|
مشكلتي مع متزوجة
السلام عليكم ورحمة الله وبركاته عندي مشكله ومالقيت غيركم بعد الله سبحانة وتعالى انا احب وحده تعرفت عليها من قبل ماتتزوج وصار لي معها سنتين في شهر 8 في الصيف اللي راح البنت تزوجت ماقالت لي الا قبل زواجها باسبوعين صراحة صدمتني مره ماكنت متوقع :: حاولت اتقبل لكن مافي فايدة :: حاولت اكثر من مره اني ابتعد عنها لكن والله ماقدرت من يوم 8/10 الى يوم 10/2 يعني ثاني ايام العيد ماكلمتها تقريبا شهر وشويات لكن مره ماقدرت وهي بعد ماقدرت تبعد قفلت جوالها وكانت ناوية انها تبعد لكن رجعت اتصلت علي مررررررررررررره احبها مره مره مره مره وهي بعد وش اسوي مع اني حاولت قبل كذا كثير لكن مافي فايده هي متزوجه دحين الله يوفقها لكن مررررررررررره ماقدرنا نبعد عن بعض ساعدوني الله يخليكم ::: انا ماقلت لكم عشان تأنبوني . ابغاكم تساعدوني .اللي فيني مكفيني ::: |
أخوي
إنت تدري إنه ( ربي يمهل و لا يهمل ) يعني ربي ساترك إنت و هي لحد اليوم ، و ينتظرك تتوب و يعطيك فرص كثيرة في الأخير ، ربنا بيشيل ( ستره عنكم ) و يكشفكم ،، هل بتقول وقتها و الله أحبها ؟ و لا تخاف على نفسك من الفيضحة و من زوجها و أهلها ؟؟؟؟ |
كل اللي بيني وبينها مكالمات على الجوال مره وحده قابلتها في مول وهي باقي بنت واستحالة نتقابل ثاني |
كيف عرفتها
وكم اعماركم.... وانتبه من انزلاقات النزوات واتباع الهوى فتتوهم انك تريدها..لكن امام الامر الواقع راح تنجلي توهماتك وتعرف نفسك اكثر وبعدين لييه ماتزوجتو...وش خلاها تتزوج غيرك هناك تفاصيل لم تذكر حتى نقتنع بما يدور في نفسك وربي يحفظك |
واضح من كلامك إنك ندمان وتحس بتأنيب ضميرر, وأن تسجيلك في هذا المنتدى وطرحك للموضوع إن دل
فإنما يدل على أنه فيك خير كثير... أطلب منك أن تنظر للموضوع بشكل ثاني أنك متزوج وإنه زوجتك تستغفلك وتكلم رجال من وراك واكتشفت الموضوع شو راح يكون موقفك???.... أخي هذه خيانة كبرى, خزي في الدنيا وخزي عند رب العالمين... في رأيك شو الحل???? 1: يا إما تنفذ بجلدك وتتوب لرب العالمين وتستغفر وتدعوه أن يرزقك زوجة صالحة تسترك في عرضك وتصونك وأنت غافل........ 2: تطلق البنت وتتزوجها وتعيش في دوامة من الشك من أنها تخونك كما خانت زوجها لأنه باين عليها بنت لعوب كونها كانت تكلمك وهي مرتبطة, ليش ما صارحتك من البداية??? 3:تستمر معها في الحرام هي إختارت حياتها وأكيد تعتبرك تسلاية كلما حست بالضجر تدق عليك, وحتجرك على جهنم الدنيا والآخرة في الأخير أنصحك بالصلاة وملازمة صلاة الجماعة ومخالطة رجال صالحين... أدعو الله الأحد أن يهديك ويفرج عنك عاجلا غير آجل يا رب..... |
حاولت اني اتزوجها لكن العادات والتقاليد عندهم لا تسمح بالزواج من غير قبيلتهم
مره ماكان في نصيب حاولنا لكن مانع يييييييييييه البنت اطهر من شفتها على وجه الارض كلنا اعمارنا 23 سنة "" ولله ابغى اشيلها من قلبي لاني بجد خلاااااااااااااااااااااااااااااااااااص "" |
إذا هذه البنت أطهر من شفتها على وجه الأرض
فهذه وساوس الشيطان ، علشان يسحبك معاه إيش تركت للبنت الطاهرة و العفيفة ، إذا هذه طاهرة ياخوي ؟؟؟؟ أخوي ، إنت اللي قلبك طيب و على نياتك فيه قصة في المنتدى ، بس ماني لاقية الرابط .. رجال متزوج من وحدة ، كشفها تكلم رجال من قبل ما تتزوجه و نزل مشكلته هنا يبغى يطلقها ، و الرجال اللي يكلم زوجته ( هرب زي الدجاجة ) لو إنت تبغى مصلحتها ، غير رقمك و قول لها تحافظ على بيتها هذه ( خاينة ) ، تعرف إيش يعني ( خاينة ) ؟؟؟؟؟ |
اخي الكريم
المرأه متزوجه.... يعني مهما كاآآآن الاولى منهها ان تحفظ زوجها.. وتصرفها يعتبر خيانه والى اين سوف تصل..وكأني ارى الابواب مؤصده حكم عقلك ولاتجيب لنفسك المشاكل وتأكد انك اذا عزمت الابتعاد والتخلص من اي مبرر يمكن ان يوصلك لها سوف تشعر بالراحه وتدريجيا سوف تنسى النفس لابد ان تصقل بضوابط العزم والاراده لاتجعل عواطفك تقوودك.....واتمنى لك التوفيييق وان تجد زوجه صالحه تنسيك مامر بك وفقك الله |
.. إذا هي فعلا ( أطهر من شفت على وجه الارض ) !!
فليش تكلم شخص غريب عنها ( إلا هو انت ) !!! .. أخي الكريم .. إذا فعلا تحبها , غير رقمك , وأقطع أي صله بينكم , واتمنى لها حياة سعيدة .. .. فلا تكون سببا في خراب بيتها , وفضيحتها امام الناس ( لانه عاجلا أم آجلا سينكشف ما بينكما ) .. .. وأبحث لك عن أي شيء يشغل الفراع العاطفي الذي تعيشه , كأن تنضم لنادي رياضي .. .. او تنضم لمركز لتحفيظ القرآن , او تقوم بأي عمل تطوعي , او مارس هوايه تحبها كثيرا , قويي علاقتك مع أصحابك .. .. واذا عندك امكانية للزواج , تزوج وعف نفسك , وأنشغل بحياتك , ولا تنسى ان تستغفر ربك كثيرا .. .. |
مافي شي اسمو حب من بعيد هذا اعجاب فقط الحب ياتي من الفراش فقط
واي بنت كلمتك بالجوال وقالت للك انها تحبك اعلم انها تكلم عشر رجال اخرين وتقولهم نفس الكلام حاول تذكرها بتقوى الله عز وجل وان الزنا من كبائر الذنوب وان الخيانة عقوبتها وخيمه بدنيا والاخرة وان مصيرك ومصيرها الندم ثم غير شريحتك وانساها . وتخيل نفسك انك بمكان هذا الزوج وان واحد يحب زوجتك |
| الساعة الآن 01:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©