|
اختي وخطيبها
السلام عليكم وكل عام والجميع بخييير كالعادة مافي مكان مناسب الواحد يشكي فيه ويلاقي الحلول غير هذا المكان ابغا استشارة منكم في موضوع اختي وخطيبها اختي تفكر تنفصل عن خطيبها وهوا متمسك فيها انخطبت اختي وسارت الملكة والحفله وراء بعض على السريع يعني بسبب ظروف ومشاكل وماكملت شهر الا اتضاربو مع بعض وسار هوا مايبغاها وادخلو اخوته ويتصلو على اختي ويكلموها ويقولها طنشيه ولاترمي ننفسك عليه خليه هوا يتصل ويكلمك ومرا يقولولها مصاب بالعين لان يوم الشبكة دخل وانزف مع اختي وقالو يمكن احد حسده وطلبو نجبلهم اثر من اغلب الي كانو في الشبكة وجبنلهم مويا وشرب المويا واختي كانت بحاله وتبكي وقولتلها طيب ليش ماتسيبيه قالت انا حبيته واتعقلت فيه واتحل المشكلة بعد اسابيع وفجاة بعد شهر اتضاربو كمان وسارت اختي تقول ماابغاه وحالفه بالله انها ماترجع له وهوا يتصل ويكلمها ويقولها ماحطلقك روحي اتمرمطي بالمحاكم وسار يعاند فيها ويقولها انتي غبيه ليش رجعتيلي المرا الاولى لما قولت ابغا اسيبك وكلمت امي وقالت ماتبغاه هوا كمان اتصل على امي ويقولها انا ماقدر اسيبها وانا احبها ومرا اتصل على التلفون رديت وطلع بالصدفة هوا وكلمني قال اشبها اختك اتغيرت فجاة سارت تدور على غلطة وتبغا تتطلق قال انا احبها ماقدر اسيبها وماحعيش من غيرها ويرسلها ورود وهدايا وهيا ولا تفتحها وجاء البيت وكلم عمي وخلاهم عمي يتفاهمو مع بعض بس مافي فايده واخواتو كمان ادخلو وهما دايما يدخلو وسارو يكلموها ويقولها احنا وقفنا ضد اخونا المرا الاولى عشانك وندماننين,,مع العلم انهم ماحددو الزواج لسا واحنا من عاداتنا مايملك الا لما يتحدد الزاوج بس عشان المشاكل والظروف ملكت ومن غير مايحددو الفرح, عمر اختي تقريبا 23 وهوا اكبر منها بسنه وتقول ان عقله صغير وماقدر اتفاهم معاه ومدلع لان امه واخوته مراا يدلعوه وشخصيته مو مراا قويه يعني بسهوله يتصرف مني عارفة مين الغلطان وحيقدرو يرجعو مع بعض بعد الموقف الي سار بينهم وكيف نرجعهم لبعض ؟؟ مع العلم ان اختي كانت تحب واحد وتكلمه الله يهديها وصلني خبر انها رجعت دحين تكلمة وهيا لسا مااتطلقت يعني على ذمة رجال مادري اوقف معاها ولا مع خطيبها الي عقله صغير ومايفكر الاتفكير سطحي ابغا منكم استشارة الله يسعدكم صح الموضوع مو بكامل تفصيله بس ان شاءالله اكون وصلت المهم |
في البداية اقتنعت بحجة أختك ..
