امي وآآآآآآآآآه من امي
 

السلام عليكم ورحمة الله وبركاته
اعضاء المنتدى الافاضل ابشكي لكم اليوم من امي وهي ممكن تكون فضفضه لا اكثر لاني احس انها مشكلة مالها حل ....دايما احسد الناس على امهاتهم الي كلهم عطف وحنيه لان امي الله يهديها واعذروني على الكلام هذا اخلاقها وطبعها سئ سئ سئ لابعد حد وماتتصورون اشلون اتعذب وانا اقول الكلام هذا عن امي بس هذي الحقيقه ..
انا واخواتي خمسه كلنا متزوجات ولله الحمد وعندنا اطفال ولي اخوان متزوجين وامي وابوي كبار بالسن وعايشين عند اخوي الكبير المشكلة في امي من صغرها طبعها سئ عصبيه جدا وغيورة وتكره كل الناس وتغار من الكل حتى عماتي وخالاتي ودائما عندها ظن سئ بالناس يصل لدرجة القذف والعياذ بالله هذا غير ان ايمانها بالله ضعيف واحيانا تقول كلمات كفر استغفر الله وابوي من يوم تزوجها صبر عليها صبر ايوب لانه يخاف الله والكل يشهد بطيبته واخلاقه الحسنه وملتزم ومحبوب من الكل بس امي من يومها تكرهه وتشتمه بكل مناسبه وماتشوف الا عيوبه الحين هي بالستين وابوي بالثمانين ولحد الان مارحمته حتى في شيبته ...
انا واخواتي تعبنا ياناس ماندري اشلون نبرها ونرضيها اذا زرناها او كلمناها ماتخلي احد الا تشتمه وتسبه وتقذف الكل حتى بشرفهم استغفر الله وتقول كلام كفر والمشكلة تبغانا نشاركها ونأيدها بكلامها واذا نصحناها وقلنا حرام الكلام هذا زعلت وعصبت وهي مريضه بالقلب وفيها ضغط وسكر وغير كذا ماتتحمل الاطفال اذا جلسنا معها وسوا واحد من اطفالنا اي حاجه بسيطه لو يرمي علبة فاضيه على الارض مثلا قامت تدعي على عيالنا وبناتنا انا واخواتي بالموت وان الله مايوفقهم وكلام ماتتحمله اي ام وانتم تعرفون الاطفال وشقاوتهم ..صرنا نقلل من جلوسنا معها لان هذا هو الحل الوحيد علشان ماتزعل علينا خصوصا انها مريضه نبغى نرضيها بس عجزنا يا ناس حاولنا اكثر من مرة ننصحها ونخليها تسمع محاضرات دينيه ومشايخ بس المشكلة ماتحبهم وتزعل على طول وتتنرفز وتصل فيها انها تسب المشايخ وتسب كلامهم ..
اخواني يأسوا منها وتعبوا وصاروا بس يجون يسلمون عليها ويتطمنون على صحتها ويمشون حتى اخوي الكبير الي ساكنه عنده تعب منها ومايجلس معها كثير لانها جننته المسكين بس انا واخواتي الى الحين نحاول نرضيها باي طريقه بس ماحنا عارفين وشلون اذا جلسنا معها قامت تسب وتشتم وتقذف حتى ابوي المسكين ماسلم من القذف ووصل فيها الامر انها تتهمه مع الشغاله لا حول ولا قوة الا بالله وهو كبير بالسن وبالثمانين ومريض بالقلب والكل يشهد باخلاقه واصلا كبر سنه ومرضه مايخليه يفكر بالاشياء هذي هذا غير الكلام الي فيه كفر وتقشعر ابداننا اذا سمعناه وغير دعاها على اولادنا وحنا امهات تتقطع قلوبنا اذا سمعناها تدعي عليهم بدون سبب وهم اطفال واذا ما جلسنا معها وقللنا زيارات لها زعلت وقالت انتم ماتحبوني وتكرهوني ..
اسفه اذا كنت طولت عليكم بس اسعفوني بحل اذا كانت الام كذا وشلون نتصرف معها ونبرها ونرضيها وشلون نتعامل معها وهي بالاخلاق هذي وهل علينا ذنب اذا قللنا من زيارتها وجلوسنا معها ..احنا بشر ياناس والصبر له حدود تعبنا منها وتعبت نفسياتنا .

