|
لو عشتي مثل هذة الحياة وش بتسوين؟؟
بسم الله الرحمن الرحيم عدت من جديد للمشاركه في هذا المنتدى الرااااائع باعضاءة اللي يبردون القلب بردودهم ودعواتهم الله يجزاهم بالجنــــــــــــه..:22: بحكيكلم هالمرة عن صديقتي المقربه ومشكلتها مع زوجها وانيروني بردودكم لاني محتاارة وش ارد عليها ""ولاخاب من استشار"":) قبل مانبدا القصه ابي كل وحدة فيكم تتخيل نفسها مكان صديقتي وش بتسوي:rolleyes: وكل واحد يتخيل نفسه مكان الزوج ووش ردكم....... تزوجت صديقتي قبل 3سنوات كان عمرها 19وزوجها 25 طبعا كاي وحدة عرووس كانت حاطه في بالها تخيلات وامنيات طوال عراض :14::14:.. زوجها من خطبها كان معروف عنه انه مريض سالوة اهل الزوجه يعني الحمدلله تعافيت هو صرح له انه بخير وخلاص المرض ودعه..كان مرضه القولون وكان اشد انواعه واخطرها بس مااعرف اسمه.. وكان مسوي عمليه بمستشفى اهلي راحوا سالوا عنه بالمستشفى :20:يعني المرض خلاص تعافى منه طبعا المسشفيات الاهليه قالوا احنا مانطلع بيانات المرضى واتكلوا ع الله وتم الزوووواج...:14: بعد الزواج بشهرين بدا مسلسل الامراض اسبوعيا لازم يطيح عليهم يومين وصديقتي صابرة;) .. ودايم تقرا عليه وتقنعه يروح للشيخ يقرا عليه بس هو مااتحمس يقول جربت شهر ولاشفت فايدة.. وصديقتي ع نياتها تحسبها فترة وتعدي يعني احيانا يشتد عليه واحيانا يقعد 3اسابيع مايمرض.. المهم حملت بعد3شهور وزوجها على حالته وصارت بالبيت منطقه لاسفرات ولاطلعات وفي اخر الشهور ماجاها ابد هي فسرت انه خايف على البيبي:15:.... بعد النفاس راحوا لفندق اسبوع ولاقربها الامرة وكان شفقه عليها لااقل ولااكثر:19:.. والان له عشر شهور مالمسها تخيلووووووووا:eek:.. يعني المراة وش تبي بالرجال ...تبي زوج ..بكيفه لايجامعها.. بس القهر انه مافي لاضمه ولابوسه وحتى بالسرير لها بطانيه وهو بطانيه وتقول انا في طرف السرير وهو بالطرف الثاني مافي ولاكلمه حلوة و24ساعه ياعند اهله بحكم ان مابينهم الاباب او يطلع مع ربعه:18:.. اول كانت صديقتي دايم تتهاوش معاه وتصارحه فصار يتهرب منها يجي متاخر ينام ويطلع مبكرر.. سوت معه كل الحلول صارحته في شيء مكرهك فيني صار يقول اصلا انا احبك بس مااشتهي قالت بكيفك لاتجيني بس طلعني مشني حسسني انك زوجي مو اخوي:29: بعد مانفع معه.... ويوم تركته بحاله ولاعاد جابت خبرة صار يجي البيت بس كلام حب ...مافيه يعني ""فوق شينه قواة عينه"" تخيلوا سفراات مافيه راحت مرة وحدة مع اهله وهو بشقه وهي بشقه:(.. انا احس المفروض يعوضها يطلعها يمشيها اما كذا... هو يحبها وانا متاكده بس يخاف يطلعها يقول اخاف اطيح عليك وش يصير لك:30:.. صديقتي تقول انا في عز شبابي طيب الى متى انا ودي البس اكشخ افتن زوجي اغريه:o موكذا كاني عايشه مع اخوي واردى بعد... لاتقولون تلبس له وتولع شموع لانها قد سوت له مرة مسكينه الحرمه كشخخخت له هو دخل وكان يكلم بالجوال مبسوط :27: لما شافها كذا تنكد وقعد يصرف انا تعباان ومقصر ويقعد يتاافف تقول والله ماسولف لين غير لبسي وقعدت ببجامه وارتاح باله:16:.. مرة صديقتي تقول افكر اتخيله يموت ع