل الواحد يقد يعبر عن الي في قلبه اكثر من الكلام الله يوفقك اختي ^_^ |
ربي يوفقكم انتوا كمان انا الحمدلله في الرسايل مو مقصره معاه ابدا وهو يقولي ياليتك في المكالمه زي الرسايل بس ان شاء الله أحاااول بقدر استطاعتي وفي الحد المعقوول مشكوورين على كلامكم الحلو |
ههه اكيد حال اغلب البنات بأول االخطبة
بس انتي بتقولي انو الك 10 شهور ! وبتحبيه ! وحياتكم ما شا الله عليكم حلوة ف انو شو بيمنع تحكي ؟ واكيد ازا بتحبيه الكلام الحلو بيطلع لحاله ولازم تعتبريه نصك التاني الي لازم ما تستحيي او تخجلي منو وصدقيني بيحبك اكتر لو حس عليكي تغيير .. بقصد انك بطلتي تخجلي منو اهم اشي يكون الحكي طالع من قلبك ومن جواتك والله يوفقك يا رب ويسعدك |
أنصحك عطيه من الكلام الحلو هو صح بالبدايه تستحين بس عودي نفسك أنك تكونين جريئه معه لأنك بهطريقه بتسعدينه وبتتعودين ان شاءالله دامه هو نصفك الثاني وبتوفيق ان شاءالله,,.. |
| الساعة الآن 08:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©