|
كيف أتخلص من هؤلاء البنات ((مستجدات بالرد 22))
السلام عليكم ورحمة الله وبركاته أنـا متزوجه من شهرين تقريبا عمري 17 وعمر زوجي 23 زوجي ولله الحمـد محافظ على الصلاوات الخمس والسنن الرواتب وصلاة الليل بإختصـار متدين المهم أن زوجي وسيم جداجداجدا ماشاء الله لكن المشكله عندما نخرج للسووق او لنزهه او لأي مكـان عـام وتأتي نظرات وكلامات البنات الساقطات راح اذكر لكم موقف مرهـ كنا طالعين للسوق وفيه وحدهـ تطالع زوجي وما نزلت عينها عنه حتى إني جلست أشاور زوجي عن لبس يعني أفهمي إنه متزوج وإني زوجته ولاحياة لمن تنادي زوجي انتبه لها بعدين نزل رأسه ولا عطاها وجه ابدا بعدين قال لي وش رأيك نشوف الملابس اللي هنـاك وراحت البنت ورانا..!! ومرهـ وحده قالت لزوجي لبى هالعيوون والجسم :( قالتها بصووت عالي انا عصبت وزوجي ماطالعها وسوا نفسه ماسمعها بعدين مسكت يد زوجي وفهمها زوجي إني ودي اطلع ولما ركبنا السيارة بكييييت بشكل فضيع والله غصب علي قال لي لايهمونك انا لك وترا البنات اللي زي كذا أعتبرهم حشره مو بنـآآت ودايم إذا حس إني متضايقه يقول انا لك وانتي لي ولايهمونك الحسـآآد قسم بالله شيء يقههههر أنـا عارفه إن زوجي ماراح يعطيهم وجه بس غصب أنقههههههر تكفون قولوا لي كيف أتخلص من البنات اللي زي كذا والله تعبت |
(( تجاهليهم ))
دام أن زوجك يحبك ومتمسك بك .. لا تخافين من أحد فتح هذا الموضوع أمام زوجك عدة مرات سوف يشعر زوجك بالملل وقد تصل الأمور إلى أن لا يخرج معك لذلك تجاهليهم قبل أن تصبح مشكلة بينك وبين زوجك واحمدي ربك على هذه النعمة واكثري من الذكر والدعاء والرقية ففي هذا المنتدى الكثير من الفتيات العازبات |
حبيبتي --- لا تنقهري ولا شي ..
اهو الحمدالله ملتزم , و هذي امتحانات من رب العالمين .. بعدين ما ممكن انك تتخلصي من هالبنات - لانهم ما يخلصوا ههههه .. بعدك صغيره .. بكره تزيد ثقتك بنفسك و ما راح تهتمين هالكثر .. ارفعي راسك فوق .. انتي اللي كسبتيه ,, انتي زوجته ... لو حطت وحده منهم عينها في عينك , ابتسمي بأعرض ابتسامه . و اهي راح تستحي من نفسها .. |
لن تستطيعي تكميم أفواه المتطفلات
ولكن ... تستطيعي صم أذنيك عن كلامهن |
صار معي هالموقف مرتين لما كنت طالعه مع خطيبي(زوجي)
تخيلي وحده ترقمه قدامي بغيت انجلللللللللللللللللط وهو يقول خلاص خليها وحده تافهه بعدين قربت عليه مرة احزري ايش سويت:$ هي ومارة وجالسه تتكلم بصوت عالي حطيت رجلي وهي ماشية وطاحت وتفشلللللللللت وانا سويت اني البريئة وهو صار يضحك اختي صعب جدا تمنعي هالاشكال تتكلم فعلا زمن غريب صارت البنت تغازل اهم شي انتي لاتتكلمي بالموضوع كثير قدامه لانه مع الفتره ممكن يقول انك مو واثقه في اهم شي انو هو الحمدللهما يعطيهم وجه لاتنقهري ولاعلى بالك ياغاليه الله يسعدك |
لا تروحي السوق مع زوجك ، روحي مع أختك أو أمك
ليييييه تدخلي زوجك معك السوق ؟؟؟؟ أي وحدة تبغى تعاكس ، بتروح السوق و لا الملاهي و بالعكسسسس ،، ما يعجبهم غير المتزوج ، صايرة موضة عندهم حافظي على زوجك و لا تخرجي السوق معه و لو بتخرجوا فللضرورة |
( واثق الخطوة يمشي ملكا ) لا تفكرين كيف تتخلصين من هذه العينة من الفتيات بل فكري كيف تحافظين على زوجك و تسعديه ليسعدك و لا تضعي يوما أي إنثى في الكون في مقارنة معك و زوجك متدين ( فلا تخافي على من يخاف الله ) أسأل الله أن يحفظكما لبعض و اسأل الله لكما عيش السعداء في الدنيا و الآخرة |
السلام عليكم ...
ما قصروا الأخوان ...وانتبهي تكثرين من ضيقة الصدر بسبب هذا الموضوع وتهزين صورتك في عين زوجك ... ويكتشف انك فاقدة للثقة بنفسك ويمكن يسأل نفسه : ليه هي كذا ؟ فيه شي عند البنات موب عندها ؟؟؟ وأنتي أكيد كاملة مكملة - والكامل وجه الله - بس يبيلك تزيدين جرعة الثقة بنفسك حبتين شوي ... موفقة اختي وخلا لك زوجك ما يشوف غيرك في عينه عروس ،،، |
الله يعينك
والله بصراحة أستغرب من مثل هذه الفئة , خصوصاً مع المتزوجين . والله حصلت معي , وحصلت مع غيري كثير وأزيدك بعد, مرة كنت بملابس إحرام , وتونا ما اخذينا عمرة , ورحت للاسواق تحت أبراج مكة لشراء العشاء , إلا ووحدة ترمي كلام , ثم ثانية نفس الطريقة ؟!!!!!!!!!!! لكن ما دامك واثقة من زوجك فلن يضرك شيئاً التغافل طيب .. أعانك الله ووفقك , |
اقتباس:
اولا:أشكرك على نصيحتك والله استفدت منك اشياء مهمة ثانيا:بالنسبه لـ ملل هذا اللي انا خايفه منه خاصه وإنه قال لي إن البنات كانوا يسون كذا قبل مااتزوجك ولو اني ابيهم كان تزوجتهم وقال تدرين إني قبل ما اتقدم لك سألت عنك مليوون مرهـ يقول اخاف اخذ وحده مثل هذولا البنات وقال من حقك تغارين ولو انك ماتغارين كان انا ازعل بس مو لهدرجه تغارين إن شاء الله بحـاول أترك الغيره عني ثالثا:بالنسبه للرقيه والاذكار الحمدلله محافظه عليها والله يرزق البنات العازبات الازواج الصالحين وجزاك الله خير |
| الساعة الآن 01:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©