|
تهرب الزوج من زوجته؟
السلام عليكم ورحمه الله وبركاته
مارايكم في زوج يتهرب من الجلوس مع زوجته اقولكم موقف انا احب السهر وريلي مايحبه اتفقنا عالاقل فالويكند نسهر اوكي الحين ايام الدراسه انا انام بدري والمفروض اهو وحسب الاتفاق ينام لا عاد اهو هني حلى السهر ومايبي ينام ولما يجي الويكند وحسب الاتفاق نسهر اهو هني يحلى النوم ويخليني لحالي سهرانه ولاتقولون لي تعبان من الدوام ريلي ماعنده وظيفه توه جاي كان يدرس بره وتوه رااد وش تفسيركم تهرب ولا ظروف واحمل اخيك على 70 محمل ؟؟ |
ياحبيبتي يمكن موتهرب انا اوقات كذا اذا صار عند زوجي دوام اسهر واذا صارت اجازه انام بدري موعشان شي بس حسب الروقان اوقات اكون مصدعه دايخه وشوفي انتي صيري اسهري معاه في ايم الدوام بشكل عادي يعني الساعه 12 نامي اسهري شوي معاه ونامي وبعدين مولازم تصيرون مع بعض في كل شي عادي اسهري نامي براحتك مو ملزومه تسهري عشانه ولاملزوم ينام بدري عشانك وهو ماعنده دوام والله عاااااااااااااااااادي الوضع لاتشيلين همه
|
اختي السيدة الجليلة
غير معقول ان يكون مؤقت نفسه عليك ..تصحو مع بعض و تنامو مع بعض و دوامك غير دوامه...انتي تدرسين و هو فاضي يمكن ينام وقت ما انتي مداومة خليه على راحته ..و انتي على راحتك اهم شي في اوقات ثانية تجمعكم و تعوض.. |
هههههههههههههههههههه
والله عجبتني هالحركة تدرين ممكن نوع من الدعابة بس انا رجل واعرف واش هو الشعور لين يكون الواحد جالس في البيت وزوجته تدرس او تشتغل اوكي في رجال ترضى وتقبل لكن احس انه صعبه شوي على الرجل بمعنى الرجولة اصبري وتحملي عليه شوي هالأيام اجازة عاد ممكن تعوضي ما فاتك بس احذري اذا فاتحتيه ع موضوع الوظيفة انك تستخدمي اسلوب الأمر او التكدر من جلوسه في البيت |
طيب انتي سوي بالويك اند شي مميز كنوع من انواع التغيير يخليه يرغب بالسهر معك
|
شكرا لكم على ردودكم وصائحكم اقدرهاجدا وارتحت نوعا ما كون الوضع طبيعي ومايحتاج اكبره
وبحاول اسوي شي مميز فالويكند مشكوره اختي عاشقه الغالي وكذلك lovezoroبخصوص الوظيفه ملاحظه مهمه نبهتني لها لان الموضوع حساس كما نوهت |
| الساعة الآن 07:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©