|
ياجماعة الخير جربوا الصبر
اخواني واخواتي بصراحه احس اني تعبت نفسيا وانا كل يوم اقرا مشكله زوجين مع بعضهما وعدم صبر احدهما على الاخر طيب لو الزوج صبر على زوجته او الزوجه صبرت على زوجها انا متاكد تمام التاكيد ان الامور راح تنحل وان الطرف الاخر راح يفهم على نفسه ويخجل ويعرف انه مخطي بحق شريك حياته لكن الان ارى ان الازواج والزوجات من ابسط شي يحصل بينهما تجدهم اما يزعلون على بعضهما مده طويله او يلجئون الى الطلاق وانا اتساءل اين دور الصبر في حياتهم قال تعالى ( ان الله مع الصابرين) (ومايلقاها الا الذين صبروا ومايلقاها الا ذو حظ عظيم) وللاسف وللاسف وللاسف الان نرى ان اهل الزوجه غالبيتهم لاينصحون ابنتهم بان تصبر على زوجها والرضاء بالعيش معه بالحلوه والمره فالبعكس تجدهم عندما يستمعوا الى شكوى ابنتهم تثور ثائرتهم ويبدون بالحقد على زوج ابنتهم وتناسوا شيئا مهما بان النساء يكفرن العشير بمعنى لو زوجها احضر لها كنوز الدنيا كلها وقصر في جانب واحد راته في نظرها مقصر بواجباتها وحقوقها 0
ختاما موضوعي كله يدور حول الصبر على ماكتبه الله لنا والمؤمن ان صابته سراء شكر وان صابته ضراء صبر عليها وكان له اجرا وفي كلا خير له ومن رضي فله الرضاء ومن سخط فله السخط 0 واقول لاخواني واخواتي اعضاء المنتدى لماذا لانطلق حمله بالمنتدى ونسميها (خلونا نصبر) ونفعلها مع من نشتكي منهم0 اسال الله الهدايه للجميع وان يوفقنا لما يحبه ويرضاه انه سميع مجيب0 |
اذا صبر طرف فـ الطرف الثاني ما يصبر
الله يكون بالعون |
اختي عهدشكرا على ردك ومرورك على الموضوع ولكن الصبر يااختي عادة لايكون الا من طرف واحد بمعنى انه لو كان الزوج مقصر تصبر الزوجه ولو كانت الزوجه مقصره يصبر الزوج وهكذا اما يصبر الاثنين في وقت واحد اذن اصبح كلاهما مخطئون ودائما الصبر من طرف والتحمل للمشاق من طرف واحد لعل الله ان يعدل الحال0
|
انا معك اخوي الصبر مفتاح الفرج
بس اللي اشوفه ان الناس كلهم صاروا يزعلون من اي شي .. يسوون مشكله من ولا شي .. الواحد نفسه في طرف خشمه مدري هي ظروف الحياه تغيرت وصارت صعبه وسببت مشاكل نفسيه للناس حتى الواحد ما صار يتحمل اي كلمه او اي موقف الا ويسوي منه سالفه كبيره مالها حل اي مشكله كبيره كانت او صغيره لها حل اكيد ليش الاستعجال في القرارات وتحميل الامور اكبر من حجمها التأني حلوو في كل شي الواحد لازم يصبر ويتغاضى ويتنازل احيانا ً اشكرك اخوي على طرح الموضوع لانه بالغ الاهميه ياليت الكل يدخل ويفكر شوي قبل ما يتخذ اي قرار يدمر فيه حياته وحياة غيره |
مشكوره اختي امل على ردك وابكون صريح معك لابعد حد ومن واقع اشوفه في اوساط البنات الحين اغلب الزوجات متعلمات بمعنى ان لها صديقات وزميلات متواصله معهن باستمرار ومن الممكن انها تفضفض لزميلتها اكثر من اهلها وزوجها وتقوم بشرح خصوصياتها لزميلتها وزميلتها بدورها تحط الصاع صاعين وتقوم بتهويل الامر واعطائها الحلول السحريه على حد زعمها وتخلي هالزوجه المغلوب على امرها تقوم بتصديقها وبها النصيحه من زميلتها تخرب بيتها بنفسها وهناك القله القليله من الزميلات من تنصح زميلتها بالصبر والتحمل انا لااعمم ولكن الغالبيه هداهن الله لما يحبه ويرضاه0
|
انا ضد ان تطرح الزوجه مشاكلها خارج بيتها .. سواءا اسرتها ,, زميلاتها ,, حتى والدتها لا يحق لها ان تطلع على مشاكل تحدث بينها وبين زوجها
اسوأ شي بالنسبه لي هو افشاء ما بين الزوجين لدى ( كل من هب ودب ) لان بمجرد ان تطرح مشكلتها ويعلم بها شخص آخر ستكبر المشكله في نفسها وتتضخم بنظرها وفي هذه الحاله يزداد الشعور بالاهانه والذل وانها قد مست كرامتها حتى وان لم يكن هناك سبب يستحق كل هذا الغضب قد تكون مشكله هينه وبسيطه والوضع لا يختلف بالنسبه للرجل ايضا ً لا يمكن لاحد ان يكون عون له في مشكلته ان لم يقرر ان يحلها بابسط الطرق ويعالج الامر بدون عصبيه ما اجمل ان يتحلى الانسان بالصبر والتروي والتفكير بهدوء له مفعول سحري في حل كل الامور |
الله يجزاك خير اخي المبارك بندر
بالنسبه انك تعبت نفسيا" صدقت والله وهذا واقعنا بالحياة حتى خارج المنتدى وتشبعنا بما فيه الكفايه الله يصلح احوالنا واحوال كل مسلم كان الحسن البصري يقول تسعة اعشار حسن الخلق التغافل والتغاضي حتى تسير الحياة وممكن يطبق بين الزوجين وقيل ليس الغبي بسيدقومه,,, لكن سيد قومه المتغابي ليت كل طرف مايدقق على كل كبيرة وصغيرة للطرف الأخر ويتغافل عن الأمور السطحيه التافهه قال تعالى{ إنما يوفى الصابرون أجرهم بغير حساب} .احدالمفسرين يقول انما يغرف لهم من الأجر غرفا الله يجعلنا منهم ياااااااااااارب |
أخي الكريم موضوع رائع ولو طبق الأعضاء نصيحتك راح ينقفل القسم .....بارك الله فيك وفي جهودك كلامك صحيح إن الله مع الصابرين ,لأن الزوج والزوجه إذا حصلت بينهم مشكله مهما كبرت وصلت لأهلها وأهله , أهل الزوج يكرهون الزوجه وأهل الزوجه يكرهون الزوج ,ويشيلون ويحطون وممكن يتصالحون وينسون المشكله لكن تبقى قلوب الأهل حاقده على الأثنين فصبر مفتاح الفرج واسفه للإطاله
|
ينقل لقسمه الأنسب
الإشراف |
دايما لما يصير مشكله الاتنين يشوفو انهم صح
بس غالبا المرأة الي تسكت وتصبر بس فعلا لو صار مثل ماقلت بتقل المشاكل جزاك الله خير |
| الساعة الآن 02:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©