وعلشان تعرفون قد ايش طبعها صعب ومااحد يقدر يتعامل معها هي اكثر من مرة تتعب وتدخل المستشفى والمشكلة حتى وهي تعبانه ماتبغى تقعد بالمستشفى ولا يوم وهي فيها القلب ومحتاجه فحوصات لدرجه انه تطلع في الممرات وتشتم وتسب الممرضات والدكاترة وترمي العلاج والمغذي واذا جاء الدكاترة يبغون يقنعونها ترجع غرفتها تسبهم وتشتمهم لدرجه كم مرة يطلعونها على مسؤوليتها لانهم مايقدرون يتحملونها ..

حالتها تقطع القلب

طيب تقدرو كل واحد منكم ياخذها عندو اسبوع لاجل اخوكم المسكين تحملو عنه شويه وتساندوه

وزوجة اخوكي ما محلها من الاعراب المسكينه


اولا ما تفعله ليس بيدها هذا من الضغط والسكر والقلب تحس باختناق يجعلها تتكلم بما تتكلم


لا تتوقفو عن زيارتها لاجل اخوكم وابوكم حراام


طيب ممكن كل وحده تاخذ ابوها اسبوع يبعد قليلا عنها


اقرأو سورة البقره وخليها تشرب من الماء من غير ما تشعر

اقرأو لها ىية الكرسي قبل ان تدخلو عليها




لا تتوقفو وتحملو لم يبقى من العمر قد ما مضى ستبكونها يوما ما وتترحمون عليها

وثم حرام اخوكم ووالدكم يتحملونها كل الوقت بالقليله يحسو انكم تشاركوهم محنتهم


الله يصلح امك ويخليها لكم

مشكورة قرين على الرد
زوجة اخوي صابرة عليها ماشاء الله ومتحملتها سنين الله يجزاها كل خير على صبرها وتعتبرها مثل امها رغم انها شايفه الويل من امي الله يهديها بس متحملة وصابرة لانها طيبه كثير وبالنسبه لابوي وامي مستحيل يرضون يروحون عند اي احد الا اخوي الكبير واخوي نفسه مايرضى احد ياخذهم عنده رغم كل شي تسويه امي فيه يقول تبون تزورونهم حياكم الله بأي وقت بس مايطلعون من عنده انا واخواتي احيانا ناخذ امي تقعد عندنا اسبوع في بيوتنا علشان تغير جو وترتاح بس مافيه فايدة مجرد مايمر كم يوم تطفش وتزعل وتقول انا مليت وابغى ارجع لبيت اخوك رغم اننا نحاول نرضيها ونسليها ومانزعلها واخوي ساكن في منطقه بعيده عن بيوتنا انا واخواتي احنا ماراح نقطعها لاننا نخاف الله ورغم كل شي تسويه راح نستمر نزورها لكن نفسياتنا تعبت والكل تعب منها الله يهديها ويحفظها ويشفيها يارب .

حلو الكلام بسم الله عليكم

يعني تخرجوها كام يوم ووقت تطفش ترجع

خلاص ابقو هكذا كل اسبوع حد ياخذها يومان ووقت تطلب ترجع رجعوها

هيك زوجة اخوكم تحبكم اكثر وتشعر انكم تعاونوها

اللهم لا حسد بسم الله عليكم رغم كل الصعاب التي تمرون بها فانتم محظوظون بالبر والثواب من عند الله سبحانه وتعالى

