|
انا في يوم العيد ... عيدٌ بأيّةِ حالٍ عُدتَ يا عيدُ
السلام عليكم
كل عام وانتم بخير من العايدين من الفايزين عيدٌ بأيّةِ حالٍ عُدتَ يا عيدُ, بمَا مَضَى أمْ بأمْرٍ فيكَ تجْديدُ صحيت صباح العيد لبست ولبست اطفالي بنروح نعيد عند الاهل مافي احلى من لمة الاهل والوالدين في العيد المهم بعد ما لبست وخلصت جيت اصحي زوجي عشان نروح قال انه مو رايح لانه مريض وبصراحه كانت حرارته مرتفعه واسمع صوت انينه وهو نايم ما طاوعني قلبي اروح ماكسرت بخاطر اطفالي تركتهم يروحوا لاهلي وانا لاااا مارحت جلست بجنب زوجي ما جاء لي قلب اروح افرح وانبسط وهو مريض ولوحده اتصلت بالوالده شرحت لها الوضع عشان تعذرني قالت حاولوا تجون وهو يغير جو قلت لاااا مايقدر وعذرتني واتصلوا اخواني الكبار على زوجي بيتطمنوا عليه ويعايدوه وماعرف ليش كل مايشوف ارقامهم ع الجوال يطفش ومايرد عليهم رجعوا يكلموني انا ويسألوني عنه وعن ان كان محتاج يودوه المستشفى وهو رفض لان عنده علاج بالبيت بس ما استفاد منه شي لانه على طول نايم ومريض حاولت اقنعه يروح الطبيب رااافض قلت له خلااااص انا موجوده عندك ما راح اروح لاهلي وانت في هالوضع وسكت ما رد علي المهم احتسبت الاجر وتركت اهلي واحبابي وجلست في بيتي عند زوجي ولما صحي زوجي قلت له والله ما طاوعني قلبي اروح اتعيد مع اهلي واتركك طالعني بنظره ماعجبتني وقال وليه ما رحتي لأهلك !!!!!!!!!!!!!!!!!!!!!!!!!!!!!! والله بعد هالكلمه حزنت على حالي وخنقتني العبره ماعرف ليش تضايقت مرررا متضااايقه يمكن لاني حسيت انه مو مقدر اللي اسويه عشانه اويمكن لانه على طول معصب ومكشررر بوجهي والتمس له العذر واقول مريض ,, يعني بعد ماخلص العيد تقول ليه مار حتي لأهلك ..!! وانا عندك طول الوت ليه ماقلت لي روحي .. مايضيع شي عند رب العباد .. الله يشفيه يارب ومرضى المسلمين .. آآآمين حبيت افضفض لكم لان هالمنتدى بيتي الثاني ... |
كل عام وانتي بخير
اعتقد هو قالك كان رحتي لبيت اهلك عشانك انتي يبيك تطلعي تغيري جو وتوسعي صدرك ولا يبي يخرب عيدك ويعطلك عن اهلك بيوم مثل هذا بس اظن داخله يقول ابقي جنبي واحتاجك |
معليش اقبليها منه بس عشانه مريض الرجال ما ادري ايش صاير فيهم على كل شئ يزعلون
|
حبيبتى انت على الاقل متزوجة وعندك اولاد تشوفين فرحة العيد فيهم
احمدى ربك بدل ماتكونى وحيدة ووحزينة |
وانتي والاعضاء عالم الاسره والمجتمع
بخير وبصحه وسلامه,’, زوجك جالس يتغلى عليك المفروض يحمد ربه عنده زوجه مثلك عسوله عسى ربي يخليكم لبعض ويسعدكم وتدوم المحبه بينكم للابد,,’’:) انا خطيبي تخيلي مادق علي ولا كلمني له شهر واشوي برغم هو غلطان ادعيلي ياقلبي:d |
اقتباس:
