كيف اسال عن فتاة ما اعرفها ولا اهلي يعرفونها
 

يا خواتي انا انسان ماعندي خوات وامي مي راعيت طلعات وجارات والسوالف ذي وانا عندي مواصفات الزوجه الي انا ابي وامي مالقت المواصفات الي ابي اضطريت اني اكلم خطابه ولمى كلمتها لقتلي وحد بس تقول ما اعرف عنهم شي ك اخلاق وغيرها انا محتار كيف اسال عن البنت ما ادري بس اهلها ابوها واخوانها ونعم كلهم فيهم خير بس البنت محتار ما ادري وش اخلاقها محتار دلوني وش الحل

ما عندك عمات ؟ و لا خالات و لا حريم أخوان ؟

اولا قبل كل شيء حدد مواصفات البنت اللي ودك تزوجها
بعدين خذ عنوان البنت
ثم اسأل عن والدها وعائلتها
من تسأل؟؟؟
اممممممممممممم
ستجد بإذن الله من يفيدك سواءا كان امام مسجد او شخص اخر
ثانيا ان كان وضع العائلة مناسب لك
استخر الله عزوجل وتوكل وتقدم وبعدين خليك مفتح يوم الشوفة
حاول ان تجري معها ان اعطتك فرصة حوار سريع شوف اسلوبها في الرد
وان شاء الله ربي يكتب لك الخير

اسأل جيران البنت ممكن يعرفوها

يعني كمان معقول لما تبي تخطب امك مارح تروح تسئل عنهم عشان هي مو راعيه طلعات؟

المشكله ياخواتي اهلي بالقصيم ونا شغال بالشرقيه وكلمت خطابه بالشرقيه ولقتلي نفس الي انا طالبه من مواصفات ابي الحين شلون اسال هاذا الي محيرني حتا لو سالت جيرانهم او ايمام مسجد البيوت اسرار محط يطلع عيبه لناس

أسأل أي أحد من أصحابك في الشرقية إذا عنده أخت أو أم
تسأل معارفها عن البنت و لا يسألوا عنها في الجامعة أو في مقر عملها

مخلصه جامعه وقاعده فالبيت ولا فكرت بالسالفه واصحابي كلمت واحد قلت كيف اسال قال المشكله الشرقيه كبيره مو حيالله عشان تسال وجيرانهم مو شايفين الا الزين الشين ماراح يطلع حتا لو لبنات عمها والله انفقع راسي لي اسبوع ونا تايه مدري كيف
اسال

البنت تنكشف كل أخلاقها بالجامعة ...اسأل عن الجامعة اللي خلصت منها وبأي كلية كانت وأي سنة وشوف أصحابك اذا عندهم أحد كان بالجامعة من طرفهم بذاك الوقت يسألوه عنها ...أو اسأل في الجامعة نفسها ..روح كليتها واسأل سكرتيرة هناك أو مشرفة مختبر ...