الاقل ارمله ولامطلقه...... هذا قصه صديقتي الغاااليه باختصار كل امراة تتخيل نفسها بذمه تخيلي انك جالسه بجمعه صديقاتك وكل وحدة تحكي بالدور انا سويت ليله رومنسيه:29: ,,انا سافرت لتركيا:29:.. وانا لماليزيا:29:.. وانا جاب لي زوجه هديه:29: وانا عشاني زوجي بمطعم رااقي:29: وانتي ساكته تندبين حضك;)... صديقتي قررت تطلب الطلاق وانا قلت استخيري وسكت لان بينهم ولد يعني حررام يضيع ... وانتم نووورررنا بارائكم الله ينور عليكم في الدنيا والاخرررة:d:d... لاتنسوها وزوجها من الدعوات جزاكم الله خيييييرااا..... |
مسكينه ولكن يحق لها طلب الطلاق بحكم انه مريض وانها تخاف الفتنه وتخاف على نفيها وتريد زوج يعفها
اصلا هو الغلطان او اهله يريدون ممرضه تشيل عنهم الحمل لا اكثر ولا اقل اذا وجدت نفسها انها لا تستطيع ان تقوم بدور الممرضه تطلب الطلاق كلامي واقعي وهي عروسه ثم لا نقول تصبر ولا سمح الله توقع بالحرام اواواوا لان الدين المسيحي تخون الزوجه معلش ولكن لا تتطلق وديننا يسر وليس عسر يحق لها الطلاق لانها تريد ان تعف نفسها ثم الزوج وقت يكون مريض ومقصر اخلاقو تصير سيئه بدل ما يعوض زوجته بكلمه لطيفه يصير ينرفز ويعصب ويعلى صوتو اغلبوهم بالصوت ويقلب هو المظلوم وهي المقصره اكتبي لها ردي بورقه خليها تشوفو |
يا هلا و غلا ..
تو المنتدى نور .. ومن طول الغيبات جاب المشاكل اجل هههههه اول شي لاحظي اسمي صاير بالازرق <<وحدة تلمح خخخ شوفي حبيبتي .. اتركي الطلاق على جنب .. بنات هالزمن على الطالعة والنازلة طلقني .. العجز الجنسي له اسباب كثيرة .. وحلها سهل .. ترانا ودعنا العصر الحجري من زمان .. يعني كل شي موجود .. المهم تعرف وش سبب العجز .. هل ممكن شكل جسمها وهي حامل .. ؟ بعد الولادة ما استعادت رشاقتها ؟؟ يمكن هي اشتغلت بالمولود زيادة عن اللزوم و ما عادت تهتم بزوجها ؟ هل عنده مشاكل او ديون او ضائقة مالية ؟؟ الافضل الان تترك الحن عليه .. وتطبخ له اكل مظبوط .. وتقول له يمشي يوميا نص ساعة .. وباذن الله راح يتحسن ؛ |
GREEN222 ياهلا والله فيك
ابشري باللي ينسخ ردك لها بس احس اني مقتنعه بكلامك "ام داليا لاتزعلين خخخخخخ من جد شيء يقهر يخبون عليها وفي النهايه مريض والنفسيه زفت.. بس هي ضايقه صدرها على شيء واحد ""نظرة المجتمع للمطلقه"" تعرفين انتي شلوون.. ام داليااا هلاوالله ياااحبيلك.. طيب واذا صار اسمك بالازرق عادي شوفي انا كل الالوان بموضوعي<<خخخخخ امزززح على البررررركه تستااهلين والله..اجل مانسيتيني لي سنه مادخلت المنتدى ياااحلوك والله,,, اولا:بالنسبه للعجز الجنسي مو على جسمها هي رجعت بعد احمل اجمل من اول بس انا اقولك الدواء اللي كان ياخذة لمرضه كان مستمر عليه فترة طويله المهم بعدها زادو له الجرعه ومن اثارة الجانبيه على قوله الدكتور انه يقتل السلاح<<طبعا مافهمه الافي النهايه يعني بسبب الادويه اللي ياكلها وزيادة هو مع المرض ماله خلقهااا والحين تخيلي نفسك وش بتسوين.. بتصبرين وتقعدين تخدمينه الى متى طيييييييييييب؟؟؟؟؟؟؟ |
(مره صديقتي تقول افكر اتخيله يموت ع الاقل ارمله ولامطلقه.....)