اقتباس:
إنها مستحييييييييييييييييل راح تحب خطيبها لإنه واضح إنه هناك شخص اخر غيره أختك بترمي نفسها في الحفرة ، أول شئ بتترك الحلال و تروح للحرام ثاني شئ ، حتى لو ما تزوجت هذا فراح تستمر في دوامة ( المقارنات ) ،. دام إنها مستمرة في علاقتها مع شخص غريب |
يمكن اختك بالبداية كان معها حق
بس الحين هي غلطانه يعني لو تبغاه ترجعلو ولو ماتبغا تصر على رأيها وينفصلو بس انها تكلم رجال فهذه مصيبة والمصيبة الاكبر انها على ذمة رجل انتي اجلسي وتكلمي معاها ولو قالت خلاص مو مرتاحه معاه احسن الانفصال الان افضل مايكون بعد الزواج يصير بينهم اطفال بس اهم شي ماترجع تكلم هالشاب الله يهديها |
احنا تقريبا مقتنعين باسبابها للانفصال ودحين هيا ماتكلمة ولا هوا يكلمها بعد ماتعب معاها يرسلها وكلمها ماترد بس انا اخاف يكون الشخص الي تكلمة سبب من الاسباب لان زي ماسمعت انهم يحبو بعض من سنوات واكيد تبدا تقارن بين خطيبها وبين الشخص هذا وانا سالتها بعد مانخطبت قولتلها الشخص الي كنتي تكلميه لسا تكلميه قالت لا من زمان ماكلمته وطلعت تكذب عليا وانا جيبتها من باب ثاني قولتلها ليش مايجي يخطبك قالت اهله رافضين يزوجوه غير بنت خالته انا وبنات خالاتي ياما نصحنها تسيب هذا الشي وصل خبر زمان لامي وامي اخذت الجوال وحلفلتها ماترجع تكلمه بس مافي فايدة المشكلة هيا ماتدري اني اعرف بمكالمتها له ومني عارفة ايش اسوي عشان تسيبه |
اقتباس:
سبحان الله ناس ربي يعطيها الحلال وتدور حرام ماحد يحس بي النعمه الا لما ترووح اللهم اغننا بحلالك عن حرامك وبفضلك عمن سواك ياانتى تحلى المشكلة معها بي الحوار او تدخلى احد كبير فاهم |
وعليكم السلام ورحمة الله وبركاته وكل عام وانت بألف خير ، والله يحعل أعيادنا كلها فرح وسعادة وفرج لكل المسلمين المستضعفين المضطهدين الامر الاول فيما يخص اختك برتباطها مع شاب لا يحل لها فيجب ان يدخل طرف في المشكلة من عائلتكم الكريمة رجل وليست امرأة امك او انت شخصياً ، فالرجال الحكماء الحازمين هم من لهم السلطة والمقدرة على قطع مثل هذه العلاقات الامر يسكت عنه واختك ستكذب عليك كل مره ولن تقطع هذه العلاقة الا اذا دخل رجل قوي وحازم وذكي وقطع عنها وسائل الاتصال ( الجوال والنت وطلعات مع السائق ) وكذلك لابد من اقناعها ان الاستمرار مع هذا الشاب هو خسارة كبيرة لها من سقوط لسمعتها وغضب ربها مروراً لانتكاسة نفسية كبيرة من الصعب اجتيازها بيسر . ومن الواضح أن الشاب يريد التملص من الزواج منها بذريعة ان اهله يجبرونه على الزواج من بنت خالته وهذا كذب وخداع وسناريو مستهلك ، وكفانا جنون البقر . الامر الثاني الاخت الله يهديها بحسن هدايته لم تقتنع بخطيبها ، لان كل حواسها ومشاعرها وكل قطرة من دمها وجهته للشاب ( العلاقة المحرمة ) والانفصال من خطيبها لربما هو الاصلح لها ولولد الناس والافضل ان تزوجوها حتى اشعار اخر كي يتم اعادة تأهيلها لان عقلها صغير جداً وتزويجها وهي بهذا العقل ورطة لها ولولد الناس . الله يستر عليكم يا أختي الكريمة والله يجزيك كل خير على اهتمامك لاختك هداها الله |
اختك بحاجة لكي
