قصة طلاقي ووقوفي على مفترق الطرق
 

السلام عليكم ورحمة الله وبركاته

سعيده جدا بانضمامي الى هذا العالم الجميل

لاتنسوا صيام عشر ذي الحجه وخصوصا يوم عرفه

سبحان الله قبل كنت ادخل عشان احصل حلول لمشاكلي وكنت استفيد والان خلاص حليتها مره وحده تطلقت لاني وصلت لمشكله مالها حل الا بمعجزه من رب العالمين


بدايه اعرفكم بنفسي انا عطر الحروف من عائله قبيليه على قدر من العلم والجمال عشت يتيمة الابوين تعودت على تحمل المسؤليه منذ الصغرطبعا كان لدينا ارث فلم تكن لدينا مشاكل ماديه ولكن كانت لدي مسؤليا ت اجتماعيه كثيره من تنفيس اخواتي عند ولا دتهن واستقبال الضيوف واخرها تكليف خالي لي بالعنايه بجدتي المفعده بالرغم من انه متزوج من زوجتين وعنده خادمتين المهم لم يعارض اخوتي وبالنسبه لي جاملت الى ان طفح الكيل ( صدقوني انا احب جدتي كثيرا ولكن من المجحف لفتاة في عمري ان اكون حبيسة المنزل للعنايه بجدتي بالرغم من وجدود من هو المسؤل عنها على قيد الحياة ولا توجد اسباب تجعله يتخلى عنها سوى عدم تحمل المسؤليه), المهم كان يتقدم لخطبتي الكثير ممن يحملون شهادت عليا وكانوا جيدين فعلا ولكن لم اكن متفرغه لاتخاذ قرار الى ان سئمت حياتي وقلت خلاص رح اتزوج انامتحمله مسئوليه كبيره اذا تزوجت رح يخف الحمل علي في صيف احد السنوات تقدم لخطبتي عدد من الشبان واخترت انا الابعد لقد اخترته من منطقه اخرى بعيده عن اهلي ولو كان تقدم لي مغترب او مبتعث لوافقت طبعا اللي تزوجته اقل مني في كل شي ووقفت في وجه اخوتي للزواج منه كانوا يقولون لي انتي صغيره وجميله لا تتزوجينه انتي تستاهلين الاحسن لكن انا مليت قلت خل اتزوج والسلام ,المهم من تزوجته كان يتيم قلت احسن عشان يحافظ على اسرته وكان تعليمه الى ثاني ثانوي قلت موب مشكله اخليه يكمل تعليمه وكان اكبر مني ب5 س وكان مستواه المادي اقل مني وكان مديون وهذي عرفتها بعد الزواج . المهم عشت معه حياة الكفاف واصدمت بشخصيته فقد كان عصبي جدا ومتسلط واحيانا كان يمد يده علي ( في اخر سنه ضربني وضربته) بعدها طالعني بنظره غريبه وطلع من البيت, ايه نسيت اقولكم ان امه تزوجت بعد وفاة والده وحصلت مشاكل مع زوجها وختارت زوجها وتخلت عن اولادهاوتفرقوا اولادها اللي عاش عند عمه واللي عند اخته المتزوجه الخ .وكان رغم مستواه المادي المضغوط لو حصل فلوس كان يقدمها لامه رغم كنا نحتاج لهذا المال للعلاج لاننا لم نرزق باطفال كنت اتفاجا حياتنا صعبه واذا حصل فلوس راح وسلمها امه او يشتري كماليات لامه 0 المهم بعدين عرفت ان هذي عقده كانه يقوا يمه حبيني ارجوك, المهم بعد اربع سنوات من زواجنا ذهبت لاهلي وطلبت الطلاق قلت لاحياة كريمه ولا احترام ولا عيال مافي شي يربطني ولا فيه شي اتحمل عشانه . جن جنون زوجي وحاول ارجاعي بكل الطرق طبعا كان العيب مني وكان يقول انا لااريد اطفال زوجتي تكفيني , المهم رجعت وبما انني طرقت جميع الابواب ( انا من كان يسعى للعلاج زوجي لم يكن يساعدني ولم يتعاون معي مساعدته الوحيده انه كان يقول احمدي ربك اني ماتزوجت عليك . وبما انه تدهورت صحتي وتلخبطت دورتي منذ زواجي قلت ليش ماروح للرقيه وفعلا رحت وهنا حصلت المفاجئه انا وزوجي عندنا سحر منع الذريه)كان احد مشربه سحر مين الله اعلم (طبعا انا اقتنعت قلت ليش لا زوجي يموت علي لكني غير سعيده معه دايم ينكد علي غير انه شديد العصبيه ودايما كان يشتكي من بطنه قولون وحراره اثرها من اثر السحر وكان جسمه نار واطرافه بارده نفس الثلج )لم يتعاون معي زوجي رغم انه كان يصرع ويتشنج اثناء جلسات الرقيه بل ان المفاجئه انه بدا يدخل جمعيات بمبالغ كبيره عشان يسدد كل ديونه وكان يقول انا مافيني شي واذا قلتي اني مسحور ترى بتزوج عشان اثبت لك ان مافيني شي وكنت اقوله انا وانت كلنامرضى ولا زم نتعالج بالرقيه وموب وقته الجمعيه مانبي ننضغط , طبعا في احد الايام كان متعب جدا من اثر علاج الشيخ وكان يبكي اتصل على امه وقالها ادعي لي , امه اتصلت علي تتطمن وفلان شفيه وقلت لها كل القصه , ياعالم توقعت انها تساعدني على الاقل تكلم اخوانه يساعدوني لكنها ماسوت شي وكانه موب ولدها اعوذ بالله من قسوتها ,المهم كثرت مشاكلنا وكرهت زوجي قلت له بسلبيتك مااكتشفنا السحر الالا متاخر وحتى لما اكتشفناه ماتبي تساعدني داخل بجمعيات ولا تبي تتعالج معي بشكل جدي اذا انت العمر قدامك انا عمر خصوبتي محدود اتقي الله فيني عيشتني اول حياتنا شغاله ولماتوظفت عيشتني صرافه , واخيرا قلت له طلقني رحت لاهلي ونزلني وقال تراك طالق
مانزلت مني دمعه رحت وتوضيت وصليت واسترجعت وذهبت للعمره مع اخي واختي طبعا اخوي لامني ليش اطلب الطلاق قلت خلاص انا مليت وتعبت , بعد 10 ايام صار زوجي يتصل ويرسل رسايل عشان ارجع مارديت لاعلى الرسايل ولا المكالمات كنت افكر ارجع او لا بعدين قررت ارجع بشروط اولها الالتزام بالعلاج .قلت خلاص انا دخلت هالزواجه وطلعت منها عقيم تنحسب علي زواجه واطلع عقيم صعبه خلني ارجع .
لكن المفاجئه ان زوجي ثبت الطلاق وجاب باقي اغراضي وورقتي وخطب كذا باسبوع تغير كل شي طبعا عرفت ان اخوه الكبير سمم افكاره , صدق عائله زباله واخوان انذال بدال مايقولون كل شي له علاج قالوا له تزوج

