هل هو على حق بتصرفه معي ؟
 

السلام عليكم
انا اول مشاركه لي بالمنتدي واحتاج ردودكم لاني تعبت من تعنيف ضميري بدون نتيجه..

حدث بيني وبين زوجي (متملكين فقط) سوء تفاهم :(

انتهى الامر بان نبتعد عن بعض مده من الزمن عشان مايكبر الموضوع وجميع الطرفين متفقين ع ذلك

قبل ان تنتهي المده قام بمحادثتي وقال ان سامحتك ومابقلبي عليك شي

بعدها بيومين رجعت ارسلت كعادتي بحكم انه سامحني

ولكني انصدمت

بانه قام بتعنيفي وانتي لن تتغيري وهذا طبعك سيستمر:(
لان لم تنتهي المده اللي حددنها سوا


احتاج ردكم ..هل هو ع حق بتصرفه معي بعد انا سامحني ورضى عني وهو كان المبادر؟؟

من هو الغلطان بنظركم ؟؟

واخيرا .. دعواتكم وربي يجزاكم الخير

ارجعي ارسلي مسج وقولي له انت اللي اتصلت اولا وقلت سامحتني وانا على هالاساس ارسلت لك مسج



خايفه اكتب اكثر حاسه حالي معصبه خايفه ازيد الطين بله

صراحة زوجك غريب..لكن
تأسفي له وإعتذري وقولي خلاص عقاب لي بزيد يوم على إتفاقنا..
و إن شاء الله تنحل والله يوفقك إن شاء الله يارب ويبعد عنكم الحساد

يمكن يتغلى عليك و كان يبغاك تدقي عليه طيران و تشبعييييييه من الكلام الحلو ؟؟

هيه والله يا أم حسن .. السالفة تقهر وتعل القلب.


حبيبتي البكيريه .. أنتِ لستِ مخطئة طبعاً.

وحتى لو أنه لم يبادر وأنتِ التي اتصلتِ أو أرسلتِ من نفسك قبل انتهاء المدة .. وخير إن شاء الله؟ .. المسألة ليست قانون أو معاهدة حربية يجب الالتزام بها حرفياً حتى يعنفكِ ويلومكِ هكذا.


الأخ يريد أن يعمل حمش ويراويج العين الحمرا ومب عارف كيف!!!!

الله يعينج!

انا ضد انو تعتذر
على ايش تعتذر ؟!
لا طبعا
انتي ارسلي له رساله وفهميه الي صار بس بدون اعتذار وهالاشياء
الله يوفقك

لا تعتذرين انا خطيبي كذا له 14 يوم ماكلمني
ليه لانه قاسي بكلامه ومعاملة ماهي حلووه
والمشكله هو الغلطاان
لاتدقين عليه ولا تتصلين عليه
خليه طنشيه علشان يعرف قيمتك
انا خطيبي مادق حتى انا مادقيت عليه
يبيني اعتذر برغم هو الغلطاان
تخيلي مادقيت عليه ولا شي
علشان يعرف قيمتي
طنشيه يااعمري علشان يعرف قيمتك
واذا دق لاتردين عليه
حتى في الرساله
خليه مده لين يحس

خليييييييه
هو الي يرد عليييييج لان هو الي قال واتصل وقالج سامحتج
بس دامه قاسي الله يعينج ان شاءالله
وباذن الله فتره وبتعدي والله يهديه ان شاءالله

الله يعطيكم العافيه جميع من تواجد معي بصفحتي..

انا بطبعي اكررره ان اعيش لحظه حزن لاي سبب كان

فانا مترردده اعتذر عشان ارتااح او انتظر قليلا<<<راح الكثير وبقى القليل باذن الله

وش رايكم ؟؟