منتدى عالم الأسرة والمجتمع - " فرجت وكنت أظنها لاتفرج "

منعاً للبس .... المعرف ليس لي ...

..............

بقول موضوعي بإختصار , وسوري على لخبطت الأفكار ,, لأني رغم فرحتي أحسني مشوشة بسبب

هالموضوع اللي هو :

إحنا كل سنة نجتمع إجتماع عائلي ويكون كبيير ,, طبعاً بهالإجتماع أنشوف كل أفراد العائلة القريب

والبعيد .. الخفيف والثقيل - قصدى على النفس طبعاً - ويكون هالإجتماع المقصد الأول منه ,, تعريف أفراد

العائلة ببعض أكثر وتصفية حسابات ,, بحسب طبيعة الأملاك المشتركة ... ومعرفة إمكانية توسيع المشاريع

أو إنشاء جديد .. ومن هالأمور .....اللي تكون من إختصاص كبار العائلة ....

يعني الهدف ماااااادي بحت وقبل سنتين إنظم للعائلة واحد من برا وصار يحضر الإجتماع بكونه شريك ..

هو وعائلتة وكان عنده ولد راجع من كندا ويبغون يزوجونه والمصيبة وقع الإختيار علي ..

الولد عمره تقريباً 30 سنة شفته أكثر من مرة بالإجتماع وبعدين صار يجي عند أمي يالبيت

أنا ما أظلمه هو مو راعي شرب و أشياء كذا ومحافظ صح لكن ماكان يعجبني ابد لجراءتة الزااائدة

وكثرت كلامه مع أي أحد وخاصة البنات بحكم إجتماعنا والإختلاط اللي فيه .....

كثيير كانوا معجبين فيه وأعرفهم ومن العائلة وكنت اسخر منهم إش اللي عاجبهم بواحد مثله ....

ولما جاء بيتزوج ما أخذ منهم أختارني أنا أمي فرررررحت كثير وأعتبرتها فرصة ماتتعوض عشان الفلوس

والمستوى المادي العااالي مع إنا ماننقص عنهم إلا بشيء بسييط ... وحاولت كثير تقربني منه لكني كنت

أرفض وصار إنه جاء من نفسه ...

رفضت بشدة كلمت أبوي ويقول أمك أدري بمصلحتك والولد مافيه عيب وتركني وسافر برا البلاد

عشان أعماله رتبت أمي كل شيء وصار يجي عندنا دائم ودي أقوله ما أبغاك بس أخاف من أمي

رجع أبوي من السفر وزوجوني إياه غصب عني .. ورد وسافر ..

رضيت بالواقع وسكنت عند أهله بجناح مستقل حاولت أتقبله لكن ما قدرت بسبب الإختلاف بيني وبينه

فيه جراااءة غير طبيعية إنسان غير راكز في تصرفاته خاصة معي قدام أهله يحضن يبوس ويسوي أشياء

أستحي أقولها لأحد فضلاً على إني أسويها قدام الناس ..

وهذى نقطة الخلاف الكبيرة بيننا وحجته أنتي تثيريني بهدوءك وخجلك ياما أحرجني بوسط أهله وقدام

أمه وخواته وأبوه وخلاني أطلع وأنا أصيح ما صرت أجيهم وهو موجود , وأحسه يتعمدها عشان يعاندني بس

مرة بالليل كان عندهم عشاء دق علي وقالي تقول أمي أنزلي قلت ماني نازلة ووقفلت الجوال عشان لايكلمني

دق على التلفون مارديت شوي وتجيء الشغالة قالت تقول لك مدام تعالي طبعاً قصدها أم زوجي ..

نزلت , أطمئنيت لما ما شفته , جلست عند أمه وخالتة وبناتها شوي وهو جاء إرتبكت لا إرادياً صار مصدر رعب

أخاف يفضحني , جلس بعيد عند ولد خالتة وأرسل لي مسج يقول :

فديت الخجلانين , تجاهلته أنا وكل شوي يقرب ويقوم ويجلس وخالتة وبناتها يضحكون له وهو طايح سواليف

وإستهبال ..

أنا ما تحملت طلعت من المجلس حسيته ناوي على شيء لحقني هو كنت منهارة أصيح وهو يقولي

ما سويت لك شيء بس إنتي مدلعة ماني وقح لها الدرجة استحي من خالتي ...

قلتله كذااب أعرف وقاحتك زين إنت ليش تسوي كذا طلقني إذا ما تبغاني قاطعني وقال أبغاك غصباً عنك .

