مشكلتي مع أقارب زوجي
 

:29:السلام عليكم عندي مشكله مع اهل زوجي ما اقصد بيت زوجي اهلهم يعني خالاته وعماته وبناتهم تخيلو حاقدين علي من غير سبب بس لان زوجي ماتزوج منهم وانا من بره العايله وزوجي ماشاء الله مدلعني ومدلع عياله انا عندي ولدين وعقب ولدي الثاني تقريبا ارتحت خمس سنوات وحملت الحين حامل وولاداتي عمليات قيصريه المهم يوم حملت هالمره كل ماشافتني وحده منهم تبارك لي مبروك يعني كني مب احمل او ميؤس من حملي انا استغربت تصرفهم لان بحملي الاول ماباركو لي ولا بحملي الثاني والحين ما ادري ايش يقصدون وهم الصراحه مب طيبين معاي عشان اقول فرحانين لي ويباركو لان تصرفاتهم معاي هوايل اشياء تقهر لو اتكلم فيها مواقف كثيره يسون لي واسكت والله حتى ما ارد عليهم لاني متربيه وهاديه ودايما يحاولون يوقعون بيني وبين بيت زوجي اكيد بتقولون ايش السبب والله اني وحده في حالي ولا حتى اشوفهم الا في العياد والمناسبات واقدرهم كثير بس ما ادري ليش هالحقد حتى الحين وانا حامل يسالون ماولدتي من الشهر الرابع وانا من اسوي تحليل الحمل كلهم يدرون على طول وكل شي يسالون عن ويدخلون فيه اذا شافوني يحاولون يغيضوني باي طريقه بس ابي حل مع هالناس شلون اتعامل معاهم والله دايما افكر ليش يعاملوني كذا حتى زوجي يعرف حركاتهم ويقول لي لايهمونك بس الحمدلله ان زوجي واحد فاهم ويقدر ويحبني بس ابي ارائكم

يا أختي ولماذا تشغلين بالك بهن أساساً؟!

الحمدلله علاقتك بزوجكِ جيدة .. وعلاقتكِ ببيت أهل زوجكِ كذلك جيدة .. وهذا هو الأمر الأساسي والمهم .... أما باقي أقربائه فليس لهم عندك سوى الاحترام والأدب .. فإن عاملوكِ بمثل ذلك فنعمةٌ من رب العالمين .. وإن لم يفعلوا فلن تكوني خسرتِ شيئاً لأنكِ تعاملتِ معهم بأخلاقكِ أنتِ لا بأخلاقهم هم.

أما هم فأياً كانت نواياهم ومشاعرهم .. فالله أعلم بهم وهو من سيحاسبهم على ذلك.


فلا تشغلي بالكِ يا عزيزتي.

اهم شي انه زوجك معاملته جيده معك
واي شي تاني طنشيه ولاتخلي شي يأثر على علاقتك بزوجك

حصني نفسك وزوجك والاولاد

ولا تهتمي بهم

المهم بيتك سعيد واهل زوجك بخير واهلك بخير

لا تهتمي لكلام احد مهما كان

اللهم لا حسد