بحاجة الى من يسمع لها بحاجة الى صدر حنون بحاجة الى من يتعاطف معاها ما تحتاج نصائح بما انها لم تجد من يفهمها رجعت لخويها قولي لها اش فيكي اذا بكت ابكي معاها خذيها في حضنك خليها تسولف لكي كل اللي في صدرها صدقيني اذا لقت هالشيء فيكي اخر شيء تفكر فيه انها تلجأ لخويها بخصوص المشاكل الصايرة انا مريت بنفس هالتجربة وبنفس العمر ومن الأمور اللي قرصتني في حياتي خسارتي لخطيبتي الأولى الغالب يكون ضيق الأفق وضحالة التفكير هي السبب لأحداث المشاكل وكل التصرفات والمواقف تكون صادرة عن غشم ومرة ودهم ينفصلو وبعدين يقولو بنرجع لبعض احس انه طبيعي خاصة اذا طالت فترة الخطوبة وكانوا ع اتصال مع بعض من الحبة كل واحد يعمل قبة ويجلسون لبعض ع الحبة كل هذا وارد والعناد اه من العناد تحسين احيانا كأنهم اطفال--احيانا اتذكر بعض المواقف اقول كيف كنت افكر انتي اولا اخطي الخطوة الأولى كوني قريبة من اختك ثانيا:- اذا ودهم يرجعوا لبعض لازم اولا يتم تحديد الزواج بشكل دقيق ثالثا:- لو في واحد ناضج متزوج من محارمك خليه يحاور زوجها ويجلس معاه ويفهمه كيف يتعامل مع زوجته وكيف هي عقلية البنت بس ياليت لو كان اللي يحاوره قريب من عمره رابعا:- في كل الظروف سواءا رجعو لبعض او انفصلو لا سمح الله خليكي جنب اختك خامسا:- بس عاد هذا حيكون يوم عصيب شوي قولي لأمك ان اختك تكلم واحد وصارحيها وخليها تأخذ الجوال منها بس لا تحطين نفسك في الصورة لأن اذا عرفت انك انتي ((((الفتانة))))مثل ما يقولون بالعكس والله انه افضل شيء تسوينه ع العموم اذا عرفت حتنفر منك. في كل الظروف ارجع واقول ان اختك بحاجة لكي اسأل الله ان ينزغ الشيطان بين كل المتزوجين وان يصلح حال اختك وان يكتب الله لكي اجر السعي في الإصلاح بينهم |
جزاكم الله خير على استشارتكم لي
اخوي كناري البحرين عمي ادخل بين اختي وخطيبها وحاول انه يرجعهم لبعض بس مقتنع بحجة اختي وشايف انه الولد مو حمل مسؤلية وانا اشوف احسن كمان ينفصلو لان خلاص سار موقف بينهم وهيا تقول انا مرا كارهته وعلى كلامها انها اتعقدت من الزواج وماتبغا تتزوج ثاني ولما بعدت عنه مرتاحه يعني مافي امل يرجعو لبعض,, بس الاهم كيف نقنعها انه الي تكلمة كذاب ويكذب عليها ومابنيته يتزوجها لانها عنيدة وماتسوي الا الي براسها اخوي lovezoro جزاك الله خير بوضحلك ان اختي ماتقولي شي عن هذا الموضوع وانا عرفت من برا من وحده وهي ماتدري اني اعرف عنها هذا الشي عشان كذا صعب افاتحها بالموضوع وهيا تفكر انو انا اصغر منها يعني كلامي غلط وهيا الصح او ماتثق فيه,,وقبل كم سنة وصل لامي خبر اني اختي تكلم هذا الشاب وشافت شغلها بس مافي فايدة وصعب ارجع اقول لامي لانها ماقدرت عليها المرا الالى وكمان امي شايله هموم ماابغا ازيدها بهذا الشي وعلى خطيبها مافي احد بنفس عمره يدخل وينصحه غير عمي الكبير من جد انا محتاره وخايفه عليها تدمر حياتها من غير ماتدري او بسبب نزوه وتعدي |
الامور وضحه اختك ما دامها على اتصال برجل غريب عنها لابد ان تكبر وتكثر مشاكلها مع زوجها !!
الواضح ان الرجل شاريها وهي ما تبيه طيب ليه ما تزوجت الاخ اللي يكلمها من البداية ؟؟ الله رزقها بالحلال وتروح ورى الحرام !!!!!!!! غريب |
والله صراحة موضوعكم خطييير ..دام اختك تكلم واحد ثاني بصراحة موضوع حساس ..
وانشاء الله يستر عليها بس نصيحة لاتظلمون الرجال وانا اشوف المشاكل ممكن تكون من أختك والله يعين الدموع أسرار |
| الساعة الآن 05:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©