|
قريبي يريدني و لا أرغب به مالعمل
كيفكم بنات اهم شيء كيفكم مع العنوسة اه اقصد تاخر القطار شكله يعبي وقود طلبية من المانيا متى على الله :14: ههههه بنات جيتكم ابي افضفض ولد خالتي طالب يدي من ثمان سنوات وكل سنة خالتي تتصل ولدي مايبي الا بنتكم وبيعنس ينتظرها موفر لي شقة مستقلة وقالت خالتي تبغاها في منطقة اهلي او في منطقته ماعنده مانع اهم شي اني اكون من نصيبه ومازلت ارفضه و مع اني تعديت بحر الثلاثين انتظر شاب مستقيم ولا شاب مستقيم تقدم لي :( ولد خالتي تفكيره غيرتفكيري والمستوى التعليمي مختلف كمان هو له سوابق لكن مادري للحين عقل او لا وخاصة انه بعيد عن منطقة اهلي وبعيد عن ابوي واخواني ولا يعرفوا من هم اصحابه والله احترت اخواتي انقسموا نصين احد يزن على راسي وافقي دام انو شاريك ويمكن ريي يهديه على يدك والبابا والماما يقولوا لك الحرية مانجبرك بنات الفترة هذه حاسة باحساس ابغى طفل ابغى اصير ام وكل ماتذكر اني اتزوج ولد خالتي اشعر بغثيان واكتئاب وضيقة صدر ايش يفيدني ارجع بيت اهلي مطلقة ؟ خليني كذا احيانا يجني هالشعور حبيت افضفض وااسمع ارائكم |
أولا شيء عليك بالدعاء والاستخااااارة
ثانيا عمرك إذا أنت صغيرة سن وفي أمل أن يأتيك من هو أفضل منه فاتركيه أما إن كنت كبيرة سن نوع ما ويمكن يتأخر الخطاب والعمر يمشي بسرعة فكما يقال عصفور في اليد خير من عشرة برا -بعدين يمكن أنه عقل وصار رجال يعتمد عليه -واضح أنه معجب بك من ثمان سنوات وعينه عليك دليل على محبته وإعجابه بك -الاهم الاستخارة -لابد ان يكون له مصدر رزق -وظيفة ويكون محافظ على الصلاة وبعيدا عن المخدرات واهلها |
مشكور الكسائي
اذا كان على العمر الله يعوضني خيييير والاسختارة هذا الشخص بالذات ماستخرت فيه :( وامس اخواتي يقولوا استخيري وارفض :( استغفرالله العظيم ابي اسمع خبر قريب انه خطب وبيتزوج والله ادعي له من قلب انا مااكرهه لكن خايفة من مسألة الزواج اني ماتقبله كزوج ياربي فرجهاااااااااااااااااااا علي |
يقولون ماخاب من أستخار ولا ندم من أستشار
أختي هذا من الشيطان توكلي على ربك وأدعيه واستخيرية الذي بيده مفاتيح كل شي (كل شيء) -أستشف من كلامك من خلال ردك أن عمرك نوع ما كبيرة فلذلك توكلي على ربك وتزوجي قريبك هذا وما يدريك لعل الله يحدث بعد ذلك امرا وما يدريك أن تتحول كراهيتك له الى محبة وهيام القلوب بيد الرحمن والزواج ستر وعفاف وذرية تفرحين بهم في صغرهم ويعتنون بك عند كبر سنك -عليك بقراءة سورة البقرة لان كثير من الفتيات تتردد عن الخطاب بسبب إما حسد ونفس أو سحر أو مس فكثير منهن واظبن على قراءة سورة البقرة فتزوجن بكل يسر وسهولة ولا تنس كثرة الاستغفار ففيه العجب العجاب |
اضم صوتى الى الكسائى بس حبيبتى ماذكرتى لنا وش نوع العيوب الى فيه ممكن نقدر نساعدك اا
اانا من رايى استخيرى وخاصة فى الثلت الاخير من الليل والله يجيب لك الى فيه الخير ان شاء الله ويلا بدنا البنات يتزوجوا عشان نفرح ان شاء الله |
الكسائي المحبة للاستغفار
عندي مبدأ ان الزواج من الاقراب مايخلف غير المشاكل وصارت اكثر من تجربة فاشلة فيه عيوب كثيرة كانت سابقا فيه ايام العشرينات من عمره مثل الحبوب - السجن لكن على حسب مافهمت ان الرجال تغيرت اموره الى الافضل وعقل وازيدك عن نفسي ا انسانة ملتزمة في مور كثير في حياتي لا اسسمع الغناء وهو انسان عاادي جدا اغاني مسموح فيها وصلاته مااعرف اذا هو مداوم عليها او لا احس انه مو الشخص المناسب واحدث نفسي ايش اللي يحدني عليه؟ صحيح مافيه رجل بدون عيوب لكن اقل شي انه امور كثيرة تشفع له واهمها الصلاة ومداومته عليها |
.. اضم صوتي للاخوة الا سبقوني ( استخيري ) ..
.. وثانيا ليش ما احد من اهلك يروح لمنطقه ولد خالتك ويسئل عنه .. مو يمكن هذا الانسان انصلح حاله , وصار شخص ثاني ؟؟ .. |
استخيري ولو كنت كارهته حتى إن كان فيه شر يصرفه ربي بدون ادنى مجهود منك ويعوضك بأبرك منه
تأملي كلمات الاستخارة وافهميها |
انا شايفه انك متخوفه من الموضوع وانك ماتبغيه اول شي طبعا استخيري وسوي الي يريحك وانتبهي لا احد يضغط عليكي من اخواتك بعدين تندمي قوليلهم خلوني افكر على راحتي واردلكم وسوي الي ترتاحيلو والله يوفقك |
الزواااج ماله دخل بالعمر
ااذا مو مقتنعه فيه لاتواافقي نصيحه من وحده مجربه انا عشااان عمري 28 ابوي زوجني واحد مو مقتنعه فيه بس سمعت كلام الي حولي عمرك رااح ومن هالكلام جربي الحيااه حلوه ولا مره جربي نصيبك وصدقيني عضيت ااصاابعي ندم ااذا مو مقتنعه فيه ااتركيه وبعد الملكه مو قاادره ااحبه ولاااتقبله وافكر ااطلق بس خليهاا على الله |
| الساعة الآن 04:57 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©