|
مارأيكم في تصرفات زوجي؟وبماذا تنصحوني؟
السلام عليكم بصراحة انا ماعندي مشكلة بس ابغى رأيكم في الموضوع انا الان حامل واتوحم ووحمي مررررررررررره تعب ومووووت يعني تنويم وضيق واكره كل الروائح من عطور وطبخ الخ وارجع كل شي اكل او شرب المشكله الكبيرة اني اسيب بيتي واخذ قشي وعيالي واروح لاهلي شهرين ثلاثة لين اخف وكل حمل يقول زوجي ما عد ابغى عيال اذا بتموتي كذا وهذي المره حملت بدون قصد كنت اترجاه اخذ مانع لولب او حبوب يصرخ ويقول ماللك صلاح انا مرتاح بالعزل هو خايف علي من الموانع مع اني كنت اخذها قبل ولما اكتشفت اني حامل وبنتي صغييييييييرة قال والله انا واثق من نفسي بس عاد مدري كيف جاء اذا تبغي تنزليه بكيفك عشان ماتتعبي طبعا انا رفضت وصبرت بس من يوم حملت ومعاملته زفت "الله يكرمكم"مايتصل ولا يجي والبيت قريب مره ولا يسألني اش قالت الدكتورة ولا يدخل معاي المستشفى ولا شي واخر مره تعبت خلاااااااااااااص معد امشي الا بالقوة قلت له وديني المستشفى وركبت السياره ومشينا انا كنت راميه الطرحة على وجهي والله مدري كيف امشي قال وين النقاب قلت مدري ضاع "معد ادري بشي امي تاكلني وتنتبه لعيالي وربي يعلم بحالتي "راح رجع بيت اهلي وقال انزلي ماني موديك مستشفى ولا شي لما تلاقي النقاب يصير خير نزلت وانا ساكته ورجع ابوي وداني وعطوني مغذي وابر وهو ولايدري وطلبت منه فاكهة مارضي يجيبها وكل ماطلبت شي يقول مافيني حيل قاعد عند امه ينام ويخرج مع الشباب انا اتصل واسأل عنه انقلبت الايه بس عشان عيالي والله ولما اقول يمكن السبب اني برا البيت وارجع مايجي البيت يستمر ينام عند امه وياكل عندها وهي مبسوطة تقول تدلع مافيهاتعب اقوم ارجع عند اهلي ماادري اش رايكم في تصرفه؟؟؟؟؟؟؟ وهل تنصحوني ارجع بيتي وانا بذي الحاله مع العلم اني كاااااااااااااارهه ارجع ماابغى اشوف حتى وجهه لين الله يفرجها؟؟؟؟ |
الله يفرجها عليك في الدنيا والآخرة
والله أنها مشكلة لكن برأئي تحاولي تكوني جالسة عند أهلك الى أن ياتي موعد ولادتك وحاولي أن تستميلي قلبه ويكون راضي عنك |
والله اني ارسله "اتمنى تكون مقدر وضعي وهذا شي غصبا عني واهم شي رضاك تكون راضي عني "وبعدها اجلس ابكي لاني مقتنعة انه غلطان واني مظلومه بس اقول كذا عشان مايقسى زيااااااادة
|
الله يعينك ويساعدك
نصيحتي استميليه بالكلام الحلو ووطدي علاقتك مع أمه لأن هي راح تنصفك إذا كنت معها وتصبره بغيابك وتقوله إن هذا الشئ غصب عنك الله يسهل لك ويرزقك الصالح |
يااختي فيه ابر تزيل كل الوحم وتريحك انا اخت زوجي زيك بس صارت اذاحملت تاخذ ابرة والحمدلله ترجع عاديه لبيتها
|
فعلا تقربي لامه لانها بيدها كل شي الحين
ولو في فعلا ابر متل ماقالت الاخت خذيها ربي يخفف عنك |
اقتباس:
|
اقتباس:
اما عن النوم عند أمه فيا ستي خليه ينام عالأقل بالك مرتاح وبتعرفي هو نايم في مكان أمان ^_^ صحيح انه مو حلوة منها تستغل الوضع هيك والمفروض تعقله بس راحت او جت فهي حمااااااااااااااااااااتك واكيد فاهمه قصدي ^_^ فترة وتعدي وتولدي وتقومي بالسلامة وترجع المياه لمجاريها .. بس نصيحة اختي كافي حمل عن جدا حتى لا يتدمر زواجكم |
اولا زوجك عديم مسؤوليه وانسانيه لما قالك انزلي ومارضى يوديكي المستشفى وانتي في وضع يرثى له بسب النقاب علما انك كنت مغطيه وجهك اختي هذا الانسان تعود بمجرد انك تتعبي وتتركي البيت يتنصل من المسؤوليه ويعيش حياة العزابيه اول شيء ارجعي بيتك وتحملي ولا ترى لابتصفي على زوج ولا على شيء أرجعي بيتك فورا وبالتوفيق
|
لآلآ زوجك متوتر وممكن في احد لاعب على عقله من اصدقائه
او زهق من كثر ما ينصحك ويكلمك وانتي ماتسمعيله فاظن انك مو مقدره كلامه ولا تفهمين كلامه تعرفين عقول الرجال صغيره المهم انتي الحين لاتردين عليه كم يوم اذا اتصل عليك روحي غير نفسك روحي عدلي نفسه تكشخي روحي الصالون حطيلك مكياج وصبغي شعرك وحفي جسمك وضبطي حالك والبسي احلى لابس بس تكون جريئه وبعدين اشتري له هديه قولي له كلام خليه يحس انك تحبينه وتخافين عليه ودقي عليه او قولي العيال يبون يشفونك او اي شي قولي له كلميه بكلام حلو ودلع وبصوت خفيف وحركات بعدين فجيئه انك انتي لتبينه مو العيال صدقيني راح يتغير زوجك محتااج للرومانسيتك وحبك وهدؤك وبس انشا الله خير |
| الساعة الآن 07:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©