|
اهل الحسد خربو خطبتي
السلام عليكم ورحمة الله وبركاته
احببت ان اطرح لكم موضوعي وياليت تشاركوني وتعطوني رايكم قبل فترة تقدمت لخطبت ابنت عمي وبسرعة البرق انتشر الخبر بين جماعتي ابوها اول ماجيناه عطانا موافقته على الموضوع وقال باقي البنت عطوني اسبوع ورد لكم طبعا علاقتي بأعماي ليست قوية والسبب لوفاة ولدي رحمة الله وعيشي عند خوالي منذ صغري المهم البنت حسب الاخبار التي وصلتني انها موافقة مبدئياً وهي لاتعرفني زين حتى انها سألت عني كثير والحمدالله سمعتي زينة مر اسبوع ولم يصلني خبر بالموافقة او عدمه وستغربت من التأخير ومر الاسبوع الثاني وكانت المفأجاة رفض البنت لي..!!!!! بكل صراحة عندما وصلني الخبر قلت الحمدالله الخيرة فيما اختارة الله وطنشت الموضوع لكن الي يقهر ان بعد فترة طلعت الاسباب التي جعلت البنت ترفضني وهي مرت اخوي من ابوي طلعت عني كلام عندهم اني مريض نفسي وراعي مشاكل وراعي سفريات وماطلعت الكلام الى تبيني اخذ اختها ومن قوى الكلام الى طلع عني بعد مارفضتني البنت ..ذهبت بعدها بفترة للمحافظة التي يسكنون فيها اعمامي لزيارة صديق لي مسوي حادث وشافني واحد هناك وبعدها بكم يوم طلع علي كلام اني جاي خاطب من عمي الثاني :eek: والمضحك ان فية واحد من عيال عمي اتصل يسألني يقول الكلام صحيح ولا لا وتصل علي واحد ثاني يبارك لي على الخطبة :19: مالكم في الطويلة ياخواني انا طلعت لكم بعض الشي لو اقول كل شي والله ماراح تصدقون ابد انا بصراحة ابي البنت هذي بس اعناد فيهم وانا مقرر اني اخذ من برى جماعتي اذا ماخذت البنت هذي بس فية شي بنفسي يقول اني باخذها وكل ماجي بخطب من برى اهون اقول بتوافق بعدين ... علماً اني قبل ماخطبها مصلي صلاة الاستخارة اكثر من خمس مرات وجاني اندفاع غير طبيعي اني اخطبها ..اريد رائيكم انتظر او انسى كل شي |
وما هو المطلوب من الموضوع ؟
|
الله يوفقك واذا كان فيه نصيب والله بتاخذها -بإذن الله _ غصب عن اللي يرضا واللي ما يرضى ....
أنا أحد أقاربي خطب زووجته 3مراااات وبين كل مره ومره حوالي سنه وكان فيه نصيب واتزوجها بعد 3خطبات رسميه.... والحين هو -ولله الحمد -مرتاح ومبسووووط..... عليك بالدعا وعاود الخطبه مره ثانيه اذا كنت تبغى البنت ......... الله يوفقك ويقر عينك ياااااااااااااااااااااااااارب ........ |
اشكرك ابو حكيم على المرور
واشكرك ايضاً يأبو سمر على المرور كلامك صحيح وانا فكرت في هذا الشي لكن بصراحة احس اهانه لي اذا رحت ثاني مره خصوصا بعد الكلام الظلم الى صار لي ومحتاار ايش اسوي |
انت روح عند عمك وقوله الكلام الي طلعته عليك زوجة اخوك وبعدين وين اخوك عنها غريب
انت بس بين لعمك الي صار وان شاء الله خير |
الأخ الفاضل اوردغان
إذا كان الرفض تم بناءاً على الكلام الذي أشيع عنك , فهذا لا يعفي أهل خطيبتك من المسؤولية أيضاً , وكان يجب عليهم أن يتحروا المعلومات الصحيحه عنك , ولا يكتفوا بما وصلهم من زوجة أخيك , وهذه نقطه تسجل ضدهم , ولا تدل على حرصهم وإنصافهم تجاهك . وهذا الأمر وبصراحه لا يشجع على الزواج منهم ومصاهرتهم . أما إذا كان الرفض بسبب أنهم لا يريدون أن يكونوا سبباً بمشاكل عائليه بينكم , أنت وأخيك وزوجته في حال موافقتهم على الزواج - مع قناعتهم بك شخصياً - فهذا يسجل لهم , ورغبةً منهم بالإبتعاد عن مشاكلكم , وعن مشاكل زوجة أخيك بالذات , وخوفا منهم على مستقبل إبنتهم . ولا أظنك إلا صادقاً بما أخبرتنا به عن أخلاقك . وفقك الله . |
اخي ان مع العسر يسرا
فلا تيأس ولا تستسلم وحاول بكل الطرق |
اقتباس:
اشكرك على المرور عاشقة المشكلة لم اعلم ان الكلام طالع عني الى بعد فترة من رفضهم لي يعني الموضوع صار له فترة طويلة بعد ماعرفت |
اقتباس:
|
تبي الصراااااااااااااحه أخوي أوردغان....... اذا أنت تحب البنت ومتعلق بها ومتيقن انها ما رفضتك لا على شاااان من أفسد عليكم....... اخطب مره ومرتين وحاااااااول .....واذا كان فيه نصيب -بإذن الله - تبي تاخذه ... يااااااااااارب يسر له أمره ........ |
| الساعة الآن 10:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©