إذا تبين الصدق ياحبيبتي جملتك بصيغتها هذه كأن فيها شوية من على زوجك وكأنك تحمليه جميل مايتنسى بعدم روحتك لأهلك مع إنه شئ طبيعي جدا جدا جدا إنك ماتروحين لأهلك طالما زوجك مريض لو كنتي صغتي الجملة بطريقه ثانيه كان أفضل يعني كان لازم تبيني له إنك أنتي والاولاد ماتبغوا تعيدوا بدونه ولا بعيد عنه وإن العيد اصلا ماله طعم وهو مريض وتعبان وإن القصد من أرسالك الأولاد لأهلك كان عشان ينام هو براحته ويرتاح من دوشتهم ومو عشان العيد عشان مايحس إنه مقصر معاكم في شئ |
وانا بعد رأيي من رأي عفراء
إذا فعلا قلتي لزوجك الجملة هذه كذا مرة و بينت انك جلست و تركت فرحة العيد و جالسة معاك ...والخ فيمكن فيها بعض المن ..يعني كأنك تقولي له احمد ربك اني جالسة معاك اتمنى ما تزعلي مني , احتمال يكون كلامي صح و احتمال خطأ إذا ما بينتي له ذلك طيب عزيزتي هو بعد ما قال هالجملة كيف كان تعامله معك!؟ كل عام و انت بألف خير |
اشكركم جميعا وكل عام وانتم بخير ينعاد عليكم
عفراء والمسداني اشكركم خواتي لتفاعلكم وانا قلت هذه العباره ولم اقصد فيها المن ابدا اللي قصدته انه شوف كيف انت عندي اهم من اي شيء آخر وان كان هو فهم ان كلامي فيه منه فالشكوى لله وحده .. المسداني .. تعامله معي فيه من القسوه والتهميش كثيرررر الحمدلله على كل حال ان حكينا ندمنا وان سكتنا قهررر .. |
ربما هذا بسبب مشكلة البطاقة و مو من حقه يكون زعلان
لكن عزيزتي احس المشكلة الأكبر هي ضياع الحوار و الود بينك و بين زوجك يعني ما شكله ارتاح او فرح لوجودك و ابتسم ابتسامة رضا و هذا يعني عدم الراحوالنفسية بينكما خليك يا اختي مبادرة لأنك المرأة تواقة اكثر لحل المشاكل العاطفية بينها و بين زوجها و البحث عن حل لها فتشي عن مفاتيح زوجك و ما هو الأسلوب الذي يحبه منك و ما السبب الحقيقي وراء تذمره و تكشيرته مو معقولة كذا على طول مكشر , فيه سبب ,,حاوريه دلعيه بيني غلاته عندك و ان شاء الله تعرفي تتعاملي معه |
اقتباس:
اختي التمسي لزوجك العذر هو تعبان وحراره واكيد قل شيهه وعور راس ...يعني بالعربي مو فاضي لاحد ...نفيسه :( جميل كل ما ذكره الاخ الفاضل .....المسداني .... بالنسبه لتكشيرته وتذمره ...عندي لك طريقه ما ادري هل تعجبك و تتبعينها ...ام لا... المهم تقدرين اتسوين نفسك عبيطه وتتجاهلين التكشيره مالت خشته و ما تسمعين تذمره .... يعني اذن من طين واذن من عجيب ...حتى يمل هو من نفسه من هذه الطريقه ..... والا راح يغثك في كل مره اذا بغى شي كرر هذه الحركه ...التكشيره والتذمر... خليه يدرك ان التكشيره والتذمر ما تجيب نتيجه مع وحده ...عبيطه ...( مع احترامي لك )) وحذاري يا اختي ان تقصري بحق زوجك ...ولو بنتفه صغيروووونه من حقه ...بالعكس ... زيدي عيار الدلع والغنج وكلام العسل .... راح اتشوفينه ان شاء الله انفقعت مرارته من تكشيرته....وسكر حلقه من التذمر ... راح يقوول بينه وبين نفسه هذي مافي فايده فيها ...عبيطه مو فاهمه اني ابي اغثها ... راح يغث نفسه فقط ... الله يقومه بالسلامه ويهديه لك = |
| الساعة الآن 04:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©