المهم حاليا انا طلعت من العده وطليقي واهله ومن سحرنا وكلت الله عليهم

انا الان مطلقه واعاني مشاكل في الانجاب جميله جذابه متدينه واللي يشوفني يعطيني اصغر من عمري
احب الحياة

حاليا تقدم لخطبني شاب لم يسبق له الزواج واكبر مني بسنتين وظيفته متواضعه ومستواه المادي متوسط

وخطبني اعزب لديه 9 اولاد اكبرهم متخرج من الثانوي يحمل شهادة الدكتوراه ومستقر ماديا وماعنده مشكله اذا كنت استطيع الانجاب او لا وهذا اكبر مني ب12 سنه

وطليقي رح يتزوج بعد اسبوعين ولكنه مازال يراسلني رغم اني توقفت عن الرسائل منذ خروجي من العده
طبعا رسايه كلها ندم

ويدعي على نفسه بالموت

ويلومني على طلب الطلاق

ومره حصلت له اتصال
وهذا مخليني استغرب طليقي ميت من الندم حتى فيه ناس شافوه قالوا شكله صاير غلط ويخوف ولكن مايبي نرجع


المهم اعضاء المنتدى الكرام متى الوحده تقدر تتزوج بعد طلاقها يعني تكون نست طليقها وياترى من الزوج اللي يناسبني علما ان عندي مشاكل بالانجاب وهل اتزوج او انتظر


انا عايشه وحيده مع اخوي غير المتزوج مرتاحه ماديااكثر من لما كنت متزوجه لكني فقدت بعض حريتي لكن اشعر بملل فظيع

طليقي ماكان مسعدني ولا شفت عنده دلال وكان نكدي ولا كنت احس بالامان معه لكني فقدت حريتي فقدت صديقات العمل والجارات فقدت اشياء كثيره خصوصا انه في اخر السنوات قدرت اوقفه عن حده الى الضرب دافعت عن نفسي ومايقدر يمد يده علي وفهمته ان ماله حق يحرمني من صديقاتي خصوصا اني وحيده ماعندي اطفال, باختصار حياتي مع طليقي لاباس فيها ولكن مشكلتنا كانت الانجاب واذا كان فيه اشياء سعيده معه انا اللي كنت اسويها لانه غير مسؤل عني ماديا ماكان يصرف علي حتى لو عنده مايصرف علي .

انتظلر ردودكم

لاتنسوا التكبير يسن التكبير في ايام عشر ذي الحجه

امين الله يجزاك خير

انا عن نفسي الى الان لم اشفى وطليقي مادري عنه

يمكن يحتاج لوقت لان مدة زواجنا 7 سنوات وماكتشت السحر الا بالسنه الاخيره وكان فيه تحسن لكن للاسف ماكان فيه استمرار

شكرا اخوي طيب ياترى اي واحد يناسب حالتي وايش الشروط اللي اشرطها غير المؤخر والسكن المستقل

ومدري احس فقدت الثقه بالرجال لكن مضطره اتزوج ذبحتني الوحده وهل الزوج بعمر 42 كبير علي انا عمري الان 30

لاتتركين الرقية الشرعية واستمري بالاستخارة

انا اشوف انه اللي اكبر منك بسنتين افضل

.. اختي من ناحيه اي خاطب سيكون الانسب .. انصحك أن تقرئي هذا الرد وتفكري فيه جيدا ..

.. بالتوفيق أختي ..