هذه زبـــــدة الموضوع . المراءه انسانه حساسه وبحاجه للعاطفه وبحاجه للرجل مثل ماالرجل بحاجه للمراءه بل ان المراءه بحاجه ماسه لزوجها . ومن لايعطي امرأته حقها كامل في الفراش وفي المعاش فلا يستحق ان يمتلك هذا الملاك الجميل . اختي بما انه لديكم طفل فحاولي وحاولي معه فقد يكون بحاجه للعلاج جنسيا .وابذلي الاسباب واصبري عليه فقد يُبدل الله حاله . وان لم يتعدل حاله .فقد جعل الله الطلاق وهو ابغض الحلال . ولكنه حل عندما تسوء العشره بين الزوجين . ويُخاف على الزوجه باالوقوع في الخطاء لاسمح الله .. |
عناز بيك ..يسلموو على الرد الرائع
واسال الله ان يشفي زوجها ويهدديه |
بدايةً لا نستطيع أن تغفل أن الرجل وأهله لم يكونوا صريحين بشأن مرضه .. وطالما أن الأمر هام بالفعل ويؤثر على حياته الزوجية الخاصة .. فقد كان من المفترض عدم الاعتماد على كلامه فقط بل مطالبته بإحضار تقرير طبي يؤكد أنه شفي بالفعل من مرضه.
الآن حدث ما حدث وانتهى الأمر. السؤال هو: هل تحبه أم لا؟ إن كانت تحبه وتستطيع التغاضي عن هذا الأمر فلها أجر الصبر .. أما إن لم تكن مشاعرها نحوه بتلك القوة ولا تستطيع احتمال ابتعاده العاطفي والجنسي عنها فالأفضل لها أن تطلب الانفصال وكلٌ يبحث عن نصيبه. وفي الحالتين هي ليست مخطئة. |
اهلاااا مهرة
هي تحبه حتى بعد معاملته القاسيه وتغيرة عليها لازالت تحبه<<الحرمه ضعيفه.. بقولك شقالها اخوها يوم سالته عن رايه قال ان صبرتي فالاجر لك وذكرها بصبر ايوب على مرضه وبقاء زوجته عنده وكيف الله عوضه خيرا.. والا فان اردتي الطلاق فمن حقك وذكر لها كلاما اعجببببببببني قال((احيانا يضطر الانسان لبتر عضو من جسمه مع انه لايرريد الاستغناء عنه لكن بقاءة يضرة)) مثل لو كان باحد غرغرينا وقرروا قطع يدة هو يتحسر لكنه يعلم ان لم يبترها سينتشر المرض بجسمه.. وهو يقصد انك ربما لاتردين الاستغناء عن زوجك لكن بقاءك عنده يضرك انتي بالدرجه الاولى فانتي من سيعاني الهم والحزن والنكد والالم والمعاناة<<ويكفي انها اشد الامراض .. |
لي افكرت تكلم والدته مثلا
تدخلها بالموضوع يمكن امه تقدر تقنعه بالعلاج والذهاب لشيخ؟ |
اقتباس:
كـــــــــــــــــــــــلام راااائع وصحيح 100%,,,,,تستخير في الطلاق وإن شافت نفسها ارتاحت تتوكل على الله.......وياليتها تسأل دكتور زوجها إذا قال العلاج راح يطول ويكون معه طول عمره ....فهذا يدل على أن مافيه أمــــل......أما إذا قال لفتـرة بسيطة فبإذن الله راح تزول هذه المحنه وتصبر علية .....اتمنى لها التوفيق في حياتها..... |
| الساعة الآن 10:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©