نزل تحت لأهلة وأنا طلعت رحت لأهلي , اسألتني أمي إش فيك أستحيت أقولها اصلاً حتى

لو قلتها ماراح تسمع مني الحياة عندها فلوس وبس .. قلتها ما ابغاه طلقيني منه هاوشتني . وجاء زوجي

وقال لها اللي كنت أستحي أقوله وبكل وقااحه .. ورجعتني معه وتقولي هذا زوجك فهميه اللي تبغين

قلتلها قلت له مايفهم هذا ...ورجعتني غصباً عني ..

نفسيتي صارت زفت كرهت كل شيء وإعتزلت الناس بسببه وأمي واقفه بصفه , جاني أرق فظييع ما أنام

طول اليوم إلا ساعة أو ساعتين وشهيتي تقفلت شعري تسااقط وزني نزل , واللي يقول فيها عين واللي

يقول سحر وزوجي يدفع من الفلوس بيعالجني غصب ..ويجيبون لي رقاة ..

وأنا أدري إن كل هالكلام كذب وأن مافيني إلا أني اكرررررره زوجي أكرهه حيييييل وأكررره بعد أمي لأنها

سبب اللي انا فيه ..وأكره بيتي وبيت اهلي عشان امي ..وطول وقتي أقضيه في النادي من 8 الصبح

إلا 9 بالليل ...وأقفل جوالي ما أبغى أكلم أحد ..ولما ارجع البيت أجلس بالحديقة ما أبغى أشوف زوجي

وأحياناً كان يطلعني فوق بالقوة , إلى ماجت مرة وإحنا نتهاوش بالحديقة جاء أبو زوجي متأخر في شغله

سألني إش فيه قلت له بروح بيت أهلي قال زوجي لا , قال أبوه روح وصلها لأهلها قلت لا ياعم بروح مع

السواق لكنه رفض وصلني عمي بنفسه .

لما قلت لأمي وأبوي إن اللي وصلني عمي عصبت أمي وقالت أكيد إنك مسوية شيء وابوي ماتكلم لكن

كان واضح إنه زعل خاف لأتخرب أعماله مع العم الكبير .. وما فكروا فيني ..بس ما قدروا يرجعوني عشان

عمي هو اللي جابني لهم ..

قضيت بيت أهلي أيام كئييييبة ما أطلع من غرفتي وأمي كل ساعة تلقي على محاضرة , وكل ليلة

أجلس عند الباب الداخلي للبيت فيني هم كبيير أدري إن أمي راح ترجعني لزوجي .. إلى ما يطلع الصبح

وأنا على هالحال وصابني صمممت رهيب تكلمني أمي ما أرد وابوي ما أرد .... إلين مامرة كان اخوي

رايح لشغله الصبح هو طبيب فقالي وانا جالسة عند الباب كالعادة تروحين معي المستشفى مارديت عليه

قال بوديك دكتور أعرفه يعطيك دواء يريحك قلت طلقوني وأنا أرتاح قال أوعدك إني لخليه يطلقك بس روحي

معي , رحت معه لدكتور نفسي قال له إن فيني إكتئاب حاد .

تحسنت حالتي وجاء زوجي ورجعتني أمي له غصب , وجلست شهر وسااءت حالتي أكثر من قبل

وصرت افكر بالإنتحار رحت دخلت المطبخ وحاولت أحرق نفسي لكن الطباخ منعني وجوا الشغالات ونادوا

أم زوجي وجاء زوجي ضربني وقال أنتي مجنونة وأحمدي ربك إني متزوجك .. وصابر عليك ...ومقدرك أنا

عشان خاطر أمك ولا نتي ماتستاهلين ....قفل على الغرفة .. وكلمت ام زوجي أمي وجت مع أخوي

أخذني أخوي معه , رغم إن أمي معارضة ..

بعد أيام واخوي جايء ويقولي جبت لك مفاجاة ومعاه ورقة طلاقي .....

ما صدقت وكل شوي أشوفها عشان أرتاح , رجعت لحياتي الطبيعيه ورجعت أعيش بكل حرية بدون خوف

وقلق .... وأنا اللي كنت أعتقد إني بموت وما رأح أطلع من الهم اللي كنت فيه ..

لكنعلافتي بأمي شبة منقطعة دائم تدعي على دعاء فضيييع وتقولي ضيعتي ولد العز اللي كان

شاريك , ما تجلس بمكان أنا فيه ولا تأكل معي , أبوي مشاكله تزييد مع أمي بسببي ويقول لها

أتركي البنت بحالها يكفي غن صحتها رجعت لها .

أخوي الله يسامحه كان يقدر يحل مشكلتي وتركني كل هالمدة أتعذب رضا لأمي ..