انا انخطبت و لم يحصل رد حتى الان
 

السلام عليكم


باكتب بسرعه لان النت يقطع عندي المهم..انا انخطبت بالبدايه باختصر السالفه .اتصلت ام الولد وقالت تبي تجي تتعرف علينا لانها ماتعرفني ...جات قبل امس والى الان ماتصلو ابي اعرف متى يتصلون هل هذا يدل ع انهم مايبوني ترى عادي مستحيييل ازعل لاني واثقه من نفسي و الزواج قسمه ونصيب بس ابي ارتاح حتى اذا احد خطبني مو انتظر ردهم ....من اللي صار معاهم مثلي لاني اول وحده من خواتي اتزوج ....
وشاكره لكم

اها شخصيا
خطيبتي الحالية تقريبا اكثر من ستة اشهر
يوم امي واخواتي راحو شافوها
وانا ما شفتها
بس كنت اماطل الأهل اقلهم بعدين
المهم بعد هالمدة رحت وشفتها وخطبتها وان شاء الله الملكة بعد الحج
عادي مو اي واحد يدق الباب يصلح يكون لكي زوج
تريثي واصبري واستخيري ان شاء الله ربي يكتب لكي اللي فيه الخير

عندنا احنا يومين ثلاث ايام وبعد ماياخدو موافقه الاهل يبدو يسئلو

اشكرك .......انا مافكرت ....بالنسبه لزواج مو مستعجله والله مو اي احد اوافق عليه الا بعد مانسأل عنه ونتعب واحنا نسأل ...وهذا مو اول واحد يخطب بس اول مره يجونا حريم واللي قبل الرجال هم يتصلون او يجونا .... والحريم يشوفونا بالزواجات والمناسبات ...لكن ابي اتاكد متى يردون ..لان فيه وحده كلمت الوالده امس في مناسبه عند اقاربنا قالت الوالده لهم بعد الحج ........والله يكتب اللي فيه خير

الله يجزاك خير...انا ماافكر ولا اتاثر اذا ردو لكن ابي اعرف متى يردون هذا اللي يهمني والسبب ذكرته قبل في ردي اللي فوق ....

آصبري حبيبتي اللي فيـ خير إن شاءالله ربي بيكتبهـ لك ..

وحآولي مآتفكري في الموضوع كثير خلي الأمور تجري مجرآهآآآ ..


وبإذن الله خير ..

والله يوفقك يآلغآليهـ ..

كثييييييييييير تصير معى واحسه بصراحه قله ذوق المماطله اكرهها احب الاقبال بجديه وحزم او عدم الاقبال والله المستعان

اختي العزيزه
عادي ريحي بالك
انا تقريبن مثل حالتك بلبدايه كلم الولد اخوي انه بيجي يخطب وجلس تقريبن شهر
وماشفت احد وانا بس افكر وش صار ووينه
بعدين جاء ‏
وجت امه بعده بكم شهر وشافتني والحمدلله ع كل حال
الله يوفقك ويسهل امرك...