إستفسار عن محلات بيع الفساتين في جده والشرقيه
 

كيفكم 00ان شاء الله بخير خواتي بنات جده والشرقيه تكفون ابي اسواق تبيع فساتين حلوه واسعارها حلوه وماتكون مكرره00لان زواج اخويه قريب واحنا ماشرينا 00وانتم عارفين اهل العريس ووالعروسه دايم تحت المجهر:11: يرحم ولديكم ياصبايا قولولي اسماء الاسواق والاسعار ترى شي فيه تبذير والله مابيه 000وبنات الدمام والخبر تكفون الكلام لكم مثل بنات جده 00 وجينا لبنات الرياض يرحم ولديكم ابي مشغل شغله حلو ومايخلي شكلي اراقوز -- ويابنات العاصمه كيف مشغل ساره لان الاغلب رشحه وانا شفته ع بنات كان مره حلو لكن اسعارها:30:وبعد امممممممممم وش باقي نسيت لي عوده ان شاء الله لكم وتكفون لا تفشلوني انتظر الرد ايوه بجده الاقامه بتكون قصيره عشان كذا تكفون رشحولي الاسواق اللي فيها طلبي مالي الا الله ثم انتم


سبحانك اللهم اني كنت من الظالمين



عفواً تم تعديل العنوان ليتوافق مع المضمون..

انا صراحة بزواجات اخواني وخواتي افصل لأن الجاهز عاري
وانا ماالبس النوعية هذة

بس شوفي روحي مجمع الراشد بالخبر ومجمع الظهران وان شاء الله بتلقين

وعندك محل بالخبر اسمه لمسات طيبة مااعرف اي شارع بس اذكرانه على الشارع العام

عند الكورنيش << مااعرف اوصف


والله ودي اساعك بس روحي هالمجمعات وبشرينا اذا لقيتي وحياك الله بتنور الشرقية

وانا اشوف شوارعنا زحمة ونقعد بالأشارة ساعتين:d
اثاريكم عندنا

ان شاء الله احد يفيدك من الأخوات

بالشرقيه في فينيسيا مول انا احبه مرةة احس فساتينه روعة مع اني بالرياض بس لما يكون في منسابة قريب جدا اروح الشرقيه عشان اشتري
اسعارهم حلوة مااقدر اعطيكي سعر معين لان كل فستان يختلف عن الثاني

ممممم انا من زمان عن السعوديه بس بحاول اقولك اللي كنت اعرفه قبل,

شوفي روحي ميموزا بالخبر ( قريب من جمعه سنتر) , ادخلي وقيسي , لان اغلب فساتينه تشوفينها ماتعجبك بس حلوه باللبس
جنب ميموزا فيه محلاث ثانيه , ادخلي وتفرجي ..

فيه عندك محلات في البندريه اللي بشارع البيبسي , بعضها نسائيه تلاقينها وراء باتشي .

روحي للمجمعات كلها , مثل الظهران , الراشد , فنيسيا .

بالشرقية انا سمعت عن مارينا مول وقرايبي وصاحباتي اشتروا منه الي بالف ريال والي 800ريال والي 600ريال وحلوين والله ينفعون للزواج بس بنفسي ماشفت السوق ... الرياض وماادراك مالرياض اختي انا بيتي جنب مشغل سارة لو كنتي تقصدين الي في حي الخالدية؟؟ بالنسبة لمكياجهم حلو بس صارخ مبالغ فيه لو كنتي تحبين الهادي ماراح يناسبك المشغل يبدع في مكياج السمر الغوامق ((سمار افريقي)) واذا عزمتي عليه اطلبي صاحبة المشغل اسمها عزيزة ام سلطان مكياجها رائع في رسمة العين واسعارهم غالية نوعاً ما ومايلتزمون بالمواعيد زين ممكن باي لحظة تقولك عندي زحمة وتورطك فيه مشغل اسمه شيفون في شرق الرياض وفيه مجموعة رائعة بالمكياج انا جدا احبه واختي بيوم زواجها كانت فيه عندك غنوة اللبنانية هي رقم واحد وخديجة اللبنانية والبندري وفوز سعوديات والتساريح جوسي هذول الي جربناهم انا وخواتي وعموماً كلهم رائعين انتي اختاري الالوان او جيبيلها صور ووريها لبسك وهم يبدعون واسعارهم حلوة ومتوسطة وشغلهم راقي ونظيف وعندهم دقة بالمواعيد ... هذا الي عندي واتمنى اني اكون افدتك واي سؤال بخصوص الرياض انا تحت امرك انا من مواليدها وسكانها واحفظها عن ظهر قلب ...