|
لو انتي مكاني وش حتسوي؟
السلام عليكم ورحمة الله وبركاته
اخواتي لو حصلك مثل هالموقف وش حتسوي انتي تتكلمي مع خطيبك الي هو زوجك وحكالك عن زميلو وانتي انقهرتي من تصرفاته مع خطيبك وقلتي غبي ورد خطيبك وقالك بنت مااسمح لك هذا زميلي وانتي ماتعرفيه و .. و... المهم انو مارضي على زميلو بكلمه منك انا عن نفسي زعلت عليييه كثير وشلت في خاطري عليه وكبرت في نفسي ومع هذا مااعتذر الحين لي تقريبا اسبوع مااتصل ولا ارسل شيء !!! لاني حسيت انه يفضل زمييلو علي وحسسني اني مو زوجتو .. ارجو الرد وبكللل صراحه وهل لي حق ازعل؟؟ وكيف اتصرف ؟؟ |
إذا يدافع عن زميله أمامك ،.
فمعناها بيدافع عنك من وراك إذا أحد تكلم عنك و مو معناها إنه يفضل زميله عليك ، بس ما يرضى بالغلط و الشئ هذا حلو فيه |
عزيزتي امواج المحيط
زوجك و شريك حياتك لا يعني ان يكون موافق لك في كل رأي و فعلا هو اعرف بصديقه و ليس من المعقول ان نرضى بذم اصدقائنا او اقاربنا بمجرد ان الزوجة او الزوج قال ذلك اقلبي الموقف عزيزتي ,,لا اعتقدك سترضين بذم صديقتك اقتباس:
بالعكس اختي انت اعتذري و صلحي الموقف نصيحة من اختك |
على فكرة أختي
أفتكر صار الموقف بشكل معاكس ، يعني أنا زوجي يوم يشتم صحباتي قدامي ، مثلا كلمة ( غبية ) .. أتضايق و أقول له لا تتكلم عنها و من جد أخد موقف منه بس مو معناها إنه زوجي أقل منهم ، بالعكسسسس هو رقم واحد و هو أهم شئ و ما أرضى إنه أي وحدة تغلط عليه منهم بس ما أعرف ؟ أحس إني أحب أعامل الناس مثل ما أتمناهم يعاملوني فأتخيل نفسي مكان زميلتي و زوجها مكان زوجي ، يتكلم عني و هي تسكت له ؟ فإنت غلطتي هنا و ارجعي كلميه عادي و قوليله هذا يدل على إنك ما ترضى أحد يتكلم عني بيوم من الأيام ،، مو صح ؟ ;) |
اقتباس:
ريحتيني الله يريحك وكل الشكر لكل من رد علي وخلاص انا رضيت من نفسي خخخخخ وراح اكلمو وانا الي راح اعتذر منه لان حبي له اكبببر من شيء تافه زي كذا والدنيا ماتسوى شيء |
عين العقل اختي
اتصدقي انا صار لي نفس الموقف و حسيت بزعل من زوجي...و كان ذلك بفترة الملكة و الخبرة زيروو بعدين عرفت ان ما عندي سالفة ( : موفقة |
المسداني
كلنا الحريم ما عندنا سالفة أمزح :D أمواج المحيط لا تنسي تقولي له ، أنا زعلت ( علشانك إنت ) .. لإني ما حبيت أحد يغلط عليك و من حبي لك ;) أدعيلي كثير الله يسعدك ، عن جد .. مرة فرحت بدعوتك :D |
اقتباس:
وبالنسبه ان ماعندنا سالفه فانتي صادقه والله بس مو في كل شيء خخخخخخخخخخ |
اقتباس:
ههههههههههههه الظاهر كل البنات زي كدا فيهم دلع ((( ماشاء الله سرت عاقله خخخخخ الله يوفقكم... |
والله تخيلي انا برضوا نفس حكايتك
تخيلي وشو سوى خطيبي قفل السماعه بوجهي والله العظيم انا انصدمت والحين له 14 يوم ماكلمني شفتي برغم صديقه معروف انه سيئ وانا حااولت اوخره عن خطيبي والله قهرني بحركته الغبيه |
| الساعة الآن 12:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©