مؤخر الصداق - كلاكيت مليون مرة
 

السلام عليكم ورحمة الله

أحييكم علي مساعدتكم في مشكلتي هنا
http://www.66n.com/forums/showthread.php?t=214317

وقد حلت والحمد لله. الآن أود أن أسأل عن مشكلة أخري. قبل الخطوبة لما كنت بنتفاوض علي المؤخر وقائمة المنقولات والد خطيبتي قال "أنا عاوز مؤخر 35 ألف جنيه" فقام زوج خالتها وخالتها بالتدخل وقالوا "لأ هذا كثير أكثرهن بركة أيسرهن مهرا خليها 20. إنت إيه رأيك يامحمد؟؟" أنا قلت "لاتقلق ياعمي إن شاء الله بنتك مصونة وانا ماعنديش مشكلة في أي مؤخر"

اللي أنا ووالدتي فهمناه (والدي متوفي رحمه الله) إن المؤخر 20 لكن هو فاهم إن المؤخر 35 !!!!!! سوء التفاهم ده عرفناه بعد كده لما أخوها اتجوز وكتب لمراته مؤخر 35 زي أخته، ولما اتكلمت بيني وبين خطيبتي في المؤخر هي زعلت لإنها شافت إن ده بيقلل من قيمتها وإنه لازم يتكتب لها زي زوجة أخوها

طبعا آخر مرة قابلت حمايا قال لي عايزين نجهز كل حاجة عشان ميعاد الجواز بعد أسبوعين وطالما المؤخر 35 يبقي تدفع للمأذون كذا (حسب القانون) زي ماابني دفع للمأذون، وأنا لم أعلق علي المبلغ اللي هو قاله

والدتي معارضة وبشدة علي 35 ومش عايزاني أكتب مؤخر أكتر من 20 وخصوصا إن اخواتي مؤخر صداقهم أقل من كده بكتير

سؤالي هو: إزاي أقدر أنهي الموضوع ده من غير مشاكل وخصوصا إن الوقت ضيق وأنا أعصابي تعبانة قوي لأسباب كتييييييييييييير قوي

أشكركم

وعليكم السلام ورحمة الله

اولا هو لم يفهم خطأ لانك انت لم تقل الا ما فهمه هو .............. اخي الفاضل هكذا امور مصيرية لا تتم بالتلميح وانا كنت اقصد وهو كان يقصد .... وهو قصد غير ما كنت اقصده في نفسي ولم ابينه بشكل صريح وواضح ومن هذا القبيل


ما فهمه عمك هو ما قمت انت بقوله وان لم تقله

المشكلة ان خطيبتك تريد كزوجة اخيها وامك تريد كبناتها ووالله لا الوم احد ولكن لا ادري متى ننتهي من كل ذلك ؟

على العموم اخ محمد باقي على الفرح اسبوعين وللاسف النفوس مليانة على بعضها

الحل اولا هل انت قادر على دفع قيمة المأذون ؟ ام ان المشكلة هي في مخالفة امر الوالدة ؟

اسمع يا اخي نصيحة مني اجلس مع والد خطيبتك وافهمه بكل صراحة ووضوح ماذا كنت تقصد والافضل ان تكون لوحدك وتكون الخطيبة موجودة وتكلم امامها وامام والدها ان قيمتها لا تساوي ملالالالاين الدنيا واخبرهم انك لا تريد ان تبدأ حياتك بأن تقارن زوجتك بينها وبين فلانة وعلانة لانها في عينك لاتشبه احد لانها افضل منهم كلهم والا لما اخترت ان تكمل عمرك معها هي بالذات وملايين الدنيا لا تساوي ان تعيش مع رجل يحترمها ويعفها ويقدرها ويصونها ولا يشمت فيها الغريب والبعيد والله لو سمعوا منك ذلك انا متاكدة انهم سيرضو بما تقدر عليه لانهم سيشعروا ان الكلام في المال بعد كلامك هذا هراء ومضيعة للوقت وانهم امام رجل يعرف قيمة زوجته وانها في يد امينة

اما الوالدة الله يحفظها اخبرها بهدوء انها ليست ابنتها كي تقارن بينها وبين بناتها الاتي انجبتهن وهي من اشترطت هذا المؤخر لبناتها وقبلت به وكانت راضية وفرحانة وهي تقوله ولم يمنعها احد من اشتراط اكثر منه فلا تقارن ابنتها بغيرها حتى لا تتطور مشاكل في المستقبل ان رأت شئ قالت لماذا ابنتي لم تحضره وهكذا .... الافضل ان تمسك زمام امورك من الان امك هي سبب دخولك الجنة وسبب البركة في حياتك كلها ولكن حل امور زواجك بينك وبين اهل خطيبتك ولا تدخل احد حتى لا تسمح للمشاكل بالنمو من الان في بيتك دون ان تشعر ارجوك

وان كانت خايفة من كلام الناس وبالذات زوجة اخوها فاخبرها ان تقول لها مهري 35 وانتهى الموضوع .

والف مبروك

المأذون وبصوت عالي يقول المهر متفق عليه

وبالورقه يكتب 35 الف

والوالده ارضيها وقل لها ما تخافي متفقين وما اعمل الا اللي يرضيكي



يعني خليه سر بينك وبين العروسه وابوها

مش ضروري احد يعرف

الله يهنيكم يا رب

السلام عليكم

اشكركم علي المشاركة. الحمد لله ليس لدي مشكلة في قيمة مايدفع للمأذون، ولا حتي قيمة المؤخر لكن المشكلة هي في الوالدة اللي حاسة إنهم بيستغلوني !!! والدتي حساسة قوي من ناحيتي لأني ولد وحيد. أنا ببساطة عايز الموضوع يعدي ببساطة ومن غير مشاكل

للأسف علاقة والدتي وخطيبتي مش وحشة لكن برده مش حلوة. العلاقة بينهم باردة علشان كل واحدة بتغير عليا من التانية !!!
ده غير إن كل واحدة فيهم متعززة وشايفة إنها بتعامل التانية كويس لكن التانية بتعاملها وحش

فأنا عايز الموضوع يعدي من غير أي مشاكل. المشكلة مش فلوس المشكلة هي عدم التوافق

جزاكم الله خيرا