فكرو بالاجر محظوظ اخوكي الله يحفظه لكم ويخليه لعيالو


ذكرتوني بعائله عكسكم تمام كان كل واحد يرمي ابوه للثاني وينزل فيه مواعظ وحكم




حبيبتي تكلمو مع الطبيب طبيب القلب عن صعوبة خلق والدتك من غير تفضيل قولو له :ما تقدر تجلس بمكان اكثر من يوم يومان او ساعتان


يعطيها دوا تاخذو مع الادوييه وما رح تعرف انو مهدء طبعا يعطيها اياه باشرافه

الله يشفيها ويعافيها يا رب

الحمد لله الله يكتب لنا الاجر ان شاء الله
احنا نسوي كذا وهي تاخذ علاج حاليا للقلب المشكلة الدكتور اخر مرة قال انها محتاجه عملية بس هي مو راضيه ورافضه انها تدخل المستشفى وتقول كلكم كذابين وانا بصحتي مافيني شي لانها ماتحب المستشفيات ابدا ومصممه ماتروح وهي عنيده جدا مستحيل احد يغير رايها مع العلم انها اكثر من مرة تتعب من قلبها وهذا الي يخلينا نداريها ومانزعلها .

[QUOTE=ماذلني غير طيبي;2508660]الله يشفيها ويرفع عنها
يااختي ليش ماتشوفون دكتور نفسي يمكن يكون عندها اكتئاب..؟
والله انا اعرف وحدها ابوها مقعد ومرررره متعبهم يتلفظ عليهم بكلام ويرميهم باي شي واذا احد زارهم مايخلي كلمه الا ويسبهم فيها راجعوا فيه عند دكتور نفسي وسار يتعالج وتقول انه احسن من اول
الله يكون بعونكم
وانا والله عجبني كلام اخت قرين حاولوا تشاركوا اخوكم المشكله حررراام[/
QUOTE]

مشكورة اختي احنا حاسين ان عندها اكتئاب وفي الفترة الاخيرة بدينا نحس ان عندها مرض الزهايمر لان حالتها كل شوي تتغير للأسوأ وبدت تنسى كثير واحيانا تضيع اسامينا وتنساها لكن المشكلة عندنا هنا مايعرفون يشخصون الامراض هذي بس هي مستحيل ترضى تروح لطبيب نفسي او شيخ يقرأ عليها حاولنا مرة نفتح معها الموضوع زعلت وعصبت وقالت انا ماني مجنونه علشان تاخذوني لطبيب نفسي ولا شيخ وانتم تقولون كذا علشان ترموني بالمستشفى وارتفع ضغطها وخفنا عليها وماعاد فتحنا السيرة معها مرة ثانيه .
وبالنسبه لاخوي احنا نزورها بس هي ماترتاح الا عند اخوي ومتعلقه فيه واكثر من مره ناخذها عندنا بس تضيق وتطفش وتقول رجعوني بيت اخوكم مع العلم احنا كلنا بيوتنا في منطقه ثانيه غير عن منطقة اخوي يعني اذا حبينا نزورها لازم نقطع مسافه ماتقل عن 300 كيلو علشان كذا مانقدر نزورها كثير علشان الدراسه الا بوقت العطل والاجازات .

الله يشقيها ويحسن خاتمتها


وانتوا ما عليكم غير الصبر والدعاء لها


واظن ما بها هو قلة النوم

فحاولوا تعطوها منوم عشان تاخذ كفايتها من الراحه وتتحسن حالتها طبعا بعد سؤال الطبيب المختص

الله يعينكم فعلا وضع صعب
بس مو طالع بيدكم شي
لازم تتحملوها

انا عضوة جديدة هنا في المنتدى وعيزة اتعرف على صديقة الا حبيتي رسليني .. الله يكون في عونك وعون
اخواتك ويصبرك على كلامها انتي حاولي تكبري قلبك وما تشيلي هم يعني خليها تتكلام وتقول الي يعجبها لا تحملي كلامها محمل الجد .. يا رب يهديها ويهدي خطرها وتتغير