|
زوجي اكبر مني بالعمر
يسعدلي مساااكم جميعا >>> بصراحه انا مالي بالمقدمات ابــــد:o ببدى بمشكلتي انا متزوجه وزوجي اكبر مني ب 23سنه عمري 21سنه احب اهتم بعمري كثيييييييير وصارلي 3سنوات متزوجه وكل ماقلت لزوجي ابي اروح المستشفى ابي احمل يقوول لا توك صغيره وبعدين انا توي ماتهنيت فيك بكره اذا حملتي راح يخرب جسمك ويطلع لك كرش ومدري شو واحيان يسافر يقعد اسبوعين ونص واذا رجع اتوقعه بيكون مشتاق وهيك شي لا طبعا اول مايجي يتعشى ويروح للغرفه ويقولي تعالي همزي لي رجولي انا تعباان :19::19: وربي تعبت معه كثيييييييييييييير وش اسوي |
44 سنه طيب هو مو كبير مره يعتبر رجال ناضج لكن مو شايب طيب ليه يغيب عنك بالإسابيع ؟ وليه مايبغى أطفال ؟ هل إنتي زوجة ثانيه ؟! هل عنده أطفال من زواج سابق ؟! |
فعلا ياريت توضحي اكثر مثل ماقالت الاخت عفراء
عشان نقدر نساعدك |
اهلين عفرااااء .....
بالنسبه لسفراته هو كذا طبيعة عمله انتدابات وايه انا زوجة ثانيه وعنده اولاد من زوجته الاولى وعنده بنت اصغر مني بسنه بس ومعي بنفس الجامعه <<<<شفتي الاحباط |
اقتباس:
اهااااااااا إذا عُرف السبب بطل العجب ياحبيبتي طبيعي مايبغى اطفال منك طالما عنده اطفال من الأولى وطبيعي مايبغاكي تخلفي عشان لايتغير جسمك وتفقدين رونقك عنده وطبيعي يجيكي دائما مهدود حيله بعض الرجال انانيين مره ويعتبر الزوجه الثانيه دميه في حياته وأداة متعه فقط ومايقيم اعتبار لمشاعرها ورغباتها طيب ياحبيبتي إنتي ليه وافقتي عليه من البدايه وأنتي لساتك صغيره في السن وفي عمر الزهور ؟ وهل اشترط عليكي عدم الإنجاب من قبل الزواج ؟ قلتي إنك تروحي الجامعه طيب هل خلصتي دراستك في الجامعه أم لا ؟ وكم سنه باقي لك ؟ هل هو مقصر معاكي في نواحي ثانيه باستثناء موضوع الإنجاب والبرود العاطفي ؟ ترى اسئلتي هذه ماهي لقافه مني لكن عشان نفهم وضعك أكثر ونقدر ننصحك باللي يناسبك الله يهديه ويسخره لك |
طيب ياحبيبتي إنتي ليه وافقتي عليه من البدايه وأنتي لساتك صغيره في السن وفي عمر الزهور ؟
بقوولك ليش تزوجته ... زوجي شافني بالغلط يوم كان عندنا بالبيت واعجبته وطلب يدي مع ان فيه وحده من خواتي اكبر مني ماتزوجة ويوم طلب خصص انه يبغاني انا ابوي بالبدايه عارض بس مادري شنو اللي خلاه يغير رايه .. ع قولة ابووي انه رجال مافيه عيووب وانه ماشاء الله مقتدر ماليا وانه ماراح يقصر علي بشي ومافيه سبب مقنع اني ارفضه ومع الضغوط وافقت وهل اشترط عليكي عدم الإنجاب من قبل الزواج ؟ لا ..طبعا ما اشترط قلتي إنك تروحي الجامعه طيب هل خلصتي دراستك في الجامعه أم لا ؟ وكم سنه باقي لك ؟ لا لسى ماخلصت الجامعه توي سنه ثاني باقي لي ثلاث سنين هل هو مقصر معاكي في نواحي ثانيه باستثناء موضوع الإنجاب والبرود العاطفي ؟ احيانا يجي يعيشني احلى عيشه شفتها بحياتي وبعدين يرجع يصدمني باشياء ماكنت اتوقعها منه ترى اسئلتي هذه ماهي لقافه مني لكن عشان نفهم وضعك أكثر ونقدر ننصحك باللي يناسبك لاعااادي يالغلا وربي معتبرتك اختي الكبيره الله يهديه ويسخره لك [/COLOR][/SIZE][/CENTER][/QUOTE] |
الهروب من شبح العنوسه بالزواج من رجل متزوج ومخلف وكبير بالسن
مثل مدمن المخدرات يتناولها ليهرب من الواقع المرير اختيارك اصبري عليه وليس هناك حل اخر سوى انك تبذلين فوق الجهد جهدين لتنالي قلبه ويمكن يتغير |
أخوي فارس وين الهروب من شبح العنوسه في قصتها ؟ البنت تزوجته قبل 3 سنين يعني كان عمرها وقتها 20 سنه يعني وحده بهذا العمر مايخطر على بالها ابدا موضوع العنوسة طيب ياميلانا أنا شايفه إن وضعك معاااه بشكل عام حلوووو ومابه شئ دام إنه يعوضك احيانا عن تقصيره ويعيشك أحلى عيشه وموضوع الإنجاب ليه تستعجلي عليه طالما إنك لسه ماخلصتي دراسه ومو متفرغه لتربية الطفل إلا إذا كنتي خايفه من إنه يتركك بيوم من الأيام تحت ضغوط خارجيه وشايفه إن موضوع الطفل فيه حماية لك فهذا شئ ثاني وبالنسبه لموضوع البرود العاطفي هذا أمر يعتمد عليكي أنتي بدلعك وانوثتك تقدري تخليه روميو زمانه لاتجلسي دائما في حالة انتظار إنه هو يبادر وتجلسي تحلمي وتتخيلي وبالأخير تنصدمي لأن بعض الرجال مايفهموا شئ بالرومانسية الله المستعان إنتي لازم تبادري وتسوي له حركات وشغلات تخليه يحبك ويتعلق فيكي أكثر وانتي وشطارتك في هذه الأمور أما بالنسبة لتهميز الرجوووول هذا والوحده تكون منتظرة تقضي ليلة رومانسية وراسمه سيناريوهات في راسها فكلنا في الهوى سوى وكلنا شربنا المقلب هذا من قبل :d يعني تيكيت ايزي ياحبيبتي |
وااااااااااااااااااااااااااااااااااااو يافارس حراام عليك مو كأن كلامك قوي حبتين
|
مشكووووره اخت عفراء يمكن تقوولي اني خايفه اني افارقه
لاني بجد اقسم بالله بحياتي كلها ماتعلقت بشخص كثره وحبيت اصحح معلومه انا تزوجته وعمري 19 مو20 |
| الساعة الآن 12:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©