|
طلاق بدون اسباب واضحه وحنين
السلام عليكم ورحمة الله وبركاته
انا مطلقه والحين بالعدة واحس اني مصدومه لأنه طلاقي بدون سبب مع انه هو اللي مقصر معي بكل شي وقبل مايطلق ارسل رساله يقول[انك غاليه عندي واني ماتمنيت الأنفصال وانك ماقصرتي علي ولايوم] وبعدين طلقني والحين مادري شسوي شوي ادعي الله يرده لي بس لاتذكرت انه طلقن ونسى العشرة اللي بيننا اتعوذ من الشيطان وأحاول انساه وعندي سؤال هل فيه أحد رجع لزوجته مع العلم ان الطلاق من الزوج ومابينهم أطفال؟؟ وابي منكم نصيحه الله يجزاكم الف خير اتمنى يكون كلامي واضح |
عزيزتي..
بما ان الطلاق وقع بدون سبب..ولاتقصير منكٍ على حسب كلامه.. كلمي من هي ثقه كي توسط بينكم انسان عاقل..حتى لو لم ترجعو لبعض..يكفي ان يخبركم سبب تطليقه لكِ.. مع احترامي هذا إنسان غير راقي ..ولايعرف معنى الانسانيه..فالطلاق ان لم يحدث بسبب أقلها يكون بعلمكِ..لستِ آله..أو شي شخصي حتى متى مامل منكِ ترككِ.. عوضكِ الله..ولكن مثل ماقلت لكِ اتركي الأمر بيد عاقل بعد ماتوكلين أمرك لله.. |
هل الزواج معلن ؟
وكم مدة الزواج ؟ ومن متى طلقكِ وهل هناك تواصل أو رسائل بعد طلاقه؟ هذه الأسئلة قد توضح الموضوع وتفيد في معرفة إمكانية رجوعه إليك. ..................... مادام أنكِ لم تقصري فلا تقلقي وكوني واثقة من نفسك إن كان لا يستأهلك فقد أراحكِ الله منه وإن كان غير ذلك فلماذا يطلق هكذا بدون سبب ظاهر وأما احتمال رجوعه فممكن .. لكن بحسب رغبته هو وبحسب السبب وبكل تأكيد هناك سبب ولا يمكن أن يطلق بدون سبب لكن هذا السبب هل هو مقنع ؟ هذا هو السؤال. أسأل الله تعالى أن يوفقك وأن يجمع بينك وبين زوجك إن كان خيراً ويشرح صدرك |
ياهلا فيك اختي داااااااااااااانة والله يعينك ويربط على قلبك
نفس قصتي والله حسييييييييت بجرحك لكن حبيبتي فيه اشياء حنا مالنا يد فيها هي قدر من الله سبحااااااانه وتعالى وعلينا الرضا والتسليم قد يكون بظاهرها شر وضيق لنا لكن تأكدي انه خييييييرة من رب العباد ولاتلوميييييييييييين نفسك كثير دام ماجاء منك تقصييييييييييييير فالحمدلله على كل حااااااااااااااااااال وانصحك بشريط (الرضاء بالقضاء) للشيخ/ابراهيم الدويش بصراحة روووووووووعة هالشريط اسمعيه مره وثنين وثلاث والله بترتاحين غاليتي قولي كل الي نفسك فيه فضفضي حااااااااااااااسه فيك اسأل الله العظيم ان يربط على قلبك ويعوضك خيييييييييييير |
هل الزواج معلن ؟نعم
وكم مدة الزواج ؟سنتين ونص وعلى حسب كلامه هالسنتين كان يجامل ومن متى طلقكِ؟شهر وهل هناك تواصل أو رسائل بعد طلاقه؟لا والسبب عنده انه لم يرتح نفسيا وانا لست مقتنعه لأنه لم يضهر لي يوم من الأيام انه ليس مرتاحا معي |
يمكن انه كان مجبر عالزواج او يحب وحده ثانيه
انتي تقربي له؟ |
يجامل << تفقع المراره قسم والله ماعنده سالفه الله العالم ان الموضوع فيه حب او شي من عمل الشيطان .. انتي تقولين انك طيبه وماقصرتي ... ثقي وتأكدي الرجال ما ينسى المره الطيبه وان كان عاقل بيندم ويرجع لك وان كان عقله مو معه الله يرده ..
ياقلبي يادندون مافيه شي مستحيل على الله ولا صعب اذا كنتي تبينه أدعي الله واستغفري وتصدقي ولا تيأسين فالدعاء يرد القدر يعني لو ما ربي كاتبه لك وألحيتي بدعائك الله كريم يغير القدر ويرده لك ... |
الله يقويك
الرسول الكريم يقول طلاق المرأه كسرها وانتي الان مكسوره ودواك عند الله الجبار الله يجبرك بخير منه والحمد لله انه مافي اطفال وحبيبتي اذا تزوج بعدك بسرعه فهو فعلا مش مرتاح معاكي ويمكن خاف يظلمك معاه وانتي ادرى اذا كان يحبك فعلا اوكان يجامل مثل ماقال وصدقيني الرجل مايفيد قصرتي معاه اولا اذاكان يحبك بيتحمل حتى تقصيرك اما اذا مافي حب يحس انك بتذبحينه بمعاملتك الطيبه لان مو قادر يبادلك طيب وحب ولاتدعين برجوعه ادعي لنفسك بالصبر والعوض [ يغني الله كلا من سعته] الله يسعدك لاتدورين اسباب وتعبين نفسيتك وارضي بالمقسوم فمن رضي فله الرضى |
اقتباس:
وأضيف أن الرجل أقدر على المجامله من المرأه في الزواج , ويستطيع إخفاء مشاعر عدم الرضا اكثر من المرأه . |
عوضك الله خيرا وأنزل على قلبك الرضى والسكينة مايدريك لعلى في آنفصالك عنه خيرا لك
|
| الساعة الآن 07:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©